Nɛɛmii 7:1 - Bòó Bibeli Luayãtaala

¹ Kɛ́ wà bĩ́ibò mɛ́ ma a bↄlɛ gbaↄ pɛ̀lɛpɛlɛ, wà bĩ́ibↄlɛdↄ̃anaↄ ń lɛ̀sinaↄ ń Levii buiↄ dìlɛ.

Nɛɛmii 7:1 Iomraidhean Croise

2Kia 7:10

Kɛ́ aa kà we, aa lɛzù wɛ̃́lɛ bĩ́ibↄlɛdↄ̃anaↄzi aa mɛ̀: Wa gɛ Siliↄ bòou, wi gbɛ̃e e weo, wi gbɛ̃e kĩ́a mao. An sↄ̃́ↄ ń ń zàa'ĩnaↄ mɛ́ dↄdↄa we, mɛ́ an zwã̀akpɛↄ kú ń gbɛu gboosai.

2Lad 31:2

Ezekia sa'onaↄ ń Levii buiↄ kpaalɛ̀ gã ń gão, baade ń a zĩo, kɛ́ aa sa pↄ́ wì a pↄ́ kátɛu à tɛ́kũ o ń sáaukpasaↄ, aai zĩkɛ Dii kpɛ́ kpɛɛlɛ, aai aà sáaukpa, aai aà táasilɛ.

Ɛzala 3:8

An kaa Lua kpɛ́ dↄkĩi Yelusalɛũ wɛ̃̀ plaade mↄ plaade guu, Salatiɛli nɛ́ Zolobabɛli ń Yozada nɛ́ Yesuao nà zĩwa ń ń gbɛ̃́ kĩniↄ, sa'onaↄ ń Levii buiↄ ń gbɛ̃́ pↄ́ bↄ̀ zĩ̀zↄkɛu aa sù Yelusalɛũↄ píi. Aa Levii bui pↄ́ kà wɛ̃̀ bao ge aa dɛaↄ dìlɛ Dii kpɛ́ zĩpi gbɛ̃zↄ̃ↄↄ ũ.

Nɛɛmii 10:39

Tó Levii buiↄ lɛ́ a kwide sí, Aalona bui sa'onaeↄ líↄ kúńnↄ. Levii buiↄ sↄ̃ aali pↄ́ kwide pↄ́ aa sìpi kwide sɛ gɛ́ò wá Lua ua, aali kálɛ làasiu.

Nɛɛmii 11:3

Yuda bùsu dↄaana pↄ́ zↄ̃̀lɛ Yelusalɛũↄ tↄ́ↄn kɛ: Isaili kĩniↄ, sa'onaↄ ń Levii buiↄ ń Lua ua zĩkɛnaↄ ń Salomↄↄ zↄ̀blen buiↄ zↄ̃̀lɛ Yuda bùsu wɛ̃́lɛↄ guu, baade ń a tↄↄlɛo,

Nɛɛmii 12:24

Levii bui dↄaanaↄ tↄ́n kɛ: Asabia, Selebia, Binui, Kamiɛli ń Yesuao. An gbɛ̃́ↄ ì yãwemá táasilɛa ń sáaukpaao guu gã ń gãoɛ, lá Lua gbɛ̃́ Davidi dìlɛwa.

Nɛɛmii 6:1

Ma bĩ́ibò má làa, a fòo ku guei lↄo, ãma mi a bↄlɛ gbaↄ pɛ́lɛpɛlɛ gĩao. Kɛ́ Sambala ń Tobiao ń Laalubu bui Gɛsɛũo ń ma ibɛɛ kĩniↄ a baomà,

Nɛɛmii 6:15

Gↄↄ blakwi ń plao gbɛa wa bĩ́ipi mìdɛ mↄ pↄ́ wì mɛ Ɛlulu gↄↄ baasↄodezĩ.

Nɛɛmii 6:19

Aaì aà sáaukpa ma wáa lↄ, ↄ̃ aaì ɛa ma yã́ dau siuɛ̀. Tobiapi láↄ kpã̀sãmɛɛ lↄ, kɛ́ vĩa e ma kṹ.