Yoɛli 2:17 - Bòó Bibeli Luayãtaala

¹⁷ To sa'ona pↄ́ lɛ́ Dii gbagbaↄ ↄ́ↄlↄ aà kpɛ́ kpɛɛlɛ ń aà gbagbakĩio zãnguo. Aa mɛ: Dii, ǹ n gbɛ̃́ↄ wɛgwa, ńsu to n bui gↄ̃ láanipↄ ũo, ńsu to buipãleↄ yãadańnↄo. Bↄ́yãi buiↄ mɛ wá Lua kú má niɛi?

Yoɛli 2:17 Iomraidhean Croise

1Kia 6:3

Kpɛ́pi bilandaa vĩ, a yàasa sáaò gã̀sĩsuu bao, a gbã̀a kwi.

1Kia 9:7

má Isailipiↄ bↄlɛ bùsu pↄ́ má kpàmáuɛ, mí gí kpɛ́ pↄ́ má dìlɛ ma pↄ́ ũpizi, aai gↄ̃ láanipↄ ũ, bui píi i yãadańnↄ.

2Lad 7:20

má á bↄlɛ bùsu pↄ́ má kpàwáuɛ, mí gí kpɛ́ pↄ́ má dìlɛ ma pↄ́ ũpizi, i gↄ̃ láanipↄ ũ, bui píi i yãadaò.

2Lad 8:12

Salomↄↄ ìↄ sa pↄ́ wì a pↄ́ kátɛu à tɛ́kũ o Dii gbagbakĩi pↄ́ a bò Dii kpɛ́ bilandaa kpɛɛlɛwa.

Nɛɛmii 9:36

Gwa! Zↄↄn wá ũ gbã. Bùsu pↄ́ ń kpà wá deziↄwa aa a libɛↄ ń a pↄmaaↄ ble, zↄↄn wá ũ a guu.

Soũ 115:2

Àkɛa buipãleↄ ì wá la aa mɛ wá Lua kú má niɛi?

Soũ 42:10

Mi o Lua ma gbɛsiɛ: Bↄ́yãi ma yã́ sã̀ngui? Bↄ́yãi ń tò miↄ bɛ oosisia wɛ́tɛ̃a pↄ́ ma ibɛɛ lɛ́ mↄmɛɛ yã́ii?

Soũ 42:11

Ma ĩadamadeↄ ì ma sↄ̃́sↄ̃, ma wá ìↄ wí, aaìↄ omɛɛ gↄↄpii: N Lua ku máɛ la?

Soũ 42:3

Lua ni lɛ́ ma dɛ, Lua bɛ̃́ɛpi. Bↄɛ má e gɛ wɛsiaàlɛi?

Soũ 42:4

Wɛ́'i mɛ́ gↄ̃̀ ma pↄblea ũ fãanɛ ń gwãasĩnao. Wìↄ omɛɛ gↄↄpii: N Lua ku máɛ la?

Soũ 74:10

Lua, ńyↄ̃ to n ibɛɛↄ aaↄ n yáalↄ e bↄɛ ni? n wɛ̀lɛↄ aaↄ sakangu láasai yã̀?

Soũ 79:10

Bↄ́yãi ńyↄ̃ to buipãleↄ wá lá: Wá Lua ku máɛ la? To buipãleↄ dↄ̃ wá aɛ, kɛ́ ni n zↄ̀blenaↄ dɛdɛa tↄsimá.

Soũ 79:4

Wa gↄ̃ pↄ́ yáalↄaↄ ũ wá saɛdeↄnɛ, láanipↄ ũ gbɛ̃́ pↄ́ liaawáziↄnɛ.

Soũ 89:41

N aà wɛ̃́lɛ bĩ́iↄ gbòo, n aà zɛgikĩiↄ kwɛ̀ ń dàaĩ.

Soũ 89:51

To n zↄ̀blena láanikɛa yã́ dↄngu, buiↄ ma kɛa pↄ́ↄpↄↄ ma sↄ̃ zↄ̃̀.

Bↄa 34:9

à mɛ̀: Dii, lá n ma wɛgwà, gɛ́wanↄ. Baa kɛ́ gbɛ̃́piↄ swã́ gbãa, sùuukɛwanↄ wá yãvãiↄ ń wá duunaↄ yã́ musu, ní wá sɛ́ ń gbɛ̃́ↄ ũ.

Isaia 22:12

Zĩ́ bee Dii Lua Zĩgↄ̃de á sisi à ↄ́ↄlↄ, à búbuapɛ, à á mi wa, í zwã̀nkasa kákaála,

Isaia 37:20

Dii wá Lua, wá bↄ aà ↄzĩ, bui pↄ́ kú dṹnia guu píi iↄ dↄ̃ kɛ́ n Dii, ḿmɛ ń Lua ũ ndo.

Ezekiɛli 20:9

Kási mi kɛo ma tↄ́ yã́i. Má ye mà a tↄ́ ↄ̃̀ↄkpa bui pↄ́ aa kú ń guuↄnɛo, asa má tò Isailiↄ ma dↄ̃ ń wáa, kɛ́ mà ń bↄlɛ Egipiɛ.

Ezekiɛli 8:16

Ɔ̃ à gɛ̀manↄ a kpɛ́ ua plaadeu, ↄ̃ ma gbɛ̃́ↄ è baasↄo taawa, bilandaa ń sa'okĩio zãnguo. An kpɛ lia Dii kpɛ́ɛ, an aɛ dↄa gukpɛwa, ↄ̃ aalɛ kúlɛ ĩatɛ̃ɛ we.

Ozee 14:2

Á Isailiↄ, à su Dii á Luawa, á yãvãiↄ mɛ́ tò a kpagua.

Yoɛli 1:13

Sa'onaↄ, à zwã̀nkasa kákaála à bala bↄ sↄu, Lua gbagbakĩi zĩkɛnaↄ, à búbuapɛ. Ma Lua gbàgbanaↄ, à mↄ i la ń zwã̀nkasaↄ daa, asa pↄ́wɛna ń vɛ̃ɛ gbao lɛ́ gɛ́ á Lua kpɛ́u lↄo.

Yoɛli 1:9

Pↄ́wɛna ń vɛ̃ɛ gbao zↄ̃̀ɛ Lua kpɛ́u, sa'on Dii gbàgbanaↄ lɛ́ ↄ́ↄlↄ.

Amↄsi 7:2

Kɛ́ kwaↄ tↄↄlɛ pↄ́ↄ sò píi aa làa, ma mɛ̀: Dii Lua, sùuukɛ! Bↄ́ Yakↄbu buiↄ e aaↄ kuòi? Asa aa kɛ̀ fɛ̃́nɛũ.

Amↄsi 7:5

Ɔ̃ ma mɛ̀: Dii Lua, n yã́ na! Tuɛlɛ! Bↄ́ Yakↄbu buiↄ e aaↄ kuòi? Asa aa kɛ̀ fɛ̃́nɛũ.

Mise 7:10

Tó wá ibɛɛↄ è, wí a ń kṹ. Wá ibɛɛpiↄ òwɛ̃ɛ yãa aa mɛ̀ Dii wá Lua ku máɛ? Wa ↄ̃zↄ̃má lán pɛ̀lɛawa gãaɛ, wí wɛ́siɛ.

Malaki 1:9

Tó a awakpàmɛɛ tia kɛ́wa, má á wɛgwae? Tó pↄ́ bee taaↄ kú á ↄzĩ, má síánↄe? Ma Dii Zĩgↄ̃de mámɛ málɛ á la.

Naokɛa 25:6

Isailie Madiã nↄɛ sɛ̀ mↄ̀ò a bɛ Mↄizi ń Isailiↄ píi wáa, gↄↄ pↄ́ aalɛ ↄ́ↄlↄ kpaaũkpɛ kpɛɛlɛ.

Matiee 23:35

Beewa Lua gbɛ̃́ pↄ́ wà ń dɛdɛↄ yã́ a wi á musu, sɛa za gbɛ̃maa Abɛliwa e à gɛ̀ pɛ̀ Balakia nɛ́ Zakali pↄ́ a aà dɛ̀ Lua kpɛ́ ń sa'okĩio zãnguowa.

Matiee 27:43

A Lua náai vĩ. Tó Lua yeaàziɛ, aà aà bↄ sa, asa à mɛ̀ Lua Nɛ́n a ũ.

Ikoyã 28:37

Á gↄ̃ sↄ̃kɛ̃ngu pↄ́ ũ, láanipↄ ũ bui pↄ́ Dii a á yá ń kĩ́iↄnɛ píi, aai yãadaánↄ.

Ikoyã 32:27

ãma ma vĩakɛ̀ an ibɛɛↄ ĩ́andãaɛ. Aaↄ e wa mɛ́ wà bee kɛ̀, aa mɛ wa mɛ́ wà zĩblèmá, i kɛ Dii mɛ́ bee kɛ̀ píio.

Yozuee 7:9

Kanaaↄ ń bùsuɛbeedeↄ aa yã́pi ma ḿpii, aai liawázi, aai wá midɛ dṹniau. N tↄ́ zↄ̃ↄɛ sↄ̃ bɛ? Ńyↄ̃ kɛò kpelewa ni?