Ozee 2:13 - Bòó Bibeli Luayãtaala

¹³ Má aà pↄnakɛa midɛ píiɛ, dikpɛ pↄ́ ì kɛ wɛ̃ ń wɛ̃o pↄ́ↄ ń mↄ dafu pↄ́ↄ ń kã́mabogↄↄ pↄ́ↄ.

Ozee 2:13 Iomraidhean Croise

2Kia 1:2

Gↄↄ pↄ́ Aazia bã̀ɛ za a kpɛdiakↄ̃a fɛnɛntiu Samali, àlɛ gyãkɛ. Ɔ̃ à gbɛ̃́ↄ zĩ̀ à mɛ̀: À gɛ́ Ɛkɛloni dii Baalizɛbu laimɛɛ, tó má gbã́gbã ń gyãɛ beeo.

2Kia 10:28

Màa Yehu Baali gbagbaa mìdɛ Isaili bùsuu.

2Kia 21:3

À ɛ̀a gulɛsĩ pↄ́ a mae Ezekia dàaĩↄ bò ń Baali gbagbakĩiↄ. À Asetaati lí pɛ̀lɛ lá Isailiↄ kí Ahabu kɛ̀ yãawa. À kùlɛ luabɛ pↄ́ↄnɛ à zↄblènɛ́.

Yobu 8:13

Màa a dɛ ń gbɛ̃́ pↄ́ Lua yã́ sã̀aàguo, beewa tãmaa a luayãdansai nɛ́.

Soũ 106:13

Ɔ̃ aà yãkɛaↄ sã̀ńgu gↄ̃̀ↄ, aai aà dã aà lɛdamáo.

Soũ 106:21

Lua ń suabà ↄ̃ aà yã́ sã̀ńgu. À yãzↄ̃ↄkɛ̀nɛ́ Egipi,

Soũ 78:11

Aà yãkɛaↄ sã̀ńgu ń aà yãbↄnsaɛ pↄ́ a ↄ̀lↄnɛ́ↄ.

Bↄa 32:34

Gɛ́ ń gbɛ̃́ↄ gu pↄ́ má ònɛu sa. Ma Malaika a dↄaanɛ. Ń beeo ma ĩadamagↄↄ, má ĩadamá ń duuna yã́iɛ.

Isaia 17:10

Asa Lua á suabana yã́ sã̀águɛ, Lua á gbãa á ulɛkĩi yã́ i dↄáguo. A yã́ mɛ́ tò a dↄ̀ↄsagbɛ pɛ̀lɛ, a buade pɛ̀ lá buipãleↄ ì kɛwa.

Isaia 65:7

má fĩabonɛ́ ń duuna ń ń deziↄ duunao yã́ musu píi, asa aa tulaletikàtɛa gbɛ̀sĩsĩↄwa, aa lɛ'ɛ̀a sĩ̀sĩↄ musu. Má yã́ pↄ́ aa kɛ̀ yãaↄ fĩabonɛ́ a lɛ́u à gɛ̃ ń kṹ.

Zelemii 11:13

Á Yudaↄ, á tã́aↄ dasi kà á wɛ̃́lɛↄwa, tulaletikatɛakĩi pↄ́ á bò Baaliɛↄ dasi kà Yelusalɛũ gãaɛↄwa.

Zelemii 18:15

Kási ma yã́ sã̀ ma gbɛ̃́ↄguɛ, aaì tulaletikatɛa tã́aↄnɛ, ↄ̃ aa zã̀ ń fɛlɛkaa zɛ́wa, aa pɛ̀lɛ zɛ́ kpã́inau.

Zelemii 2:32

Nↄamblebↄ yã́ a fↄ̃ sã wɛ̃́ndiague? Zãkɛzĩ pↄ́ↄ yã́ a fↄ̃ sã nↄ dafugue? Kási ma yã́ sã̀ ma gbɛ̃́ↄgu à gↄↄplakɛ̀.

Zelemii 23:2

A yã́ mɛ́ tò ma Dii Isailiↄ Lua má ò ma gbɛ̃́ dↄaanapiↄnɛ, lá i ↄlia ma sãↄzio, mɛ́ a ń yá a ń fãaa, má á yãkɛaↄ wíɛ́ á musuɛ. Ma Dii mámɛ má ò.

Zelemii 7:34

Má pↄna wii ń yaalↄo ń nↄsɛkↄ̃fĩo midɛ Yuda wɛ̃́lɛↄu ń Yelusalɛũ gãaɛↄ, asa bùsupi a gↄ̃ bɛzia ũɛ.

Zelemii 7:9

É'e! I kpã́i'o, i gbɛ̃dɛ, i gbãsĩkɛ, i ɛɛto ń ma tↄ́o, i tulaletikatɛa Baaliɛ, i gɛ́ tã́a pↄ́ á ń dↄ̃ yãaoↄwa,

Wɛ̃n 1:4

Siↄna zɛ́ↄ gà píi, gbɛ̃e lɛ́ sɛ́ à mↄ dikpɛkɛi lↄo. A bĩ́ibↄlɛↄ gↄ̃̀ da gii, a sa'onaↄ lɛ́ aaukɛ, a wɛ̃́ndiaↄ ku pↄsiau, wɛ̃́lɛpi ĩ́ikũ̀.

Wɛ̃n 5:14

Gbɛ̃zↄ̃ↄↄ lí kãaa gãaɛ lↄo, ɛ̀waasoↄ kã́mabò ń lɛsiao.

Ezekiɛli 16:12

Ma tãanadànɛ n níu, ma swã́li booloↄ dànɛ, ma kíafua gawide kpànɛ.

Ezekiɛli 16:17

Ɔ̃ n n vua ń ã́nusuo nↄamblebↄ pↄ́ má kɛ̀nɛpi keeↄ sɛ̀ n tã́agↄ̃ɛↄ pìò, ↄ̃ n káaluakàńnↄ.

Ezekiɛli 22:12

Wì gbagusaɛsi n guu gbɛ̃dɛa yã́i, wì ↄ'i símá, wì ài zↄ̃ↄ wɛɛlɛ, wì kↄ̃ bↄ́ↄ'i mi. Ma yã́ sã̀ńguɛ, ma Dii Lua mámɛ má ò.

Ezekiɛli 23:35

A yã́i tò ma Dii Lua ma mɛ̀ lá pↄ́ ma yã́ sã̀ngu, n ma kpa kpɛ, ńyↄ̃ n dↄ́ɛ'ĩi ń n káaluakaao gbɛ'eɛ.

Ozee 11:2

Ãma lá málɛ lɛzuńzi, màa aalɛ zã̀ kũmanↄ. Aaìↄ sa'o tã́aↄwa, aaìↄ tulaletikatɛa ń diipiↄnɛ.

Ozee 13:1

Kɛ́ Ɛflaiũ buiↄ yã'ò, wà lùalua, aamɛ gbãa Isailiↄ guu. Ɔ̃ aa tàaekɛ̀ Baali yã́ musu, a yã́i an kpala a gai.

Ozee 13:6

Kɛ́ ma á dã́dãkɛ̀, a kã. Kɛ́ a kã á làa, a ázĩa sɛ̀ lɛsĩ, ↄ̃ ma yã́ sã̀águ.

Ozee 2:5

Tó màa no, má pↄ́ piliwàɛ, i gↄ̃ puizi, má tó aà gↄ̃ láilai, lá wà aà ìwaɛ. Má tó aà gↄ̃ gbáa ũɛ, má aà li gugii ũɛ, mí tó aà ga ń imio.

Ozee 2:7

An da dↄ́ɛ'ĩi kɛ̀, ↄ̃ à ń nↄsì wisaikɛa guu. À mɛ̀ á gɛ́ a gↄ̃pↄsɛↄwaɛ, aai a gba pↄblea ń ío ń sãkão ń bàabaao ń nísio ń vɛ̃ɛo.

Ozee 4:13

Aaì sa'o gbɛ̀sĩsĩↄ musu, aaì tulaletikatɛa sĩ̀sĩↄwa giali ń baalio ń gbɛ̃́nɛlio gbáu, asa a uena ì kɛnɛ́ naɛ. A yã́i tò á nɛnↄɛↄ ì dↄ́ɛ'ĩi kɛ, mɛ́ á nɛ́ naↄ ì gbãsĩkɛ.

Ozee 4:6

Ma gbɛ̃́ↄ gↄ̃̀ kaalɛa dↄ̃a kɛ̃́sãma yã́i. Lá a gí dↄ̃ai, má gí àↄ dɛ ma gbàgbanaↄ ũɛ. Lá mapi á Lua ikoyã sã̀águ, màa á nɛ́ↄ yã́ a sãmagu sↄ̃.

Ozee 8:14

Isailiↄ Kɛna yã́ sã̀ńguɛ, ↄ̃ aalɛ ń kibɛↄ kpakpa. Yudaↄ lɛ́ wɛ̃́lɛ bĩ́ideↄ kálɛkalɛ, kási má tɛsↄ̃ wɛ̃́lɛpiↄwaɛ, an kibɛpiↄ i tɛ́kũ.

Ozee 9:7

Tↄsimagↄↄ lɛ́ mↄ́, fĩabonɛgↄↄ lɛ́ ká! À to Isailiↄ dↄ̃! An duun zↄ̃ↄ ń ĩ́i pↄ́ aa sɛ̀ ń Luao yã́i, aaì ãnabi gwa sↄũ ũɛ, aaì gbɛ̃́ pↄ́ Lua Nisĩna lɛ́ dↄaaɛ dilɛ ĩ́ande ũɛ.

Amↄsi 8:10

Má á dikpɛↄ lilɛɛ́ búbuapɛgↄↄ ũ, á lɛsiaↄ i gↄ̃ wɛ̃nalɛↄ ũ. Má tó à zwã̀nkasaↄ kákaála, á baade i a mi wa gbáigbai. Má tó gↄↄpi àↄ dɛ lán nɛgↄ̃ɛ mɛ̀ndona gaa ↄↄlↄwa, gↄↄpi i midɛ ń pↄsiao.

Ikoyã 32:18

Aa gbɛsi pↄ́ ń í tò we, Lua dɛ̃ɛkànɛ́, ↄ̃ aà yã́ sã̀ńgu.

Ikoyã 6:12

à laaika Dii yã́ sã́aágui. Ɔ̃mɛ á bↄ́ zↄbleu Egipi.

Dↄaanaↄ 10:6

Isailiↄ ɛ̀a yã́ pↄ́ Dii yeio kɛ̀ lↄ, aalɛ zↄble Baaliɛ ń Asetaatio ń Siliↄ diiↄ ń Sidↄ̃deↄ diiↄ ń Mↄabuↄ diiↄ ń Amↄniↄ diiↄ ń Filitɛ̃ↄ diiↄ. Aa pãkpà Diizi, aalɛ zↄbleɛ̀ lↄo,

Dↄaanaↄ 3:7

Isailiↄ yã́ pↄ́ Dii yeio kɛ̀. Dii ń Lua yã́ sã̀ńgu, ↄ̃ aa zↄblè Baaliɛ ń Asetaatio.

1Sam 12:9

Kɛ́ Dii an Lua yã́ sã̀ńgu yã́i, ↄ̃ à ń kpá Azoo zĩgↄ̃ↄ gbɛ̃zↄ̃ↄ Siselawa ń Filitɛ̃ↄ ń Mↄabuↄ kíao, aalɛ zĩkańnↄ.