5 Ɔ̃nↄ kṹ, ǹyↄ̃ dↄ̃a vĩ, asu sãngu ǹ pãalɛ ma yã́ɛo.
À yã́ pↄ́ Dii yei kɛ̀ à a dezi Davidi ↄlɛsɛ̀ píi, i pãalɛ ↄplaai ge zɛɛio.
Ma aà kɛ̀sɛ kũ̀, ma aà zɛ́ sɛ̀, mi lilɛo.
Ma ĩadamadeↄ ń ma wɛ̀lɛↄ dasi, ãma mi pãalɛ n yã'onɛↄnɛo.
Waladeↄ lɛ́ ma yáalↄ maamaaɛ, ń beeo má pãalɛ n ikoyãɛo.
Bee wá lé píi, baa kɛ́ n yã́ i sã́wáguo, mɛ́ wi ń bàakuawanↄ yã́ gbooo.
Ɔ̃nↄkũa maa dɛ vuala zã̀, gↄ̃a laaide ũ bɛɛɛ dɛ ã́nusu maaa.
Bↄ́ ài sↄũ ↄ̃adɛa a kyodↄ̃a yã́i vĩi? Asa a nↄ̀sɛ vĩo.
Zĩa pↄeã mɛ́ ì dↄaa gbɛ̃́ pↄ́ ì kɛ̃́máɛ, ì fɛ̃́ńzi lɛdama píi musu.
Gbɛ̃́ pↄ́ lɛ́ ↄ̃nↄkũ ye azĩaiɛ, gbɛ̃́ pↄ́ ye dↄ̃ai ì maa e.
Ǹyↄ̃ sĩana yá, ńsu zɛɛ̀o, ↄ̃nↄ ń yãdanɛo ń wɛzɛ̃o wɛɛlɛ.
Ma nɛ́, ńsu to ma yãdanɛ sã́nguo, ǹyↄ̃ yã́ pↄ́ má dìlɛnɛↄ kũa n sↄ̃u.
Ɔ̃nↄ kṹ, ↄ̃mɛ yã́pii mi ũ, dↄ̃a wɛɛlɛ ń àizɛɛ pↄ́ ń vĩ píio.
Niazĩdeↄ, à wɛɛlɛ àↄ laai vĩ, làasoosaideↄ, à to àↄ nↄ̀sɛ vĩ.
Tó ↄ̃nↄ lɛ́ kɛ̃́sã á gbɛ̃ewa, aà wabikɛ Luawa, a aà gba, asa ì gbɛ̃́pii gba pↄ́ bĩisai yã́gagasai.