Ozee 2:14 - Bòó Bibeli Luayãtaala

¹⁴ Má aà vɛ̃ɛliↄ ń aà kaadↄɛnliↄ dɛɛlɛɛ, lí pↄ́ à mɛ̀ a gↄ̃pↄsɛↄ mɛ́ fĩabòòɛpiↄ, mí tó gupi gↄ̃ tàaa ũ, sɛ̃̀anↄbↄↄ i ble.

Ozee 2:14 Iomraidhean Croise

Daalɛa 34:3

Aà pↄ dↄ wɛ̃́ndiapiwa, a yeaàzi, ↄ̃ à yã́ nana òɛ̀.

Yobu 36:16

Màa àlɛ n sisi à n bↄ n yooyeau, i gɛ́nnↄ dɛ̀ɛpookĩi, ní gↄ̃ nzĩaɛ dↄdↄa, n táabũnu aↄ fòona vĩo ń blɛ maaↄ.

Salomↄↄ lɛ 1:4

Ma sɛ wà ta kpakpa. Kí, gɛ̃manↄ n kpɛ́u. Kí, wálɛ pↄnakɛ n yã́ musu, wálɛ yasenapa, wá n yeańzi na bo dɛ vɛ̃ɛa. Aaìↄ yenzi a zɛ́wa.

Isaia 30:18

Kási Dii lɛ́ á dã́ à e maakɛɛ́, i fɛlɛ à á wɛ̃nagwa, asa Dii Lua ì yãkɛ a zɛ́waɛ. Báaaden gbɛ̃́ pↄ́ sↄ̃́a Diizi ũ.

Isaia 5:5

Tiasa má oɛ́ lá má kɛ ma vɛ̃ɛbuɛ: Má a kaa gbooɛ, wi a ↄ̃̀ↄkpa, má a bĩ́iↄ daaĩɛ, wi ↄ̃zↄ̃wà.

Zelemii 16:14

Ma Dii ma mɛ̀, a gↄↄ a mↄ́ kɛ́ gbɛ̃e a mɛ á sì ń Dii pↄ́ Isailiↄ bↄ̀lɛ Egipioo,

Zelemii 2:2

Gɛ ǹ yã́ɛ bee kpàwakɛ Yelusalɛũdeↄ swã́u. Ma Dii ma mɛ̀, á wɛ̃ndiagↄↄ gbɛ̃kɛ pↄ́ á vĩmanↄ dↄmagu gↄↄ pↄ́ á yemazi ma nↄ dafu ũ. Gↄↄ bee á tɛ́mazi guwaiwaiu, gu pↄ́ wi pↄ́tↄ̃uo.

Zelemii 45:4

Dii mɛ̀ mà onɛ á pↄ́ pↄ́ á bò wíwi, í pↄ́ pↄ́ á tↄ̃̀ wolɛ, baa bùsu bṹu guu.

Ezekiɛli 20:10

Ɔ̃ ma ń bↄ́lɛ Egipi, ma gɛńnↄ guwaiwaiu.

Ezekiɛli 20:33

Ma Dii Lua ma mɛ̀, ń ma kuao má a gã̀sĩ poo, mí gbãamↄɛ́ ń pↄkũmabↄbↄawáo.

Ozee 2:3

À o á gbɛ̃́ↄnɛ, gↄ̃ɛ ń nↄɛo, ma gbɛ̃́ↄn ń ũ, ma ń wɛgwà.

Mise 1:7

Wa a tã́aↄ wíwi píiɛ, wi tɛsↄ̃ gba pↄ́ wà mↄ̀ò ń kpɛ́uↄwa. Má aà diipiↄ dúuzↄ̃ píiɛ. Lá wà gbapiↄ kã̀aa káaluaↄ asea ũ, wa taò à ɛa gↄ̃ káaluaↄ asea ũ lↄɛ.

Mise 4:10

Siↄnadeↄ, à fĩaafĩaa ń wãwão lán nↄɛ pↄ́ lɛ́ nɛ'iwa, asa á bↄlɛ á wɛ̃́lɛ guu à kálɛ sɛ̃uɛ, í tá Babɛli. We Dii a á misiu, we a á bↄu á ibɛɛↄ ↄzĩ.

Zãa 12:32

Mapi sↄ̃, tó wà ma sɛ ma dↄ musu, má bui píi sísi aa mↄ ma kĩ́i.

Zãa 6:44

Gbɛ̃e a fↄ̃ mↄ ma kĩ́io, sema ma Mae pↄ́ ma zĩ aà sìsi bàasio, mí aà bↄ gau gↄↄgbɛzãzĩ.

Zia yã́ 12:14

Ɔ̃ wà kúu zↄ̃ↄ gã̀sĩa kpà nↄɛpiwa mɛ̀n pla, aà vuaò, i zãkũ ń mlɛ̃pio, à ta gu pↄ́ wa kɛ̀kɛɛu sɛ̃u, kɛ́ wà aà gwau wɛ̃̀ àaↄ̃ ń kĩniopi guu.

Zia yã́ 12:6

Nↄɛpi bàalɛ̀ tà sɛ̃u, gu pↄ́ Lua kɛ̀kɛɛ̀ wà aà gwau gↄↄ ↄ̀aa soolo ń bàaↄ̃opi (1.260) guu.

Dↄaanaↄ 19:3

Ɔ̃ aà zã́ fɛ̀lɛ gɛ̀ aà gbɛsii. À gɛ̀ we ń a zĩkɛnao ń zàa'ĩn mɛ̀n plao. Kɛ́ à kà nↄpi kĩ́i, nↄpi gɛ̃̀aànↄ a mae kpɛ́u. Kɛ́ nↄpi mae aà è, à gbãakpàaàzi ń pↄnao.