6 Aà tↄ́n Dii, Dii Lua Zĩgↄ̃deɛ.
Dii, ma wɛ́ dↄnzi ǹ ma suaba.
Lá zↄ wɛ́ ìↄ dↄ pↄ́i a dii ↄzĩ, mɛ́ zↄnↄɛna wɛ́ ìↄ dↄ nↄɛ pↄ́ a vĩzi, màa wá wɛ́ ìↄ dↄ Dii wá Luazi, e aà gɛ wá wɛgwaò.
Wɛdↄ Diizi. Zɛ gbãa, ní sↄ̃dilɛ. Wɛdↄ Diizi.
Lɛ́ kpaaũ Dii aɛ, ní sↄ̃́aaàzi, ńsu to saasɛna yã́ n kũ gbãa gↄↄ pↄ́ aà yã́ lɛ́ bↄlɛiɛo.
Lua òɛ̀ lↄ: O Isailiↄnɛ ǹ mɛ ma Dii an deziↄ Ablahaũ ń Izaakio ń Yakↄbuo Lua mɛ́ n zĩmá. Ma tↄ́n we gↄↄpii. Àↄ ma sisi màa e á buiwa.
Tó a ma lɛdama mà yãa, dↄ̃ ma a nisĩna pìsiwá, mí tó àↄ ma làasoo vĩ.
Maakɛa ń yãkɛa a zɛ́wao ì ka Diigu dɛ sa'oawàa.
À zu'o, í gↄ̃ gbãsĩsai, à yãvãi tó, má ye mà á e ń vãikɛao lↄo.
Kási Dii lɛ́ á dã́ à e maakɛɛ́, i fɛlɛ à á wɛ̃nagwa, asa Dii Lua ì yãkɛ a zɛ́waɛ. Báaaden gbɛ̃́ pↄ́ sↄ̃́a Diizi ũ.
Isailiↄ, à ɛa zɛ ń Lua pↄ́ a bↄ aà yã́u pãsĩpãsĩo sa.
gbɛ̃́ pↄ́ an wɛ́ dↄ Diiziↄ sↄ̃, an gbãa ìↄ dɛdɛɛ. Aa fɛlɛ ń gbãao lán kúuwa, aa bàalɛ aa kpasao, aa táa'o aa fuo.
Lɛye pↄ́ má dìlɛ min kɛo lò? À vãikɛnaↄ gala polo gbɛ̃́ↄwa, à zuu bↄlɛ gbɛ̃́ↄnɛ, à gbɛ̃́ pↄ́ wàlɛ ↄtↄ̃máↄ gbaɛ, í gbãamↄa gbɛ̃́ↄnɛ midɛ píi.
Ma wɛ́ dↄ Dii pↄ́ mikpɛdↄ̀ Yakↄbu buiↄnɛzi, má aà náai vĩ.
N kíakɛá sɛdɛ lí dasi yã́ yã̀? N mae i pↄble à imìo lò? À yãmaakɛ̀ a zɛ́wa, ↄ̃ aà yã́ bↄ̀ maa.
A yã́i má yã́kpalɛkɛ ń á Isailiↄ, baade a yãkɛawa. Ma Dii Lua mámɛ má ò. À nↄ̀sɛlilɛ à mikɛ̃ á tàaeↄwa píi, kɛ́ á duuna su á ásookɛo yã́i.
À maa tↄ̃́, í kɛkɛ gbɛ̃kɛ ũ. À kpase kɛ̃ wásawasa, asa Dii kĩ́i wɛɛlɛa gↄↄ kàɛ, e aàↄ mↄ ɛ̀fãaiↄ pisiiwá.
Samalideↄ tàae a wi ń musuɛ, asa aa bↄ̀ ń Lua kpɛɛ. Wa ń kwɛ́ ń fɛ̃ndaoɛ, wi ń nɛ́ↄ wíwi, wi ń nↄsindeeↄ puipui.
Isailiↄ, à ma yãma, asa má yã́ vĩ ń bùsupideↄ. Gbɛ̃e náai vĩo, gbɛ̃e gbɛ̃kɛ vĩo, gbɛ̃e ma dↄ̃ bùsuɛ bee guuo.
Dii mɛ̀: Baa tia kɛ́wa, à su ma kĩ́i ń nↄ̀sɛmɛndoo ń lɛyeo ń ↄↄlↄo ń búbuapɛao.
À nↄ̀sɛlilɛ, i kɛ á pↄkasaↄ no. À su Dii á Lua kĩ́i, asa a sùuu ń sósobio vĩ, aà pↄ lí pa kpaao. A gbɛ̃kɛ vĩ zↄ̃ↄ, ì ĩa pↄ́ a dìlɛ à damá bↄ a nↄ̀sɛɛɛ.
À ma! Mi gbɛ̀sĩsĩↄ kása, mi to zàa'ĩana fɛlɛ, mi to gbɛ̃nazĩna dↄ̃ lá a làasoo dɛ, mi to gu dↄ, mi ɛa to gu si, mi táa'o dṹnia gulɛsĩↄwa, ma tↄ́n Dii Lua Zĩgↄ̃de.
À to yã́zɛde dagua lán swa gbakakaawa, à tó á yãkɛa a zɛ́wa ligua lán swa pↄ́ a í lí baowa.
Gbɛ̃nazĩna, wà yã́ pↄ́ maa ònɛ. Yã́ kpele Dii lɛ́ gbɛamai? Yã́ kɛ a zɛ́wa, níↄ ye gbɛ̃kɛkɛai. Ǹ nzĩa busa, ní tɛ́ Luazi.
Mapi sↄ̃ ma wɛ́ aↄ dↄ Diizi, má Lua ma Suabanapi dã́. Ma Lua a ma yãma.
Asa yã́pi gↄↄ dilɛaɛ, yã́pi lɛ́ a kɛgↄↄ yá, a gí kɛio. Baa tó a gↄↄ lɛ́ gɛ̃gɛ̃, ǹyↄ̃ dã́, gↄↄpi a ká, wa sↄ̃òo.
Ma Dii ma mɛ̀, à sↄ̃́amazi e gↄↄ pↄ́ má fɛlɛ bↄbↄńnↄ. Asa má dìlɛ mà buiↄ kãaa, mà bùsu píi gbɛ̃́ↄ naaa, mí a pↄkpɛ̃nɛbↄbↄmá, baa ma pↄkũma pãsĩ píi. Ma zafɛ̃a tɛ́ i kṹ dṹniawa píi.
A yã́i tò ma Dii Zĩgↄ̃de ma mɛ̀, o gbɛ̃́ↄnɛ aa sua, mí sumá. Má Dii Zĩgↄ̃de mámɛ má ò.
Ma Dii Zĩgↄ̃de ma mɛ̀: Àↄ yã́zɛde kɛ ń sĩanao. Àↄ gbɛ̃kɛ vĩ ń kↄ̃o ń kↄ̃ wɛ̃nagwaao.
Yã́ pↄ́ áli kɛn kɛ: Á baade lí sĩana o a gbɛ̃́deeɛ. Àli yã́gↄ̃gↄ̃ a zɛ́wa nana á yã́kpalɛkɛkĩiↄu.
Ɔ̃ Piɛɛ ònɛ́: Á baade nↄ̀sɛlilɛ, í da'ilɛkɛ ń Yesu Kilisi tↄ́o, á duuna i kɛ̃́wá, Lua i á gba a Nisĩna.
Ma waasokɛ̀ Damasi gĩa ń Yelusalɛũo, ↄ̃ má kɛ̀ Yude bùsu gupiiu ń buipãleↄ kĩ́io. Má ònɛ́ aa nↄ̀sɛlilɛ aa zɛ ń Luao, aai yã́ pↄ́ a to wà dↄ̃ aa nↄ̀sɛlìlɛ kɛ.
Lousisia sĩana pↄ́ sãa vĩ Mae Luaɛon kɛ: Wà laaidↄ tonɛ pↄ́ gwana vĩoↄwa ń gyaa gbɛ̃andoↄ an wɛ̃nakɛa guu, wíↄ wázĩa kũa dↄ̃ sãasai dṹnia yã́ musu.
Lua a yã́kpalɛkɛ ń sùuusaideↄ sùuusaiɛ, ãma yã́ a bↄ ń sùuudeo na.
