Wɛ̃n 2:13 - Bòó Bibeli Luayãtaala

¹³ Yelusalɛũ, má onɛ kpelewa ni? Bↄ́ má n lɛɛũòi? Mɛɛwia lɛ́so Siↄna, bↄ́ má mɛ n muaaò mà ń nↄ̀sɛ níninɛi? N bↄ̀ ɛ zã̀ lán ísia ɛwa, dé mɛ́ a fↄ̃ n gbã́gbãi?

Wɛ̃n 2:13 Iomraidhean Croise

2Sam 5:20

Ɔ̃ Davidi gɛ̀ Baali Pelaziũ, à zĩblèmá we. Ɔ̃ à mɛ̀: Dii dↄ̀aamɛɛ, à bↄ̀ mↄ̀ ma ibɛɛↄwa ń gbãao, lá í ì gufↄ̃ bùiwa. Ɔ̃ à tↄkpà gupiɛ Baali Pelaziũ.

2Kia 19:21

ↄ̃ à àsiɛ bee ò aà musu: Siↄna nɛnↄɛ lɛ́so lɛ́ sakangu, àlɛ n láanikɛ n kpɛ. Gbɛ̃e i zĩble Yelusalɛũwa yãao ↄ̃ àlɛ a mi dada a gã̀u.

Isaia 37:22

à àsiɛ bee ò aà musu: Siↄna wɛ̃́lɛ lɛ́ sakangu, àlɛ n láanikɛ n kpɛ. Gbɛ̃e i zĩble Yelusalɛũpiwa yãao, ↄ̃ àlɛ a mi dada a gã̀u.

Zelemii 14:17

Yã́ɛ bee onɛ́: To mà wɛ́'ikau, má kã́mabo gwãasĩna ge fãanɛo. Asa ma gbɛ̃́ↄ wíwia maamaaɛ, wà ń kɛ́ ĩa à kɛ̀ zài.

Zelemii 14:19

N gi Yudaↄzi fĩ́afĩa yã̀? N pↄ bↄ̀ Siↄnagu yã̀? Àkɛa n wá wɛtã̀, gbã́gbãa kuo ni? Wá wɛ́ dↄ aafiai, kási yãmaae kuo. Wá wɛ́ dↄ gbã́gbãai, ↄ̃ gili guu wá kúu.

Zelemii 8:22

Bↄ̀ ɛsɛ ku Galada bùsuuo lé? Lòotoo ku weo lé? Àkɛa ma gbɛ̃́ↄ bↄ i láao ni?

Zelemii 9:18

Wà ↄↄlↄ mà dↄ Siↄna, wàlɛ mɛ, wa ↄ̃̀ↄkpàɛ fá, wí wá kṹ maamaaɛ. Wálɛ wá bùsu to we, asa wà wá uaↄ dúuzↄ̃̀ɛ.

Wɛ̃n 1:12

Á gbɛ̃́ pↄ́ álɛ gɛ̃ laↄ, ma yã́ lɛ́ kɛɛ́ yãe ũo lé? À wɛ́sɛ à gwa tó yã'ↄ̃mae kà pↄ́ pↄ́ wa kpàmaziɛwa. Dii mɛ́ kpàmazi a pↄkũma pãsĩ bↄbↄaa gↄↄ.

Ezekiɛli 32:31

Falaↄ̃ↄ a wɛsińlɛ, aà nↄ̀sɛ i níni aàpi ń a zĩgↄ̃ dasi pↄ́ aa gà zĩ guuↄ yã́ musu. Ma Dii Lua mámɛ má ò.

Daniɛli 9:12

N yã́ pↄ́ n mɛ̀ a wá le kɛ̀wɛ̃ɛ ń wá dↄaanaↄ. N yãyìawá, wi yã́ pↄ́ Yelusalɛũ lè taa e dṹnia guu yãao.