Wɛ̃n 3:42 - Bòó Bibeli Luayãtaala

⁴² Wa duunakɛ̀, wa swã́gbãakɛ̀, ↄ̃ ni sùuukɛwanↄo.

Wɛ̃n 3:42 Iomraidhean Croise

2Kia 24:4

ń yãesaide pↄ́ à ń dɛdɛↄ yã́io. Manasepi tò Yelusalɛũ pà ń yãesaide pↄ́ à ń dɛdɛↄ auo. Bee yã́i Dii i we sùuukɛ̀o.

Ɛzala 9:6

ma mɛ̀: Ma Lua, wí ma kũ, ma gɛɛ gↄ̃̀ kpa ma wɛ́i. Ma Lua, má fↄ̃ wɛ́sɛ mà n gwao, asa wá duuna kùwála, wá tàaeↄ zↄ̃̀ma.

Nɛɛmii 9:26

Ń beeo an swã́ gbãakũ̀, ↄ̃ aa bↄ̀ n yã́ kpɛ, aa gì n ikoyãi. Aa ãnabi pↄ́ lɛdàmá aa sumaↄ dɛ̀dɛ, aa dↄ̀ɛnnↄ maamaa.

Soũ 107:11

Asa aa gì Lua yãmai, aa sakà Musude lɛdamauɛ.

Zelemii 14:20

Dii, wa wá vãikɛa dↄ̃̀ ń tàae pↄ́ wá deziↄ kɛ̀o. Wa duunakɛ̀nɛɛ fá!

Zelemii 3:13

À we á tàaei lé! Asa a bↄ ma Dii á Lua kpɛɛ, a táa'ò dii zĩ̀loↄwa lí yɛ̀lɛlɛↄ píi gbáu, i swã́sɛ ma yã́io. Ma Dii mámɛ má ò.

Wɛ̃n 1:18

Dii yã́ naɛ, asa ma bↄ aà yã́ kpɛɛ. Bui píi à swã́kpa, í ma yã'ↄ̃ma ma. Wà tà ń ma wɛ̃́ndiaↄ ń ma ɛ̀waasoↄ zĩ̀zↄↄ ũ.

Wɛ̃n 5:16

Wá fùa gò wá miwa à lɛ̀lɛ, waiyoo wápiↄ, wa duunakɛ̀.

Ezekiɛli 24:13

N gbãsĩ mɛ́ n dↄ́ɛ'ĩi ũ. Ńyↄ̃ↄ zɛ̃ao e ma pↄ gɛ́ weeò, asa má wɛ̀ɛlɛ mà n gbãsĩ woloma, kási ń ye à wolomao.

Daniɛli 9:15

Dii wá Lua, n wá gbɛ̃́ pↄ́ dɛ n gbɛ̃́ ũↄ bↄ̀lɛ Egipi ń n gã̀sa gbãao, n tↄbↄ̀ lá a ku e ń a gbãowa. Wa duunakɛ̀, wa tàaekɛ̀nɛ.

Zakali 1:5

Too! Á deziↄ ku máɛ? Ãnabipiↄ sↄ̃ aaìↄ ku gↄↄpii yã̀?

Zakali 1:6

Ma yã́ pↄ́ má ò ma zↄ̀blena ãnabipiↄnɛ aa dìlɛ á deziↄnɛ, i ń leo lé? Ɔ̃ aa nↄ̀sɛlìlɛ aa mɛ̀ ma Dii Zĩgↄ̃de má kɛ̀nɛ́ ń yãkɛaↄ ń ń dàaↄwa, lá ma zɛòwaɛ.