15 Agya! Asa Dii gↄↄ kãikũ̀, kaalɛgↄↄ pↄ́ Gbãapiide dìlɛ lɛ́ mↄ́.
Ãma Dii ìↄ aà yáalↄ, asa a dↄ̃ aà gↄↄ a pa.
Waiyoo, asa gↄↄpi taasi vĩ zↄ̃ↄ, gↄↄe aↄ muaaòo. Yakↄbu buiↄ taasigↄↄɛ, ãma aa bↄu.
Gↄↄpiá Dii Lua Zĩgↄ̃de pↄ́ɛ, tↄsia aà ibɛɛↄwa gↄↄɛ. Fɛ̃nda a yɛ̃́mɛmińgu à tã ń auo, asa Dii Lua Zĩgↄ̃de sa'oa vĩ Uflata saɛ gugbãntoo oi bùsuuɛ.
Asa gↄↄpi kà kãi, Dii gↄↄpi kãikũ̀. Guduuduu gↄↄɛ! Buiↄ yã'egↄↄɛ!
Dii dↄaa a zĩgↄ̃ↄnɛ ń lↄↄ gbãao. Aà ìwaↄ dasi maamaaɛ, gbɛ̃́ pↄ́ lɛ́ zĩkɛ aà yã́wapiↄ gbãa. Dii gↄↄpi zↄ̃ↄ, a to vĩa ń kṹ. Dé mɛ́ a e bↄui?
Ma fɛlɛa ń bui píio gↄↄ kà kãi, mí kɛɛ́ lá á kɛ̀nɛ́wa. Á yãkɛaↄ wi á musu.
À kɛ kílikili Dii Lua aɛ, asa Dii gↄↄ kãikũ̀. À sa'obↄ dìlɛ Yudaↄ ũ, à gbãbↄ̀ gbɛ̃́ pↄ́ à ń sisiↄnɛ.
Ma gbɛ̃́ↄ, ásu yã́kũtɛ̃kakↄ̃io, kɛ́ Lua su yã́kpalɛkɛánↄo yã́i. Yã́kpalɛkɛnapi zɛa kpɛɛlɛ fá!
Asa an pↄkũmabↄbↄmagↄↄ zↄ̃ↄ kà. Dé mɛ́ a fↄ̃ bↄui?