DANIEL 7:7 - Kalate Zambe Nnomo a Mfefe Mfefé Nkôñelan

⁷ Me ngenan me kele ôsu a yene mam me nga kui me a alu, nde ma yene tite nyini é too ékowoñ, a angôndô, njalan a avale ngul afe; é nga be'e beta mesôñ m'étyé asu ya di, a nyabe biôm a bi, a tibi'i biôm a ne te di a mebo. E nga selane betite bevo'o belale y'ôsu beta nselan; é nga be'e minla'a awôm.

Bible en langue Bulu

⁷ Me ngenan me kele ôsu a yene mam me nga kui me a alu, nde ma yene tite nyini é too ékowoñ, a angôndô, njalan a avale ngul afe; é nga beʼe beta mesôñ mʼétyé asu ya di, a nyabe biôm a bi, a tibiʼi biôm a ne te di a mebo. E nga selane betite bevoʼo belale yʼôsu beta nselan; é nga beʼe minlaʼa awôm.

DANIEL 7:7 Iomraidhean Croise

SAMUEL BAA EJÔÉ DAVID 22:43

Ma nyose be, ma veñesane be mbuluk, ma tibi be a mebo ane mbotok ya minjoñ.

Yb 41:14

Ngul é ne nye *tyiñ, a woñ wo yôô ny'ôsu.

EZEKIEL 40:2

a a nga kee ma wé. E miñyenane mi Zambe été, a nga kee ma e sii Israél a telé ma e nkôl ô nga dañ ôyabe yôp, e vôme biôme bi nga funane menda ya tison bi nga too mfa'a ya nké.

DANIEL 2:19

Ane *nsolane jam ô nga kulubane be Daniel e biyeyem a alu. Daniel nye ve taté na a kañe Zambe ya yôp,

DANIEL 7:13

Me nga ke ôsu a fombô miñyenan mi nga kui be ma a alu: vevea jôm a funa'ane môt a nga so minkute yôp été. Nde a nga zu vôme nnôme môt ô mbe, amu be nga zuu nye ôsu vié.

DANIEL 7:2

aval a nga kañete bie: A alu, me nga yene évuñulu é so'o meku'u menyine ya vôme mis ma su'u e teme mañ.

DANIEL 8:10

Nla'a te ô nga wosane beéngele ya yôp, a wua abui y'été si, nalé fe abui ateté a tibi de a mebo.

DANIEL 8:22

Eyoñe nlak ô nga bu'i, minla'a mife minyin mi nga faa vôm ate: Bijôé binyin bia ye nyoñ éjiane ji y'ôsu mbie le, ve teke kui ngu ane énjé.

ZAKARI 2:1

Me nga bete mis a yene minla'a minyin.

NLITAN 12:3

Wôna ndeme fe é nga yené e yôb été, é mbe beta dragoñ, évele ane nduan. A nga bili minlô zamgbwa a minlak awôm a e minlô mié yôp, mimvulekane biyé zamgbwa.

NLITAN 13:1

A me nga yene tit é kuik e mañ, é bili minla'awôm, a minlô zamgbwa. E minla'a mié yôp, mimvulekane biyé awôm a, e minlô mié yôp, jôé ébiasé e too ntilan.

NLITAN 17:12

Minla'awôm ô nga yen, mi ne bejôô bôt awôm be ngenane te nyoñ éjôé, ve ba ye kabane ngule ya njôô bôt awolo da, baa be tit.

NLITAN 17:7

Wôna, éngele a nga jô me na: Amu jé wo ku avem? Ma ye kate wo ndimba jame minga ate a e nyô tit é be'e nye é too minlô zamgbwa a minla'awôm.

NLITAN 17:8

E tit wo te yen é nga too, ve é nji beta bo. Ja ye so mbi'ili a ke e njañ. A e bôt be too e *si nyô mbe môé me nji bo ntilan e kalate ényiñ ane *si nyô é nga téban, ba ye semé éyoñ ba yene tit éte, amu é nga too, ve é nji beta bo, ve ja ye beta so.