DANIEL 5:7 - Kalate Zambe Nnomo a Mfefe Mfefé Nkôñelan

⁷ Njô bôt, ve zu bete tyiñe ngu na be loone beyeme ya Babilôn, bebo majik, befas ateté a mimvimvi'i, nde a jô be na: Môt a ye yeme lañe ntilane wu a kate ma atinane y'été, ba ye jalé nye ngômesane melitan, ba ye jalé nye nsanga or *tyiñ a éyoñe te a ye bo wua ya bengovina b'ôsu y'éjôé.

Bible en langue Bulu

⁷ Njô bôt, ve zu bete tyiñe ngu na be loone beyeme ya Babilôn, bebo majik, befas ateté a mimvimviʼi, nde a jô be na: Môt a ye yeme lañe ntilane wu a kate ma atinane yʼété, ba ye jalé nye ngômesane melitan, ba ye jalé nye nsanga or tyiñ a éyoñe te a ye bo wua ya bengovina bʼôsu yʼéjôé.

DANIEL 5:7 Iomraidhean Croise

KALATE METATAʼA 41:8

Mametyé, nsisime Faraoñ ô nga bili éndeñela'a, a nga loone bebo majik béé a beyeme mam bese y'Ejipte. Faraoñ a nga kañete be biyeyeme bié. Ve môt éziñ a nji bo ngule ya liti Faraoñ atinane y'été.

ESTHE 3:1

Eyoñe mam mete me maneya, njô bôt Asuérus a nga nene Aman, mone Amedata ya Agag, a nga bete nye nkôñ a telé nye éto ja dañ ôyabe yôb a lôte bi bivete bise ba be be be mbe nsamba wua.

NKÔLAN 7:11

Ane Faraoñ a nga loone beyeme mam, mingbwengbwee a bebo mesimba ya Ejipte: ane be fe be nga bo ane Môze ba Aron be nga bo, ve be bela'ane mezen me ne ndimba a ayaé ya yem e be bôte bese.

MINKANA 1:9

Amu bia ye bo nyanga ébôbot e nlô wôé, a minsanga asu tyiñe jôé.

JIA JA DAÑ ABEÑ 1:10

Bimvônga bia ndeñe wo melo bia ve memañe môé abeñ Metabé ma ve fe tyiñe jôé abeñ.

EZAYI 47:13

O nga mane te'e womien a nsilane bengunemelane mam; be tame ñhe kôlô si a nyii wo. Ba ba kabe yôbe mebôta, ba ba bi'i ateté, be tame kate jam da yiane kui, aval'ane meté me ngon me né.

YEREMIA 50:35

Nkpwaté mekôn wo wosane Bekaldééñ! Nalé Nti a jô, wo wosane bôt be too Babilôn, bivete bié a beyeme mame bé!

EZEKIEL 16:11

Me nga jalé wo biôme bi nyanga nyô: Mekom e mo, nsanga e *tyiñ,

DANIEL 1:20

E jam ese njô bôt a nga sili be e fombô'ô fek a mfasan, a nga yene be dañe bebo majik a mimvimvi'i mise y'éjôé jé biyoñ biyoñ.

DANIEL 1:4

Bendôman bete be too *mvo'é ne selem, abeñe ya yen, njalan a fek, ñyeman a mfasan bi too fe be be, ndemben ba ye saane njô bôt e *nda jé été. Ba ye ye'ele be ane ba kobô a tili nkobô ya Babilôn.

DANIEL 2:2

Ane njô bôt a nga bendé na be loone mimvimvi'i, bebo majik, mingbwengbwee, beyeme mam mevale mese, be kate nye biyeyeme bié. Eyoñe be soya a tebe asu njô bôt,

DANIEL 2:27

Daniel a nga yalane nye na: Befas ateté, bebo majik a mimvimvi'i be se nguleya kate njô bôt *nsolane jam a kômbô yem.

DANIEL 2:48

Nde njô bôt a nga nene Daniel a fa'é nye abui a biwôlô bi biôm. A nga telé nye njôô ya éfuse si ya Babilôn a telé fe nye évete nnene ya beyem bese ya Babilôn.

DANIEL 2:6

Ve nge mia kate ma biyeyeme a atinane y'été, ma ye ve mia abui memvaka a duma e n'anen. Ajô te katane ma biyeyem a atinane y'été.

DANIEL 4:14

Be éngele mbe ba kalane ntyi'ane wu, nalé ate bevevee bese ba ye yeme na Zambe a dañ ôyabe yôp nye a ne njôô ya bijôé bi bôt: A ve njôan e be môt ase a kômbô, môt a dañe nsilibane si, a ne bete nye a bo njôô.

DANIEL 5:11

Amu môt a ne éjôé jôé été a too njalan a nsisime bezambe be n'étyi. Melu ésoo a nga too be nga yene na a yeme fase mam, atyeñ a fe'e bia funane fe'e bezambe bi too be nye. Ajô te ésoo, njô bôte Nébukatnétzar a nga telé nye évete mimvimvi'i, bebo majik, befas ateté a mingengañ.

DANIEL 5:15

Be ndôme soo ma beyem a bebo majik na, be lañe ntilane wu a ve ma atinane y'été, ve be nji bo nguleya bo jame te.

DANIEL 5:16

Ve be kateya me na, ô ne nguleya kulane mesoé me ba a kulane minsolane mi mam. Nge wo kui na ô lañe ntilane wu, a ve ma atinane y'été, ba ye jalé wo mengômesane melitan, a jalé wo nsanga or e *tyiñ, a wo ye bo wua ya minlô mi bôte y'éjôé.

DANIEL 5:29

Awolo te ebien, nde Beltsazar a nga jô bebo bisaé bé na be jalé Daniel mengômesan melitan a jalé nye nsanga or e *tyiñ. A nga bo fe foé é katebane na, Daniel a ntoo wua ya beteb'ôsu y'éjôé be tele ôsu.

NLAÑANE BÔT 22:17

amu ma ye ve wo duma ese da yian, ma ye fe bo e jam ése wo ye jô ma: za'ak, ma ye'elane wo, a yo'é ma e bôte ba.

NLAÑANE BÔT 22:7

Nde bemvendé ya Môab a bemvendé ya Madian be nga ke be bili mimvean asu Balam. Eyoñe be kuiya e be Balam, be nga kate nye mejô me Balak.

NLAÑANE BÔT 24:11

A ntoo éyoñe ji ve tup a ke e jale dôé! Me nga tiñeti na ma ye jalé wo a duma, ve Nti a kamane wo na ô bo te nyoñe bie.

SAMUEL ÔSU 17:25

Môt ase a nga jô nye na: Ye mi yeneya môt ate a betek? A bete na a soñ Israél! Môt a ye wôé nye, njô bôt a ye ve nye abui akum, a ye ve nye ngo jé, a kôté ndaa ésaa Israél été.