26 Wɛdↄa Diizi zↄasai à ń suaba mɛ́ maa.
Dii, ma wɛ́ dↄnzi ǹ ma suaba.
I kɛ á zĩka we no. À zɛ tɛɛɛ, í e lá Dii a á suaba. Yelusalɛũdeↄ ń Yudaↄ píi, ásu to vĩa á kṹo, ásu bílikɛo. À gɛ́má zia, Dii aↄ kúánↄɛ.
Ma wɛ́ dↄi ǹ ma suaba, Dii, mi zĩkɛ n yãdilɛaↄwa.
Málɛ a nidɛ ǹ ma suaba, Dii, n ikoyã mɛ́ ma pↄnakɛbↄ ũ.
Ma wɛ́ ìↄ dↄ Diizi, málɛ aà dã́, má sↄ̃́a aà yã́i.
Sↄ̃́a Diizi, níↄ aà yã́ kũa, i n kã́fĩ, ní gↄ̃ bùsu vĩ, ní gbɛ̃vãiↄ midɛa e.
Lɛ́ kpaaũ Dii aɛ, ní sↄ̃́aaàzi, ńsu to saasɛna yã́ n kũ gbãa gↄↄ pↄ́ aà yã́ lɛ́ bↄlɛiɛo.
Gbɛ̃́ pↄ́ i Lua si a mìsina ũo gwa! À a àizɛɛ zↄ̃ↄ náaikɛ̀, à gↄ̃̀ gbãade ũ gbɛ̃kaalɛa yã́ musu.
Lua mɛ́ ma dↄnlɛde ũ, Dii mɛ́ ma wɛ̃nikũna ũ.
Lua ado mɛ́ tò ma sↄ̃ dilɛa, ↄ̃mɛ ì ma suaba.
Lua, sↄ̃́aanzi mɛ́ kɛ̀mɛɛ na, Dii Lua, ma n kɛ ma ulɛkĩi ũɛ. Má n yãkɛaↄ dau mà siunɛ́.
Kã́mabogↄↄ lɛ.
Mↄizi ònɛ́: Ásu to vĩa á kṹo. À zɛ tɛɛɛ, í e lá Dii a á suaba gbã, asa Egipi pↄ́ álɛ ń e gbãɛↄ, á ń e bau lↄo.
Dii mɛ́ a zĩkaɛ́. Áↄ ku kílikiliɛ.
Dii Isailiↄ Lua pↄ́ a kua adoa yã́ɛ bee ò: Zↄ̃lɛa tɛɛɛ ń sↄ̃daadoũo mɛ́ a á bↄ, laaikpalɛa niɛniɛ mɛ́ á gbãa ũ, ↄ̃ i weio.
Aalɛ gɛ́ò Egipi pↄ́ an dↄnlɛ gia lán lɛ́'ĩana gbawaɛ. A yã́i tò mi oɛ̀, Ílɛnↄbↄ zↄ̃ↄ pↄewonsai!
ní oɛ̀ aàↄ kú ń laaio kpálɛa, asu to vĩa a kũ yàa miↄn súɛlɛde mɛ̀n plapiↄ yã́io. Asu to iwãa ka a pↄa Siliↄ kí Lezini ń Lemalia nɛ́o pↄbↄa ń níu yã́ musuo.
Buipãleↄ tã́aↄ ì to lou mae? Luabɛ ì to lou ma ń azĩaoa? Aawo Dii wá Lua, ḿmɛ ni tó, ↄ̃ wá wɛ́ dↄnzi, asa ḿmɛ ni yã́piↄ kɛ píi.
A maa gbɛ̃́ taasi fↄ̃ a ɛ̀waasogↄↄɛ.
Asa yã́pi gↄↄ dilɛaɛ, yã́pi lɛ́ a kɛgↄↄ yá, a gí kɛio. Baa tó a gↄↄ lɛ́ gɛ̃gɛ̃, ǹyↄ̃ dã́, gↄↄpi a ká, wa sↄ̃òo.
Wãa ń yãmaao gↄↄpii mɛ́ na, i kɛ gↄↄ pↄ́ má kúánↄ ado no.
A yã́i tò ásu to sea gɛ̃ wↄ́ↄ pↄ́ ài vĩɛ́ zↄ̃ↄ guuo.
Asa Kilisi gbɛ̃́ↄn wá ũ, tó wá zɛa gbãa mɛ́ wá aà náai vĩ lá wá vĩ káauwa e a lɛ́wa.
A yã́ mɛ́ tò à á làasoo vu iu, íↄ ázĩa kũa dↄ̃, á wɛ́ iↄ dↄ gbɛ̃kɛ pↄ́ Lua a kɛɛ́ Yesu Kilisi mↄgↄↄzĩzi seasai.
