Yáasiↄ 10:4 - Bòó Bibeli Luayãtaala

⁴ Pↄewosai ì to wà taasikɛ, zĩkɛa ↄplapla mɛ́ ì to wà kɛ pↄ́de ũ.

Yáasiↄ 10:4 Iomraidhean Croise

Daalɛa 26:32

Zĩbeezĩ Izaaki zĩkɛnaↄ mↄ̀ lↄ̀ↄ pↄ́ aa yↄ̃̀ yã'òɛ̀ aa mɛ̀: Wa í è.

Yáasiↄ 10:5

Nɛ́ pↄ́ blɛ gba dↄ̀ saɛá nɛ́ laaideɛ, nɛ́ pↄ́ ì i'o pↄkɛkɛgↄↄ wí dↄ̃o.

Yáasiↄ 11:24

Gbɛ̃́ pↄ́ ↄ pòo ì kã́fĩa e dɛ a zia, gbɛ̃́ pↄ́ gì pↄ́ pↄ́ dɛ à kpa kpái, pↄ́ ì kɛ̃́sãwà.

Yáasiↄ 12:24

Zĩkɛa ↄplapla ì to gbɛ̃́ kible, màa ì gbɛ̃́ da zↄbleu.

Yáasiↄ 12:27

Màade lí nↄ̀ↄ sãsã maamaao, ãiade ì laaidↄ a pↄ́ↄwa.

Yáasiↄ 13:4

Màade lí pↄ́ pↄ́ á yei eo, ãiade mɛ́ ì namable.

Yáasiↄ 18:9

Gbɛ̃́ pↄ́ ì pãkpa a zĩiá músi dãunaɛ.

Yáasiↄ 19:15

Zígbiakɛ ì ń da i zↄ̃ↄ oau, nↄana ì màade dɛ.

Yáasiↄ 19:24

Màade ì ↄgɛ̃ tau à fua blɛ li gɛ́ò a lɛ́ kĩ́i.

Yáasiↄ 20:13

Tó ń ye ii, ńyↄ̃ gↄ̃ taaside ũɛ, tó n wɛ́ i vĩo, blɛ a mↄma.

Yáasiↄ 20:4

Màade lí sapa a gↄↄo, tó à gɛ̀ bua pↄkɛkɛgↄↄ, ìli pↄe eo.

Yáasiↄ 21:5

Ãiade làasoo ì aà ka namawa, nↄnwãade ì si pↄ́kɛ̃sãmau.

Làasoode 10:18

Tó gbɛ̃́ màa vĩ, aà kpɛ́ zaↄ ìↄ wó zuzuaɛ, tó à ↄkpà a sì, aà kpɛ́ ì ibↄ.

Zãa 6:27

Ásu zĩkɛ blɛ pↄ́ ì láa yã́io, sema blɛ pↄ́ ì ń ká àizãnawa. Gbɛ̃nazĩn Nɛ́ mɛ́ a á gba blɛpi, asa aàpi ↄ̃ Mae Lua a seela kɛ̀wà.

1Kln 15:58

A yã́ mɛ́ tò ma gbɛ̃́ yenzideↄ, à zɛ gbãa gíũgiũ bↄzãsai, í wɛtã Dii zĩwa gↄↄpii, asa á dↄ̃ kɛ́ zĩ pↄ́ álɛ kɛ Diiɛ pão.