Yonasi 2:7 - Bòó Bibeli Luayãtaala

⁷ Ma kpalɛ e gbɛ̀sĩsĩↄ zĩ́nau, dṹnia zɛ́ pↄ́ wɛ̃a vĩo tàmalɛ. Ɔ̃ n ma bↄ gbã́ou, n ma mìsi, Dii ma Lua.

Yonasi 2:7 Iomraidhean Croise

2Lad 30:27

Sa'onaↄ ń Levii buiↄ fɛ̀lɛ zɛ̀ aa samaa'ò gbɛ̃́ↄnɛ, ↄ̃ Lua sìńnↄ, asa an wabikɛa aà lè za musu aà kúkĩiɛ.

Soũ 11:4

Dii ku a kpɛ́u, a zↄ̃lɛa báawa musu we. Ì wɛpã gbɛ̃nazĩnaↄla, ì wɛ́kpalɛńzi.

Soũ 142:3

Málɛ a yã'ↄ̃ma bↄlɛɛ̀, málɛ a taasikɛa siuɛ̀.

Soũ 143:5

Gĩa dↄ̀magu, málɛ làasookɛ n zĩkɛaↄwa, málɛ n yãkɛaↄ wàaipa.

Soũ 18:6

Mia baↄ galakpàmɛɛ, ga baikpàmɛɛ ma aɛ.

Soũ 20:7

Má dↄ̃̀ sa Dii ì kía pↄ́ a kpà suaba, ì siaànↄ za a bɛ pↄ́ a kua adoau, i to aà zĩble ń a gã̀sa gbãao.

Soũ 22:14

Wàlɛ lɛdↄdↄa lán nↄ̀ↄmusu ↄↄlↄna pↄ́ aalɛ pↄ́ taitaiↄwa.

Soũ 27:13

Má yã́ɛ bee náai vĩ kɛ́ má e: Dii a maakɛmɛɛ dṹniaɛ bee guu.

Soũ 42:11

Ma ĩadamadeↄ ì ma sↄ̃́sↄ̃, ma wá ìↄ wí, aaìↄ omɛɛ gↄↄpii: N Lua ku máɛ la?

Soũ 42:5

Yã́ɛ beeↄ dↄ̀magu, ↄ̃ málɛ ma nↄ̀sɛ yã́ↄ bↄlɛ. Miↄ gɛ́ yãa bíla guu e Lua ua, gbɛ̃́ↄ ì dↄdↄkↄ̃wa ma kpɛ ń gulao, dikpɛkɛnaↄ ì nↄnↄaa ń táasilɛao.

Soũ 43:5

Bↄ́yãi ma sↄ̃ ↄ̃̀ↄkpài? Bↄ́yãi ma nↄ̀sɛ yài? Máↄ wɛdↄ Luazi, asa má ɛa màↄ aà táasilɛ, ma Suabana, ma Lua.

Soũ 65:4

Wá yãvãiↄ làasoo wá kṹ gbãa, ↄ̃ n wá tàaeↄ kɛ̃̀wá.

Isaia 38:17

Ma kã́fĩa yã́i pↄsia bee ma lei, ń tò ma gↄ̃sↄ̃ kũ̀ n yeamazi yã́i, n ma duuna zù n kpɛ píi.

Isaia 50:10

Á dé mɛ́ Dii vĩa vĩ ì aà zↄ̀blena yãmai? Tó a bɛ gusiau filia í sai, aà Dii náaikɛ, i sↄ̃kpalɛ a Luazi.

Yonasi 2:4

N ma zu ísia í títiu e za a nↄnau, ísↄ̃ dɛ̀dɛa ń ikooaↄ, n idãazĩↄ táa'ò ma mia.

Mise 1:2

Bui píi, à swã́kpa, dṹnia ń gbɛ̃́ pↄ́ kú a guuↄ, à ma yãma ápii. Dii Lua lɛ́ bↄbↄánↄ za a bɛ pↄ́ a kua adoau.

Abaku 2:20

Dii ku a bɛ pↄ́ a kua adoau. Dṹnia gbɛ̃́pii à kɛ kílikili aà aɛ.

Ɛbɛluↄ 12:3

À làasookɛ aà yã́wa, lá à mɛnakɛ̀ ń duunkɛna pↄ́ íbɛlɛ bee taa sɛ̀anↄↄ, kɛ́ ásu kpasa á kúsu kwɛ́o yã́i.

1Sam 30:6

Davidi wɛ́tɛ̃a è maamaaɛ, asa wàlɛ mɛ wà aà pápa ń gbɛo wà dɛɛ. Gbɛ̃́pii nↄ̀sɛ ↄ̃̀ↄkpà an nɛgↄ̃ɛↄ ń ń nɛnↄɛↄ yã́ musu. Davidi gbãa'è Dii a Luawa,