Yoɛli 2:26 - Bòó Bibeli Luayãtaala

²⁶ Á pↄble lá á yeiwa à kã́, í ma Dii á Lua táasilɛ, asa ma yãbↄnsaɛkɛ̀ɛ́ɛ. Wí a ma gbɛ̃́ↄ kũ bau lↄo.

Yoɛli 2:26 Iomraidhean Croise

Daalɛa 33:11

Gba pↄ́ má dànɛ si sa, asa Lua ɛ̀fãaikɛ̀mɛɛ, pↄe i kɛ̃́sãao. Lá à nàɛwà màa, ↄ̃ a sì.

Nɛɛmii 9:25

Aa wɛ̃́lɛ bĩ́ideↄ sì ń tↄↄlɛ maao, aa kpɛ́ↄ sì ń pↄmaa pↄ́ kúuↄ ń lↄ̀ↄ pↄ́ wa yↄ̃̀ↄ ń vɛ̃ɛbuↄ ń kù kpɛ́ↄ ń lí pↄ́ wì a bɛ bleↄ à kɛ̀ zài. Aa pↄblè aa kã̀ aa mɛ̀kpa, aa namablè n ɛ̀fãai zↄ̃ↄ yã́i.

Soũ 103:5

Ì to pↄmaaↄ mↄa, mí ɛa su ɛ̀waaso ũ lán kúuwa.

Soũ 116:7

Ma nↄ̀sɛ aↄ nínia sa, asa Dii yãmaakɛ̀mɛɛ.

Soũ 13:6

Málɛ n gbɛ̃kɛ náaikɛ, ma pↄ na kɛ́ ńyↄ̃ ma suaba. Má lɛsi Diiɛ, asa à yãmaakɛ̀mɛɛ.

Soũ 22:26

Má n táasilɛ balu guu, má lɛ́ pↄ́ má kɛ̀ma fĩabo n vĩakɛnaↄ wáa.

Soũ 37:19

Wí a ń kṹ yãpãsĩgↄↄo, baa tó nↄana kà, aaↄ kãaɛ.

Soũ 67:5

Bui píi a pↄnakɛ, i gulakɛ, asa ni yã́kpalɛkɛ ń gbɛ̃́ↄ a zɛ́wa, ni dↄaa buiↄnɛ píi.

Soũ 72:18

Wà Dii Lua, Isailiↄ Lua sáaukpa! Ɔ̃mɛ ì yãbↄnsaɛↄ kɛ ado.

Yáasiↄ 13:25

Gbɛ̃maa ì pↄble à kã́, gbɛ̃vãiↄ nↄ̀sɛ ìↄ da gii.

Salomↄↄ lɛ 5:1

Ma gɛ̃ ma kaau, ma nↄkpama báasɛ̃de, ma a zↄ̃go lí'ↄ gò ń pↄ́ gĩnanaↄ, ma a zↄsapuna blè ń a ío, ma a vɛ̃ɛ mì ń ma vĩo. À pↄble gbɛ̃́ↄ, à imi à kã́ á bↄ̃̀nↄblenaↄ.

Isaia 25:1

Dii, ma Luan n ũ, má n kpɛla, má n tↄbↄ, asa ń náai vĩ maamaaɛ, n yãbↄnsaɛ pↄ́ n zɛò za zi kɛ̀.

Isaia 29:22

A yã́ mɛ́ tò Dii pↄ́ Ablahaũ bↄ̀ yã́ɛ bee ò Yakↄbu buiↄ musu: Wí a Yakↄbu buiↄ kũ lↄo, an gɛɛ a gↄ̃ kpá ń wɛ́i lↄo.

Isaia 45:17

Dii a Isailiↄ suaba, an suabaa aↄ láaa vĩo. Wí a á kṹ bauo, á gɛɛ a gↄ̃ kpá á wɛ́i bauo.

Isaia 49:23

Kíaↄ mɛ́ aaↄ dɛ n nɛ́ↄ gwanaↄ ũ, kía naↄ mɛ́ aaↄ dɛ ń yↄ̃kpamadeↄ ũ. Aa kúlɛ bùsu sɛnɛ, aa n gbá bùsu sãsã, níↄ dↄ̃ kɛ́ mámɛmaa Dii. Wí a gbɛ̃́ pↄ́ a wɛ́ dↄmazi kũo.

Isaia 54:4

Ńsu vĩakɛo, asa wí a n kũo. Ńsu widɛo, n gɛɛ a gↄ̃ kpa n wɛ́io. N ɛ̀waasogↄↄ wíyã a sãngu, n gyaable ń gɛɛo kpánwɛi yã́ a dↄngu lↄo.

Isaia 55:2

Àkɛa álɛ ↄ̃a dɛ pↄ́ pↄ́ dɛ blɛ ũo musui? Bↄ́yãi álɛ zĩ ài dɛ pↄ́ pↄ́li ń kã́o yã́ii? À ma yãma sa à pↄmaa ble, á pↄ i kɛ na a nísiwa.

Levii buiↄ 25:19

Bùsupi ali blɛkɛɛ́, à mↄ́wáɛ, íↄ ku a guu dↄdↄa.

Levii buiↄ 26:26

Má tó á blɛ láa, nↄɛ gbɛ̃ↄn kwiↄ mɛ́ aali pɛ̃ɛkɛɛ́ kĩna doũwa, aai kpáwá tãmitãmi, a pↄe bↄwá sↄ̃o.

Levii buiↄ 26:5

Áↄ pↄ́wɛmbↄzĩ kɛɛ e à gɛ pɛò vɛ̃ɛkↄzↄ̃zↄ̃gↄↄwa, vɛ̃ɛkↄzↄ̃zↄ̃a sↄ̃, e à gɛ pɛò pↄ́tↄ̃gↄↄwa. Áli pↄble à kã́, íↄ kú á bùsuu dↄdↄa.

Mise 6:14

Á pↄble, kási á kã́o, á nↄ̀sɛ a gↄ̃ da giiɛ. Á pↄ́ dilɛ kũ̀sũa ũ, a gↄↄplakɛo, asa má á kũ̀sũapi kpa zĩ̀blenaↄwaɛ.

Sofoni 3:11

Gↄↄ bee wí a á kṹ tàae pↄ́ á kɛ̀mɛɛ yãaↄ yã́ musuo, asa ĩ́andãna pↄ́ aaì ńzĩa sɛ lɛsĩↄ ↄ̃ má ń bↄlɛ á wɛ̃́lɛɛ bee guu. Á ázĩa sɛ lɛsĩ ma gbɛ̀sĩsĩ pↄ́ a kua adoa musu lↄo.

Zakali 9:15

Dii Zĩgↄ̃de a ↄlia a gbɛ̃́ↄzi, aa ń ibɛɛↄ taitai, aai ↄ̃zↄ̃ ń gↄ̃kɛbↄↄwa. Aa ń bↄ́ↄ'i mi, aai pala lán vɛ̃ɛminawa. Aa kɛ zĩ́uzĩu lán ta pↄ́ wì au ɛ́lɛò sa'okĩiwawa.

Zakali 9:17

Aaↄ maa mɛ́ an kɛfɛna a kɛ zài. Ɛ̀waasoↄ lɛkpɛↄ yↄ́yↄ pↄ́wɛna yã́i, wɛ̃́ndiaↄ wɛ̃wɛ̃, kɛ́ vɛ̃ɛ di yã́i.

Lomadeↄ 10:11

A kɛ̃a Luayãtaalau wà mɛ̀, wí a gbɛ̃́ pↄ́ lɛ́ aà náaikɛ kũo.

Lomadeↄ 5:5

mɛ́ wɛdↄa Luazipi fama vĩo, asa Lua a Nisĩna pìsi wá nↄ̀sɛu, ↄ̃ a tò wá dↄ̃̀ a yewázi.

Lomadeↄ 9:33

lá a kɛ̃a láuwa: Gwa, málɛ gbɛ pↄ́ ì to wà gɛ̃mbↄlɛ dilɛ Siↄna, gbɛsi pↄ́ ì to wà fu. Wí a gbɛ̃́ pↄ́ lɛ́ aà náaikɛ kũo.

Ikoyã 11:15

í pↄble à kã́. A to sɛ̃ bↄlɛ á zuↄnɛ lↄ.

Ikoyã 12:12

Wekĩi á pↄ aↄ na Dii á Luawa, ápiↄ ń á nɛgↄ̃ɛↄ ń á nɛnↄɛↄ ń á zĩkɛnaↄ gↄ̃ɛↄ ń nↄɛↄ ń Levii bui pↄ́ kú á bɛ wɛ̃́lɛu aai bùsu kpaalɛ sɛ́ánↄoↄ.

Ikoyã 12:18

Àli ble Dii á Lua aɛ gu pↄ́ a sɛu, ápiↄ ń á nɛgↄ̃ɛↄ ń á nɛnↄɛↄ ń á zĩkɛnaↄ gↄ̃ɛↄ ń nↄɛↄ ń Levii bui pↄ́ kú á wɛ̃́lɛuↄ. À tó á pↄ líↄ na Dii á Luawa zĩ pↄ́ á kɛ̀ↄ yã́ musu píi.

Ikoyã 12:7

íli pↄble Dii á Lua aɛ we ń á bɛdeↄ, í pↄnakɛ zĩ pↄ́ á kɛ̀ↄ yã́ musu píi, kɛ́ Dii á Lua báaadàágu yã́i.

Ikoyã 8:10

Tó a pↄblè a kã, à Dii á Lua sáaukpa bùsu maa pↄ́ a kpàwápi yã́ musu.

1Tim 6:17

O dṹnia tiaɛ bee ↄdeↄnɛ aasu ĩ́anadão. Aasu gbãa'e ↄda náaisaiwao, aa gbãa'e Lua pↄ́ ì pↄ́pii kpáwá zↄ̃ↄ wà pↄnakɛòwa.

1Zãa 2:28

Tiasa ma nɛ́ↄ, àↄ naawà àↄ gɛ́, kɛ́ gↄↄ pↄ́ à mↄ̀, wá sↄ̃ iↄ dilɛa. Wá gɛɛ a gↄ̃ kpá wá wɛ́i aà mↄgↄↄo.