Ozee 2:20 - Bòó Bibeli Luayãtaala

²⁰ Gↄↄ bee má yãdilɛ pↄ́ↄnɛ píi an yã́ musu, sɛ̃̀anↄbↄↄ ń bãↄ ń pↄ́taa'onkuawaↄ. Má sá ń fɛ̃ndao ń zĩo midɛ an bùsuu, mí tó aaↄ ku we dↄdↄa.

Ozee 2:20 Iomraidhean Croise

Daalɛa 9:10

ń pↄ́ wɛ̃nide pↄ́ kúánↄ aa bↄ̀ gó guuↄ píi, bãↄ ń pↄtuoↄ ń sɛ̃̀anↄbↄↄ ń pↄ́ pↄ́ kú tↄↄlɛwaↄ píi.

Isaia 2:4

A yã́gↄ̃gↄ̃ buiↄnɛ, a yãkɛkɛ dasiↄnɛ, aai ń fɛ̃ndaↄ gbɛ̃gbɛ̃ lilɛ soona ũ, an sↄ̃naↄ sↄ̃ máasolimibobↄ ũ. Buie a fɛ̃nda sɛ a deezio, wa zĩkaa dada lↄo.

Isaia 62:4

Wa mɛnɛ Bɛzia bau lↄo, wa n bùsu sísi Guwaiwai bau lↄo. Waↄ mɛnɛ Mapↄeãwɛ̃lɛ, n bùsu sↄ̃ Nↄzãe, asa Dii pↄ aↄ dↄma, mɛ́ n bùsu a zãkɛaànↄ.

Zelemii 24:7

Má ń gba sↄ̃ pↄ́ a to aa ma dↄ̃, kɛ́ mámɛmaa Dii, aaiↄ dɛ ma gbɛ̃́ↄ ũ, míↄ dɛ ń Lua ũ, asa aa sua ń nↄ̀sɛmɛndooɛ.

Zelemii 30:10

Á Yakↄbu bui ma zↄ̀blenaↄ, ásu to vĩa á kṹo, á Isailiↄ, ásu bílikɛo. Ma Dii mámɛ má ò. Asa mapi má á bↄlɛ za guzãzãuɛ, mí á buiↄ bↄlɛ ń zↄblebusuu. Yakↄbu buiↄ ɛa aaↄ ku dↄdↄa nana, gbɛ̃e a to vĩa ń kṹ lↄo.

Zelemii 32:41

Ma pↄ iↄ dↄmá, mí maakɛnɛ́. Má ń zɛdↄ bùsuɛ beepiu sĩana ń nↄ̀sɛmɛndoo ń pↄeão.

Zelemii 9:24

Ma Dii ma mɛ̀ a gↄↄ a mↄ́ kɛ́ má ĩada gbɛ̃́ pↄ́ aa tↄ̃zↄ̃̀ↄwa,

Ezekiɛli 16:62

Ma bàa aↄ kunnↄ, níↄ dↄ̃ kɛ́ mámɛmaa Dii.

Ezekiɛli 16:8

Kɛ́ ma ɛa málɛ dↄnzi lↄ, ma n gwa, ↄ̃ má è n ka kɛ́ wà gɛ̃ n yã́u, ↄ̃ ma a dábi lɛ̀nla ma n puizi ùlɛò. Ma lɛgbɛ̃̀nɛ, ma mɛ̀ ma bàa aↄ kunnↄɛ, ↄ̃ n gↄ̃ ma pↄ́ ũ. Ma Dii Lua mámɛ má ò.

Ezekiɛli 34:25

Ma bàa aↄ kúńnↄ, mí wàiↄ midɛ ń bùsuu. Aaↄ ku gbáau, aaↄ i lákpɛu dↄdↄa.

Ezekiɛli 34:27

Sɛ̃sao líↄ nɛ'i, tↄↄlɛ a blɛkɛ, aaiↄ kú ń bùsuu dↄdↄa. Tó ma ń mↄgala pòlonɛ́ ń nↄɛ, mɛ́ ma ń bↄ́ gbɛ̃́ pↄ́ aalɛ zↄblenɛ́ↄ ↄzĩ, aaiↄ dↄ̃ kɛ́ mámɛmaa Dii.

Ezekiɛli 38:23

Màa má a zↄ̃ↄkɛ ń ma kuaadoakɛo ↄlↄ buiↄnɛ dasi, mí bↄmá, aai dↄ̃ kɛ́ mámɛmaa Dii.

Ozee 13:4

Mámɛmaa Dii á Lua pↄ́ á bↄ́lɛ Egipi. Ásu àↄ diie dↄ̃o, ma bàasio. Suabanae kuo, sema mapi.

Ozee 2:19

Má tã́aↄ tↄbↄ ń lɛ́u, an tↄ́ aↄ dↄńgu lↄo.

Ozee 6:6

Gbɛ̃kɛkɛakↄ̃ɛ ↄ̃ má yei, i kɛ ma gbagbaa no. Ma dↄ̃a Lua ũ maa dɛ sa pↄ́ wì a pↄ́ kátɛu à tɛ́kũa.

Levii buiↄ 26:5

Áↄ pↄ́wɛmbↄzĩ kɛɛ e à gɛ pɛò vɛ̃ɛkↄzↄ̃zↄ̃gↄↄwa, vɛ̃ɛkↄzↄ̃zↄ̃a sↄ̃, e à gɛ pɛò pↄ́tↄ̃gↄↄwa. Áli pↄble à kã́, íↄ kú á bùsuu dↄdↄa.

Levii buiↄ 26:6

Má tó àↄ ku aafia á bùsuu. Á wúlɛ mɛ́ yãe a to vĩa á kṹo. Má wàiↄ midɛ á bùsuu mɛ́ zĩ a gɛ̃ weo.

Mise 4:3

A yã́gↄ̃gↄ̃ buiↄnɛ, a yãkɛkɛ bùsu zã̀zã pↄ́ gbãa vĩↄnɛ, aai ń fɛ̃ndaↄ gbɛ̃gbɛ̃ aa lilɛ soona ũ, aai ń sↄ̃naↄ lilɛ máaso limibobↄ ũ. Buie a fɛ̃nda sɛ a deezio, wa zĩkaa dada lↄo.

Zakali 9:10

A zĩkasↄ̃goↄ bↄlɛ Ɛflaiũ bùsuu, a to zĩkasↄ̃ↄ ku Yelusalɛũ lↄo, wi zĩkasaↄ ɛ́'ɛ. A aafia kpàwakɛ bui píiɛ, i kible za ísialɛ la ń a lɛ́leo, za Uflatai e dṹnia lɛ́wa.

Matiee 11:27

Ma Mae pↄ́pii nàmɛɛ ma ↄzĩ. Gbɛ̃e Lua Nɛ́ dↄ̃o, mɛ́ i kɛ Mae Lua bàasio, mɛ́ gbɛ̃e Mae Lua dↄ̃o, mɛ́ i kɛ aà Nɛ́ ń gbɛ̃́ pↄ́ Nɛ́pi yei à aà ↄlↄnɛ́ↄ bàasio.

Luku 10:22

Ma Mae pↄ́pii nàmɛɛ ma ↄzĩɛ. Gbɛ̃e Lua Nɛ́ dↄ̃o, mɛ́ i kɛ Mae Lua bàasio, mɛ́ gbɛ̃e Mae Lua dↄ̃o, mɛ́ i kɛ aà Nɛ́ ń gbɛ̃́ pↄ́ Nɛ́pi yei aà ↄlↄnɛ́ↄ bàasio.

Zãa 17:3

N Lua mɛ̀ndona sĩande ń mapi Yesu Kilisi pↄ́ ń zĩo dↄ̃a mɛ́ wɛ̃ni láasai ũ.

Zãa 8:55

Á aà dↄ̃o, ãma má aà dↄ̃. Tó ma mɛ̀ má aà dↄ̃o, máↄ dɛ ɛɛde ũ lááwaɛ. Má aà dↄ̃ mɛ́ má aà yã́ kũa.

2Kln 4:6

Lá Lua ò yãa, gu pu gusiau, à gupù wá sↄ̃u màa lↄ. Gupuapi dɛ aà gawi pↄ́ lɛ́ tɛkɛ Kilisi oawa dↄ̃a ũ.

Filipideↄ 3:8

Azaiasa ma yã́pii dìlɛ àisai ma Dii Kilisi Yesu dↄ̃a pↄ́ dɛ a píia yã́i. Kilisipi yã́i ma ↄkpà yã́piizi bìsa ũ, kɛ́ màↄ aà vĩ,

Kↄlↄsideↄ 1:10

kɛ́ àↄ ku lá Dii yeiwa, á yã́ píi i kaaàgu. Beewa á yãmaa píi kɛa àↄ ↄta, á Lua dↄ̃a iↄ kã́fĩ,

2Tim 1:12

A yã́i málɛ taasiɛ bee kɛi, ãma wí lí ma kũo, asa má gbɛ̃́ pↄ́ ma aà náaikɛ̀ dↄ̃, mɛ́ má dↄ̃ sã́asã kɛ́ a fↄ̃ kàeda yã́ pↄ́ à nàmɛɛ ma ↄzĩi e a mↄgↄↄzĩ.

Ɛbɛluↄ 8:11

An gbɛ̃e a yãdada a deeɛo, an gbɛ̃e a ma dↄ̃a da a gbɛ̃́ɛo, asa ampii aaↄ ma dↄ̃ɛ, nɛ́fɛ̃nɛn gbɛ̃zↄ̃ↄ píi.

1Zãa 4:6

Lua gbɛ̃́ↄn wá ũ. Gbɛ̃́ pↄ́ Lua dↄ̃ ì wá yãma, gbɛ̃́ pↄ́ dɛ Lua pↄ́ ũo lí wá yãmao. Beewa ↄ̃ wá Nisĩn sĩande dↄ̃kↄ̃ɛ ń nisĩn ɛgɛnao.

1Zãa 5:20

Wá dↄ̃ kɛ́ Lua Nɛ́ mↄ̀, ↄ̃ à wá wɛ́ kɛ̃̀, kɛ́ wà e Sĩande dↄ̃. Wá kú Sĩandepi guu ń aà Nɛ́ Yesu Kilisio. Ɔ̃mɛ Lua sĩandepi ũ. Ɔ̃mɛ wɛ̃ni láasai ũ.