2 Baade ì a yãkɛa e maaɛ, ãma Dii mɛ́ ìↄ ń pↄeã dↄ̃.
Gbɛ̃vãi duuna yã́ dↄ ma sↄ̃wa, aà wɛ́ líↄ Lua wí vĩo,
Sↄũ yãkɛa ì kɛɛ̀ maa, ↄ̃nↄna sↄ̃ ì lɛdama ma.
Zɛ́ kú ì kɛ gbɛ̃́ↄnɛ maa, ãma a midɛkĩiá gaɛ.
Wì ã́nusu ń vuao baasa, Dii mɛ́ ì wá sↄ̃ tàasika.
Baade ìↄ e a yãkɛa maaɛ, ãma Dii mɛ́ ìↄ ń nↄ̀sɛ dↄ̃.
Tó n mɛ̀: Ó'o, wá dↄ̃ yãao fá, Lua pↄ́ nↄ̀sɛ guu yã́ dↄ̃ a eo lé? N wɛ̃ni Dↄ̃̀ana a yã́ dↄ̃, a fĩabo baadeɛ a yãkɛawaɛ.
Gbɛ̃eↄ ku aaliↄ e wa gbãsĩo, kási an ã́makɛ i kɛ̃́máo.
Gbɛ̃nazĩnaↄ yãkɛae ulɛa Diiɛo, ìↄ zɛ́ pↄ́ aa sɛ̀ dↄ̃ píi.
Nↄ̀sɛpuadeↄ zɛ́ ìↄ pooa, ni gbɛ̃maaↄ kua kɛkɛnɛ́ wásawasa.
Ma Dii, mámɛ mi sↄ̃ yↄɛ, mi nↄ̀sɛ yã́ tàasika, mí fĩabo baadeɛ a yãkɛawa, mí kɛɛ̀ lá a kɛ̀wa.
Tɛkɛli mɛ̀ wà n gbia lɛgwà kiloowa, wa è ni kiloo sɛo.
Dii Malaika aà là à mɛ̀: Bↄ́yãi n n zàa'ĩna lɛ̀ gɛ̃n àaↄ̃i? Ma mↄ zɛzↄ̃inɛɛ, asa ń wãmɛɛɛ.
Yesu ònɛ́: I yãnakpa ázĩawa gbɛ̃nazĩnaↄ kĩ́iɛ, ãma Lua á sↄ̃ dↄ̃. Yã́ pↄ́ gbia gbɛ̃nazĩnaↄnɛ ↄ̃ Lua ì sakau.
Kɛ̃ Tiatii Yesudeↄ dↄaanaɛ: Ma Lua Nɛ́ pↄ́ ma wɛ́ dɛ lán tɛ́vuawa, ma gbá dɛ lán mↄgotɛ̃wa, mámɛ ma yã́ɛ bee ò.
Má aà ìwaↄ dɛdɛ ń gagyão, Yesudeↄ píi i dↄ̃ kɛ́ mámɛ mi gbɛ̃́ↄ làasoo ń ń sↄ̃o yↄɛ, mɛ́ má fĩabo á baadeɛ a yãkɛawa.
Gↄↄ bee Isailiↄ kía vĩo, yã́ pↄ́ kɛ̀ gbɛ̃́ɛ, ↄ̃ ì a pↄ́ kɛ.
Gbɛ̃́ pↄ́ idã̀ ń ↄo aa lɛ́ pɛ̀lɛuↄ gbɛ̃ↄn ↄ̀aa do ń basↄooɛ (300). Gbɛ̃́ kĩniↄ kùlɛ ń kosowa, aa imì.
Ɔ̃ Dii òɛ̀: Ńsu ǹ aà zɛa ge aà gbã̀a gwao, ma giaàziɛ. Mili gbɛ̃́ gwa lá gbɛ̃nazĩna ì gwawao. Gbɛ̃nazĩna ì gbɛ̃́ gwa a mɛkaawaɛ, mapi sↄ̃, sↄ̃ ↄ̃ mi gwa.
Ásu yãbↄlɛ ń yↄ̃̀ↄoo, ásu to walayã bↄ á lɛ́uo, asa Dii Lua mɛ́ yã́piidↄ̃na ũ, ↄ̃mɛ ì wá yãkɛaↄ yↄ̃.