7 Ńsu ǹ nzĩa gwa ↄ̃nↄna ũo, ǹyↄ̃ Dii vĩa vĩ, ní kɛ̃́ vãiwa.
Davidi fɛ̀lɛ bùsuu, à zu'ò à nísidↄ̀ↄ à a pↄkasaↄ lìlɛ, ↄ̃ à gɛ̀ kùlɛ Diiɛ a kpɛ́u. Kɛ́ à ɛ̀a tà bɛ, à pↄblea gbɛ̀a, ↄ̃ wa kpàwà, a blè.
Dↄaana káau pↄ́ dↄ̀aamɛɛↄ aso gbia tↄ̃̀ gbɛ̃́ↄwa, aa pↄblea ń vɛ̃ɛo sì baadewa ń ã́nusu ↄwatɛ̃ blablao. An ìwaↄ gbãablèmá lↄ. Mapi sↄ̃ mi kɛ màao, asa má Lua vĩa vĩ.
Gↄ̃ɛe ku yãa Uzu bùsuu, aà tↄ́n Yobu. Gbɛ̃maaɛ, a tàae vĩo. A Lua vĩa vĩ mɛ́ à mikɛ̃̀ yãvãiwa.
Ɔ̃ a ò gbɛ̃nazĩnaↄnɛ: Vĩakɛa Diiɛ mɛ́ ì mↄ́ ń ↄ̃nↄo, mikɛ̃a yãvãiwa mɛ́ ì ń wɛ́ kɛ̃́.
Mↄizi ònɛ́: Ásu to vĩa á kṹo, asa á laai gwaa yã́i ↄ̃ Lua mↄ̀i, kɛ́ à e àↄ a vĩa vĩ, mɛ́ kɛ́ ásu duunakɛo yã́i.
Ɔ̃nↄna vãikɛa vĩa vĩ, ì ɛ̃ɛ̀, sↄũ ì azĩa náai vĩ, ìↄ wãa.
Vĩakɛa Diiɛá nibↄna wɛ̃nideɛ, ì ń bↄ ga lɛ́zĩ.
Gbɛ̃kɛ ń náaio ì láka tàaea, vĩakɛa Diiɛ ì ń ɛ̃ vãiɛ.
Ńsu ĩada nzĩawa ↄ zↄ̃ↄ ea yã́io, ǹ nzĩa ↄ̃nↄ tó.
N gbɛ̃́ pↄ́ azĩa dìlɛ ↄ̃nↄna ũ èa? Sↄũ sã̀ↄwà.
Yã́zãsi sↄũwa a faasaikɛwa, kɛ́ asu azĩa gwa ↄ̃nↄna ũo yã́i.
Ɔde ì azĩa dilɛ ↄ̃nↄna ũɛ, kási taaside wɛzɛ̃na ì aà ↄ̃nↄ dↄ̃wàɛ.
Gbɛ̃́ pↄ́ lɛ́ azĩa náaikɛá sↄũɛ, gbɛ̃́ pↄ́ kú ↄ̃nↄ'ↄ̃nↄ mɛ́ a bↄ maa.
Vĩakɛa Diiɛ mɛ́ zaa vãigu ũ. Má za zĩasɛa lɛsĩ ń ĩ́andãao ń zɛa ń vãio ń yãkpaanla'oaogu.
Wà apii mà, a midɛan kɛ: Vĩakɛ Luaɛ, níↄ aà yãdilɛaↄ kũa, asa gbɛ̃́pii yã́n we.
Waiyoo gbɛ̃́ pↄ́ aaìↄ e wà kà, aaì ńzĩa dilɛ ↄ̃nↄna ũↄ.
Ma gbɛ̃́ↄ, má ye àↄ asiiyãɛ bee dↄ̃, kɛ́ á wɛ́ su àↄ sia, à ázĩa dilɛ waladeↄ ũo yã́i. Isaili kĩniↄ swã́ gbãakũ̀ gĩa e buipãleↄ gɛ̃a kpala pↄ́ bↄ̀ Lua kĩ́iu lɛ́ káɛ.
À nↄ̀sɛdoũkɛ ń kↄ̃o. Ásuli dɛnlawɛɛlɛo. À gbɛ̃́kpa ń yɛ̃̀ɛɛsaideↄ. Ásuli ázĩa dilɛ yãdↄ̃naↄ ũo.