Ozee 12:7 - Bòó Bibeli Luayãtaala

⁷ Ápiↄ sↄ̃, à su á Luawa, àↄ kú ń gbɛ̃kɛo ń yãkɛa a zɛ́wao, á wɛ́ iↄ dↄ á Luazi gↄↄpii.

Ozee 12:7 Iomraidhean Croise

Daalɛa 49:18

Dii, ma wɛ́ dↄnzi ǹ ma suaba.

Yáasiↄ 11:1

Dii za pↄ́yↄ̃a ń mↄafiliogu, kiloolɛa a zɛ́wa ì kaaàgu.

Yáasiↄ 16:11

Zaa maa ń kiloo lɛa súsuoá Dii pↄ́ɛ, a zã nɛ́na ń a gbɛ̃̀nɛo píi aà pↄkɛaɛ.

Isaia 3:5

Wa kↄ̃ bↄ́ↄ'i mi, gbɛ̃́ ń a gbɛ̃́o, gbɛ̃́ ń a gbɛ̃́deeo. Ɛ̀waaso a gbɛ̃zↄ̃ↄ lele, bɛɛɛsaide a zↄadↄ gawidewa.

Isaia 56:1

Ma Dii ma mɛ̀: À zɛ ń yã́zɛdeo, í yãkɛ a zɛ́wa, asa ma sↄu mà ń á suabaao, má làa ń á bↄa maao.

Ezekiɛli 16:3

ǹ mɛ, ma Dii Lua mámɛ ma yã́ɛ bee ò Yelusalɛũ musu ma mɛ̀: Kanaa bùsu n bↄu, we wà n iu. N maeá Amↄle buiɛ, n daá Iti buiɛ.

Ezekiɛli 22:29

Bùsudeↄ ì gbãamↄkↄ̃ɛ, aaìↄ kↄ̃ kpã́i'o. Aaì taasideↄ ń wɛ̃nadeↄ taiinkɛ, aaì bↄ̀mↄↄ wɛtã ń ń yã́ nao.

Ezekiɛli 28:5

N tágɛa ↄ̃nↄ zↄ̃ↄ yã́i n àizɛɛ kã̀fĩi ↄ̃ n nzĩa sɛ̀ lɛsĩ àizɛɛpi yã́i.

Ozee 14:2

Á Isailiↄ, à su Dii á Luawa, á yãvãiↄ mɛ́ tò a kpagua.

Yoɛli 2:12

Dii mɛ̀: Baa tia kɛ́wa, à su ma kĩ́i ń nↄ̀sɛmɛndoo ń lɛyeo ń ↄↄlↄo ń búbuapɛao.

Amↄsi 2:7

Aaì ↄ̃zↄ̃ wɛ̃nadeↄwa bùsu'ũfãau, aaì gbãasaideↄ yã́ málɛnɛ́. Nɛ́ ń a maeo aaì gbada wɛ̃́ndia doũwa, aaì ma tↄ́ pↄ́ a kua adoa ↄ̃̀ↄkpa.

Amↄsi 3:9

À kpàwakɛ Asedoda kibɛdeↄnɛ ń Egipi kibɛdeↄ à onɛ́, aa kãaa Samali gbɛ̀sĩsĩↄ pↄlɛu, aai gili zↄ̃ↄ pↄ́ gɛ̃̀u e ń gbãa pↄ́ wàlɛ mↄ́ a gbɛ̃́ↄnɛo.

Amↄsi 4:1

Á Basana zununuↄ, à yã́ɛ bee ma, á nↄɛ pↄ́ a mɛ̀kpa Samali sĩ̀sĩpↄlɛuↄ! I gbãamↄ wɛ̃nadeↄnɛ, i taasideↄ wɛtã, i o á zã́ↄnɛ aa idã dↄ à mi.

Amↄsi 5:11

Lá i gbãable wɛ̃nadeↄwa, i pↄ́wɛna símá, á kpɛ́ pↄ́ á bò ń gbɛ̀ ãao, á e zↄ̃lɛ ń guuo, á pↄeã vɛ̃ɛ pↄ́ á bà, á e à a imio.

Mise 2:1

Waiyoo yãbɛ̃ɛ lɛkpaaĩnaↄ, gbɛ̃́ pↄ́ aaì vãi làasookɛ ń lii musuↄ! Tó gu dↄ̀, aaì zĩkɛwà, kɛ́ aa a zɛ́ vĩ yã́i.

Mise 7:2

Luayãmanaↄ làa dṹniau, gbɛ̃maaↄ ku gbɛ̃nazĩnaↄ guu lↄo. Ampii aaì gbɛ̃́ dã́dã aa dɛ, baade lɛ́ a gbɛ̃́dee wɛ ń táaluo.

Zakali 14:21

Oo pↄ́ kú Yelusalɛũ ń Yuda bùsuoↄ gↄ̃ Dii Zĩgↄ̃de pↄ́ ũ píiɛ. Gbɛ̃́ pↄ́ aa mↄ sa'oiↄ sɛ aa nↄ̀ↄ fùukɛò. Gↄↄ bee laatana aↄ ku Dii Zĩgↄ̃de kpɛ́u lↄo.

Zakali 5:8

Ɔ̃ malaikapi mɛ̀: Luayãdasain we. Ɔ̃ à ↄtↄ̃̀ↄlɛwà gbíu we, à a nɛ́ pↄ́ dɛ bɛↄma ũpi tàɛ.

Zakali 7:9

Ma Dii Zĩgↄ̃de ma mɛ̀: Àↄ yã́zɛde kɛ ń sĩanao. Àↄ gbɛ̃kɛ vĩ ń kↄ̃o ń kↄ̃ wɛ̃nagwaao.

Malaki 3:5

Ma Dii Zĩgↄ̃de ma mɛ̀: Má mↄ́wá yã́kpalɛu, ma mɛ a wã ń bↄbↄa ń gbɛ̃́ pↄ́ ma vĩa vĩoↄ: Gbɛ̃́ kↄ̀ↄlɛkɛnaↄ ń gbãsĩkɛnaↄ ń ɛɛ lɛgbɛ̃naↄ ń gbɛ̃́ pↄ́ aaì gbãamↄ ń zĩkɛnaↄnɛ ń gyaa taasideↄ ń tonɛ pↄ́ gwana vĩoↄ ń bↄ̀mↄↄ.

Zãa 2:16

Ɔ̃ a ò felenyianapiↄnɛ: À pↄ́piↄ sɛ́lɛ bↄò píi. Ásu ma Mae kpɛ́ kɛ ɛlɛ ũo.

Zaaki 5:4

À ma! A gbɛ̀wina pↄ́ aa á bua pↄ́ↄ kɛ̀kɛɛ́ↄ blè, mɛ́ ↄ̃api yã́ Lua lè. Pↄkɛkɛnapiↄ wiilɛa gɛ̃̀ Dii Zĩgↄ̃de swã́u.

1Sam 12:3

Má kɛ́! À kɛ ma seeladeↄ ũ Dii ń kía pↄ́ a kpào aɛ. Ma zu ge zàa'ĩna sì á gbɛ̃ewae? Ma á gbɛ̃e blèe? Ma á gbɛ̃e wɛtã̀e? Gbagusaɛ ma wɛ́ blè ma bↄ á gbɛ̃e kpɛe? Tó má kɛ̀ màa, má a fĩaboɛ.