Ozee 1:7 - Bòó Bibeli Luayãtaala

⁷ Ãma má Yudaↄ wɛgwa, mí ń suaba. Ma Dii an Lua, mámɛ má ń suaba, i kɛ ń sáo ge ń fɛ̃ndao ge ń zĩo ge ń sↄ̃́ↄ ge ń sↄ̃deↄ no.

Ozee 1:7 Iomraidhean Croise

2Kia 19:29

Ezekia, yã́ɛ bee aↄ dɛnɛ seela ũ: Á pↄzã blɛ ble wɛ̃a, zii lↄ í ble we. Zii kee sa à pↄ́tↄ̃ í pↄkɛkɛ, à vɛ̃ɛli pɛ́pɛ í a bɛ ble.

2Kia 19:34

Má gí ń wɛ̃́lɛpioɛ, mí a suaba mazĩa yã́i ń ma zↄ̀blena Davidi yã́io.

2Kia 19:35

Gwã́ bee Dii Malaika bↄ̀ gɛ̀ Asiliↄ bòou, à gbɛ̃́ↄ dɛ̀dɛ ↄ̀aasↄsↄo lɛɛ ↄ̀aa do gɛ̃osai (185.000). Kɛ́ aa fɛ̀lɛ kↄↄ, aa gɛↄ è kálɛa gupiiu.

2Kia 6:18

Kɛ́ Siliↄ lɛ́ mↄ́ Ɛlizi kṹi, ↄ̃ à wabikɛ̀ Diiwa à mɛ̀: To gbɛ̃́piↄ vĩ̀akũ. Ɔ̃ Dii tò aa vĩ̀akũ̀ lá Ɛlizi a wabikɛ̀wawa.

Soũ 33:16

Kía lí zĩble a zĩgↄ̃ dasikɛ yã́io, zĩ̀kanae lí bↄ a gↄ̃sakɛ yã́io.

Soũ 44:7

I kɛ ma sá málɛ a náaikɛo, i kɛ ma fɛ̃nda mɛ́ ì ma bↄo.

Bↄa 14:13

Mↄizi ònɛ́: Ásu to vĩa á kṹo. À zɛ tɛɛɛ, í e lá Dii a á suaba gbã, asa Egipi pↄ́ álɛ ń e gbãɛↄ, á ń e bau lↄo.

Bↄa 14:30

Zĩbeezĩ Dii Isailiↄ sì Egipiↄwa, ↄ̃ Isailiↄ Egipipiↄ gɛↄ è ísia gↄ̃sↄ̃lɛ.

Isaia 12:2

Lua mɛ́ wá Suabana ũ, wáↄ aà náai vĩɛ, vĩa a wá kṹo. Dii mɛ́ wá gbãa ũ, aà táasi wi lɛ́, ↄ̃mɛ wá suabà.

Isaia 30:18

Kási Dii lɛ́ á dã́ à e maakɛɛ́, i fɛlɛ à á wɛ̃nagwa, asa Dii Lua ì yãkɛ a zɛ́waɛ. Báaaden gbɛ̃́ pↄ́ sↄ̃́a Diizi ũ.

Isaia 49:6

A òmɛɛ à mɛ: Gↄ̃a ma zↄ̀blena ũ kɛ́ ǹ ɛa Yakↄbu buiↄ sɛ musu, kɛ́ ǹ su ń Isaili pↄ́ bↄ̀ↄ ń pá ziu, kɛ́ bee kɛ̀nɛ fɛ̃́nɛũ. Má n dilɛ gupua ũ buipãleↄnɛ, kɛ́ ǹ gɛ́ ń suabayão e tↄↄlɛ lɛ́wa.

Isaia 7:14

A yã́i Dii a seelakɛɛ́ azĩa. Gwa! Wɛ̃́ndia lɛ́so a nↄsi à nɛ'i gↄ̃ɛ ũ, i tↄ́kpaɛ̀ Ɛmanuɛli.

Zelemii 25:5

Aa mɛ̀ á baade bↄ a zɛ́ vãiu, à mikɛ̃ a vãikɛawa, íↄ ku bùsu pↄ́ Dii kpà á deziↄwau gↄↄpii.

Zelemii 25:6

Aa mɛ̀ ásu tɛ tã́aↄzi à zↄblenɛ́ à kúlɛnɛ́o. Ásu to Dii pↄ fɛ̃ á pↄkɛaↄ yã́i à ĩadawáo.

Zelemii 33:26

má gí Yakↄbu buiↄ ń ma zↄ̀blena Davidioziɛ sa, kɛ́ aà bui su kpalable Ablahaũ ń Izaakio ń Yakↄbu buiↄwa lↄo yã́i. Asa má suńnↄ ń pá ziuɛ, mí ń wɛ̃nagwa.

Ozee 1:8

Kɛ́ à Wɛ́gwaakuo kɛ̃̀ yↄ̃́wa, à nɛ'ì gↄ̃ɛ ũ lↄ.

Zakali 4:6

Ɔ̃ a òmɛɛ, yã́ pↄ́ Dii lɛ́ o Zolobabɛliɛn kɛ: Dii Zĩgↄ̃de mɛ̀, i kɛ ń gbãao ge ń ikoo no, sema a Nisĩna.

1Sam 17:47

Gbɛ̃́ pↄ́ kãaaa laↄ i dↄ̃ kɛ́ Dii lí zĩble ń fɛ̃nda ge ń sↄ̃naoo. Dii mɛ́ zĩ̀ gbãa vĩ, a á nawɛ̃ɛ wá ↄzĩɛ.