Wɛ̃n 2:21 - Bòó Bibeli Luayãtaala

²¹ Nɛ́fɛ̃nɛn gbɛ̃zↄ̃ↄ gɛↄ gↄ̃̀ kálɛa zɛau luutɛ̃u. Wà ma ɛ̀waasoↄ ń ma wɛ̃́ndiaↄ dɛ̀dɛ ń fɛ̃ndao. N ń dɛdɛ n pↄfɛ̃gↄↄ, n ń kaalɛ ń wɛ̃nagwasai.

Wɛ̃n 2:21 Iomraidhean Croise

2Lad 36:17

Ɔ̃ à Babiloniↄ kía gbàɛmá, à gɛ̀ lɛ̀lɛmá. Kíapi ń ɛ̀waasoↄ dɛ̀dɛ ń fɛ̃ndao Dii ua. Dii i ɛ̀waasoↄ ń wɛ̃́ndiaↄ wɛ̃nagwao ge maezↄ̃ↄↄ ge gbɛ̃ ziↄ, à ń náɛ̀ a ↄzĩɛ.

Ɛsitɛɛ 3:13

Aa lápiↄ nà zĩnaↄnɛ ń ↄzĩ, aa ń gbáɛ kí bùsu dasiↄ guu. Lápi guu wà mɛ̀ wà Yudaↄ dɛdɛ wà ń midɛ wà ń buibↄ, nɛ́fɛ̃nɛn gbɛ̃zↄ̃ↄ, gↄ̃ɛↄ ń nↄɛↄ gↄↄ doũ zĩ́, mↄ kuɛplade pↄ́ wì mɛ Adaa gↄↄ kuɛ'aaↄ̃de zĩ́, wi ń pↄ́ↄ naaa.

Isaia 27:11

Tó a gↄ̃naↄ gàga, nↄɛↄ mↄ ɛ́'ɛ wa tɛ́kaò. Wɛ̃́lɛpideↄ nↄ̀sɛ vĩo, a yã́i tò an Kɛna a ń wɛ̃nagwao, Lua pↄ́ ń ikàsa a sùuukɛńnↄo.

Zelemii 11:22

Ma Dii Zĩgↄ̃de ma mɛ̀ má ĩadamá, an ɛ̀waasoↄ gaga zĩlau, an nɛ́ↄ gaga ń nↄanao,

Zelemii 13:14

mí ń pãpãkↄ̃wa aa wíwi, maeↄ ń ń nɛ́ↄ píi. Ma Dii mámɛ má ò. Má ń dɛdɛɛ, má ń bↄo, má sùuukɛńnↄo, má ń wɛ̃nagwao.

Zelemii 18:21

Tↄ̀ↄ! Nↄana kpá ń nɛ́ↄzi sa, ǹ ń kpá fɛ̃ndaa. To wà ń gↄ̃ɛↄ dɛdɛ aa gaga, an naↄ i gↄ̃ gyaa nɛ́saiↄ ũ, ní ń ɛ̀waasoↄ kpa fɛ̃ndaa zĩlau.

Zelemii 21:7

Ma Dii ma mɛ̀, bee gbɛa mí Yudaↄ kí Zedekia ń a ìwaↄ ń gbɛ̃́ pↄ́ aa bↄ̀ gagyã ń zĩo ń nↄanao guuↄ na Babɛli kí Nɛbukanɛzaɛ a ↄzĩ ń ń ibɛɛ pↄ́ aalɛ ń wɛↄ, aai ń dɛdɛ ń fɛ̃ndao. Aa sùuukɛńnↄo, aa ń gbɛ̃e too, aa ń wɛ̃nagwao.

Zelemii 4:31

Ma wii mà lán nɛ'iwãwã wiiwa, lán nↄɛ pↄ́ lɛ́ nɛ́ sɛ̃́ia iwa. Siↄna wiiɛ, àlɛ we fòo, fòo, à ↄpòo à mɛ̀: Waiyoo mapi, gbɛ̃dɛnaↄ ↄdìɛa, má kú ga lɛ́zĩɛ.

Zelemii 51:22

Mi gↄ̃ɛↄ ń nↄɛↄ wíwinnↄ, nɛ́fɛ̃nɛn gbɛ̃zↄ̃ↄ, ɛ̀waasoↄ ń wɛ̃́ndiaↄ píi.

Zelemii 6:11

Dii pↄkũma dɛ̀dɛa, má fↄ̃ màↄ kṹkũa lↄo. Pↄkũmapi bↄbↄ nɛ́ↄwa gãaɛ ń ɛ̀waaso pↄ́ kãaaa gudoũↄ. To wà gↄ̃ɛ ń a nↄo kũ sãnu ń gbɛ̃́ pↄ́ zikũ̀ táotaoↄ.

Zelemii 9:20

Asa gaga gɛ̃̀ wá fɛnɛntiↄuɛ, ↄ̃ à sì wá zɛgikĩiↄu. Gapi wá nɛ́ↄ dɛ̀dɛ zɛaↄ guu, à wá ɛ̀waasoↄ mìdɛ gãaɛ.

Zelemii 9:21

Onɛ́ ma Dii ma mɛ̀: Gbɛ̃nazĩn gɛↄ gↄ̃ kpálɛ sɛ̃u lán pↄtuo gbↄ̃wa, lán ése pↄ́ wa kɛ̃̀ kálɛa gbɛ̃e i mↄ sɛ́lɛowa.

Wɛ̃n 1:15

Dii sakà nɛgↄ̃na pↄ́ kú ma guuↄgu. À gbɛ̃́ↄ kã̀aamazi, aa ma ɛ̀waasoↄ kɛ̀ kɛ́lɛkɛlɛ. Ma Yudaↄ mɛɛwia lɛ́so, Dii ↄ̃zↄ̃̀a a vɛ̃ɛfɛ̃kĩiu.

Wɛ̃n 1:18

Dii yã́ naɛ, asa ma bↄ aà yã́ kpɛɛ. Bui píi à swã́kpa, í ma yã'ↄ̃ma ma. Wà tà ń ma wɛ̃́ndiaↄ ń ma ɛ̀waasoↄ zĩ̀zↄↄ ũ.

Wɛ̃n 1:4

Siↄna zɛ́ↄ gà píi, gbɛ̃e lɛ́ sɛ́ à mↄ dikpɛkɛi lↄo. A bĩ́ibↄlɛↄ gↄ̃̀ da gii, a sa'onaↄ lɛ́ aaukɛ, a wɛ̃́ndiaↄ ku pↄsiau, wɛ̃́lɛpi ĩ́ikũ̀.

Wɛ̃n 2:17

Dii kɛ̀ lá à zɛ̀owa, à yã́ pↄ́ a dìlɛ za zi pàpa. À n kwɛ n wɛ̃nagwasai. A tò ibɛɛↄ pↄnakɛ̀ n musu, à n wɛ̀lɛↄ gbà gbãa.

Wɛ̃n 2:2

Dii Yakↄbu buiↄ kpɛ́ↄ dàaĩ ń wɛ̃nagwasai, à Yudaↄ mɛɛwia zɛgikĩiↄ kwɛ̀ a pↄfɛ̃ guu, à kɛ̀sɛ tↄ̃̀ a kíaↄ ń ń kpalaowa zĩ́lɛ.

Wɛ̃n 3:43

N pↄkũma kàkanla, n pɛwá, n wá dɛdɛ wá wɛ̃nagwasai.

Ezekiɛli 24:21

mà o á Isailiↄnɛ á Dii Lua mɛ̀, álɛ a kpɛ́ gbãlɛ, á zɛgikĩi pↄ́ i ĩ́anadãò, ì kɛɛ́ maa, i a bɛɛkɛpi, á nɛgↄ̃ɛↄ ń á nɛnↄɛ pↄ́ a ń tó weↄ gaga zĩ guuɛ.

Ezekiɛli 5:11

Ma Dii Lua ma mɛ̀, lá a ma kpɛ́ gbãlɛ̀ ń á pↄbɛ̃ɛↄ ń á yãbɛ̃ɛkɛaↄ, ń ma kuao má kɛ̃́wáɛ. Má á wɛ̃nagwao, má á bↄo.

Ezekiɛli 7:4

Má á wɛ̃nagwao. Má á kɛ̃́o. Á yãkɛaↄ fĩa má boɛ́ ń yãbɛ̃ɛ pↄ́ á kɛ̀ↄ, íↄ dↄ̃ kɛ́ mámɛmaa Dii.

Ezekiɛli 7:9

Má á wɛ̃nagwao, má á kɛ̃́o. Má fĩaboɛ́ á yãbɛ̃ɛkɛaↄwaɛ, íↄ dↄ̃ ma Dii mámɛ ma á wɛtã̀.

Ezekiɛli 8:18

Tↄ̀ↄ! Má pↄkũmabↄbↄmá. Má ń wɛgwao. Má ń bↄo. Baa tó an wii gbãa lɛ́ gɛ̃ ma swã́u, má swã́sɛio.

Ezekiɛli 9:10

Tↄ̀ↄ! Má ń wɛgwao, má ń kɛ̃́o. Má ń yãkɛaↄ wínɛ́ ń musuɛ.

Amↄsi 4:10

Ma gagyãↄ kàágu, lá má kà Egipiↄguwa. Ma á ɛ̀waasoↄ dɛ̀dɛ zĩ guu, má tò wà á sↄ̃́ↄ nàaa. Má tò yai gĩ dà á bòoa, á ní lɛ́ dↄkĩi eo, kási i ɛa su ma kĩ́io. Ma Dii mámɛ má ò.

Amↄsi 8:13

Gↄↄ bee wɛ̃́ndia maaↄ ń gↄ̃sa gbãaↄ yɛ̃̀ɛɛ a láa imi yã́i.

Zakali 11:6

Dii mɛ̀ á dṹnia gbɛ̃́ↄ to we lↄo, á ń baade kpakↄ̃aɛ, á ń na ń kíaↄnɛ ń ↄzĩɛ. Aa dṹnia wíwi, mɛ́ á gbɛ̃e bↄ ń ↄzĩo.

Ikoyã 28:50

Buipiↄ aaↄ pãsĩ, aa gbɛ̃zↄ̃ↄↄ wɛgwao, aa wɛ̃nadↄ̃ nɛ́ↄnɛo.

Ikoyã 32:25

Wa ń nɛ́ↄ dɛdɛ gãaɛ ń fɛ̃ndaoɛ, gili i gɛ̃ńgu ń kpɛaↄ guu. Ɛ̀waasoↄ ń wɛ̃́ndiaↄ gaga ḿpii ń nɛ́ yↄ̃minaↄ ń maezↄ̃ↄ mikãpuadeↄ.

Yozuee 6:21

Aa pↄ́ pↄ́ kúuↄ dìlɛ Dii pↄ́ ũ, ↄ̃ aa gbɛ̃́pii kàalɛ ń fɛ̃ndao, gↄ̃ɛↄ ń nↄɛↄ, nɛ́fɛ̃nɛnaↄ gbɛ̃zↄ̃ↄↄ píi ń zuↄ ń sãↄ ń zàa'ĩnaↄ.

1Sam 15:3

Gɛ́ lɛ́lɛimá sa, ní ń midɛ ḿpii. Ńsu ǹ ń gbɛ̃e too. Ǹ ń dɛdɛ píi, gↄ̃ɛↄ ń nↄɛↄ ń nɛ́ gbãaↄ ń nɛ́ yↄ̃minaↄ ń zuↄ ń sãↄ ń yiongoↄ ń zàa'ĩnaↄ.