Ozee 10:8 - Bòó Bibeli Luayãtaala

⁸ Gulɛsĩ pↄ́ wa bò tã́aↄnɛↄ bãdɛ, asa a dɛ Isailiↄ duuna ũɛ. Lɛↄ ń lá ṹadeↄ fɛlɛ da ń sa'okĩipiↄla, aai o gbɛsiↄnɛ aa lɛ́lɛ simá, aai o sĩ̀sĩↄnɛ aa kúńla.

Ozee 10:8 Iomraidhean Croise

Daalɛa 3:8

Kɛ́ gↄ̃ɛ ń a nao Dii Lua kĩ́i mà, àlɛ bɛbɛ luu oosiɛlɛ, ↄ̃ aa ùlɛɛ̀ lupi láu.

1Kia 13:2

Ɔ̃ à àsi'ò sa'okĩipi musu à mɛ̀: Sa'okĩi, sa'okĩi, Dii mɛ̀ wa nɛ'i Davidi bɛ, wi tↄ́kpaɛ̀ Yosia. Aàpi mɛ́ a sa'oma ń gulɛsĩ sa'ona pↄ́ lɛ́ zĩkɛ laↄ, i sa'onapiↄ wáↄ kpasama.

1Kia 13:34

Duuna pↄ́ tò wà Yeloboaũ buiↄ tↄ̀lↄzↄ̃̀ aa mìdɛ dṹniaun we.

1Kia 14:16

A Isailiↄ kpámá duuna pↄ́ Yeloboaũ kɛ̀ à Isailiↄ dà a kɛau yã́i.

2Kia 23:15

Baa gulɛsĩ pↄ́ Nɛba nɛ́ Yeloboaũ bò sa'okĩi ũ Bɛtɛli à Isailiↄ dàò duunkɛaupi, Yosia gulɛsĩpi ń a sa'okĩio gbòo. À gulɛsĩpi gbɛↄ wìwi à a tibò, à tɛsↄ̃̀ Asetaati lipɛlɛwa lↄ.

2Lad 31:1

Kɛ́ wa làa píi, Isaili pↄ́ kú weↄ bↄ̀lɛ gɛ̀ Yuda wɛ̃́lɛↄ guu, ↄ̃ aa tã́agbɛ pↄ́ wa pɛ̀lɛↄ wìwi, aa Asetaati lipɛlɛↄ zↄ̃̀zↄ̃, aa gulɛsĩ pↄ́ wa bòↄ dàaĩ, aa sa'okĩi pↄ́ kú Yuda bùsuuↄ gbòo ń Bɛ̃yãmɛɛ bùsuo ń Ɛflaiũ bùsuo ń Manase bùsuo píi. Kɛ́ aa làa, ↄ̃ an baade tà a bɛ wɛ̃́lɛu.

Isaia 2:19

Tó Dii fɛ̀lɛ ń dṹnia kpoɛao, wa bàalɛ aà zↄ̃ↄkɛ gawi pↄ́ ì to vĩa ń kṹɛ, gbɛ̃́ↄ ta gbɛ̀'ɛↄ guu ń vukpɛ'ɛↄ.

Isaia 2:21

Tó Dii fɛ̀lɛ ń dṹnia kpoɛao, wa bàalɛ aà zↄ̃ↄkɛ gawi pↄ́ ì to vĩa ń kṹɛ, gbɛ̃́ↄ sↄlↄ gbɛ̀'ɛↄ ń gbɛ̀sↄↄↄ guu.

Isaia 32:13

À ↄ́ↄlↄ ma gbɛ̃́ↄ bùsu yã́i, asa lɛaa ń lɛsikaoo bↄ̀lɛu. À ↄ́ↄlↄ á ua pↄnadeↄ ń á wɛ̃́lɛ naɛ beeo yã́i.

Isaia 34:13

Kàelɛↄ ń lɛaaↄ kúlɛ ń kpɛ́ gbãaↄwa, lɛsikao ń gàagaao a da ń zɛgikĩiↄla. Aↄ dɛ gbɛ̃gbonaↄ tòo ũ, kooↄ bɛ ũ.

Ozee 10:2

Mↄafili ń sↄ̃ pà, an tàae a wi ń musuɛ sa. Dii a ń sa'okĩipiↄ gbooɛ, í ń gbɛ̀ tã́apiↄ wíwi,

Ozee 10:5

Samalideↄ mɛ a lua Bɛtavɛ̃ gáae yã́i, wa ↄ́ↄlↄɛ̀, a sa'onaↄ i búbuapɛ. A gawi a midɛ, asa wa símá wà taòɛ.

Ozee 10:9

Za gↄↄ pↄ́ Isailiↄ duunakɛ̀ Gibɛa, aa zɛ̀òɛ. Zĩ a yãbɛ̃ɛkɛnapiↄ le Gibɛao lé?

Ozee 2:6

Má aà nɛ́ↄ wɛgwao, asa gĩnasↄↄnɛↄnɛ.

Ozee 4:13

Aaì sa'o gbɛ̀sĩsĩↄ musu, aaì tulaletikatɛa sĩ̀sĩↄwa giali ń baalio ń gbɛ̃́nɛlio gbáu, asa a uena ì kɛnɛ́ naɛ. A yã́i tò á nɛnↄɛↄ ì dↄ́ɛ'ĩi kɛ, mɛ́ á nɛ́ naↄ ì gbãsĩkɛ.

Ozee 4:15

Isailiↄ, baa kɛ́ a gbãsĩkɛ̀, Yudaↄ su tàaekɛ màao. Ásu gɛ́ Giligalio, ásu Bɛtavɛ̃ sĩ̀sĩ kũo, ásu lɛgbɛ̃ we à mɛ ń Dii kuaoo.

Ozee 5:8

À kuupɛ Gibɛa! À kã̀aepɛ Lama! À zĩ̀gãalɛ Bɛtavɛ̃! À dↄaa Bɛ̃yãmɛɛ buiↄ!

Ozee 8:5

Ma gi Samalideↄ zugaaei, ma pↄ pàńzi. Kua gbãlɛsai aↄ ń fu e bↄɛ ni?

Ozee 9:6

Gwa, baa tó aa pìli kaalɛwa, Egipiↄ ń gɛ kãaa, Mɛfisideↄ ń vĩ. Lɛaa mɛ́ a kũaa ń ã́nusu pↄ́ bɛɛɛdeↄwa, lɛsikao i kúlɛ ń kpɛ́ↄwa.

Amↄsi 1:5

Má Damasi bĩ́ibↄlɛ gba gbooɛ, mí Avɛni guzulɛpi kía tↄ̀lↄzↄ̃, gbɛ̃́ pↄ́ zↄ̃lɛ báawa Edɛnibɛpi, wi tá ń Sili bùsudeↄ Kii zĩ̀zↄↄ ũ. Ma Dii mámɛ má ò.

Amↄsi 3:14

Tó málɛ Isailiↄ tàae wínɛ́ ń musu, má sa'okĩi pↄ́ kú Bɛtɛliↄ kↄ́ba zↄ̃zↄ̃ mà kwɛ tↄↄlɛ, mí sa'okĩipiↄ dúuzↄ̃.

Amↄsi 7:9

Wa Isailiↄ gulɛsĩ pↄ́ aa bòↄ daaĩ, wa Izaaki buiↄ sa'okĩiↄ wíwi. Má fɛlɛ Yeloboaũ bɛwa ń fɛ̃ndaoɛ.

Amↄsi 8:14

Gbɛ̃́ pↄ́ aaì lɛgbɛ̃ ń Samali tã́a tↄ́oↄ ń gbɛ̃́ pↄ́ aaì mɛ ń Dã dii kuaoↄ, ń gbɛ̃́ pↄ́ aaì mɛ ń gɛa sa'oi Bɛɛsɛba gbãaoↄ, aa kpaguaɛ, aa fɛlɛ bau lↄo.

Mise 1:13

Lakisideↄ, à godↄ sↄ̃́ↄnɛ. Ámɛ á tò Siↄnadeↄ nà duunkɛawa, á wɛ̃́lɛu ↄ̃ Isailiↄ tàaekɛ̀u káau.

Mise 1:5

Bee a kɛ píi Yakↄbu buiↄ tàae ń Yudaↄ duunao yã́iɛ. Bↄ́ mɛ́ Yakↄbu buiↄ tàae ũi? An mɛɛwia Samali tã́aↄ nolo? Yudaↄ tã́agbagbakĩi kú má ni? An mɛɛwia Yelusalɛũ nolo?

Nauũ 3:11

Á Ninivadeↄ sↄ̃, ma pↄkũmabↄbↄma í a zↄ̃lɛwáɛ, í gↄ̃ sãalɛa, íↄ mikpakĩi wɛɛlɛ á ibɛɛↄ yã́i.

Luku 23:30

Gↄↄbeezĩ wa o gbɛsiↄnɛ aa lɛ́lɛ simá, wa o sĩ̀sĩↄnɛ aa kúńla.

Ikoyã 9:21

Ma zugaae pↄ́ á pì duunkɛbↄ ũpi sɛ̀, má kpàsa à tɛkũ̀, ↄ̃ má gbɛ̃̀gbɛ̃ kɛ́lɛkɛlɛ e a tí bↄ̀, ↄ̃ ma a típi zù í pↄ́ lɛ́ bàalɛ gbɛpi pↄlɛua.

Zia yã́ 6:16

An lɛ́ dↄ: Sĩ̀sĩↄ ń gbɛsiↄ à dawála à wá ulɛ gbɛ̃́ pↄ́ zↄ̃lɛa báawaɛ, à wá sí Sã pↄkũmawa.

Zia yã́ 9:6

Gↄↄ beeↄ zĩ́ gbɛ̃́ↄ wɛɛlɛ ga mↄ́ ń sɛ́, a mↄo. Ga ni a ń dɛ, kási ga a bàalɛnɛ́ɛ.