Nɛɛmii 5:9 - Bòó Bibeli Luayãtaala

⁹ Ɔ̃ ma ɛa ma mɛ̀: Yã́ pↄ́ álɛ kɛpi maao. Àↄ wá Lua vĩa vĩ, kɛ́ wá ibɛɛ buipãleↄ su wá sↄ̃́sↄ̃o yã́i.

Nɛɛmii 5:9 Iomraidhean Croise

Daalɛa 20:11

Ablahaũ wèwà à mɛ̀: Málɛ e yãa gbɛ̃e Lua vĩa vĩ bùsuɛ bee guuo, mɛ́ wasu ma dɛ ma nↄ yã́i.

Daalɛa 42:18

A gↄↄ àaↄ̃de zĩ́ a ònɛ́: Má Lua vĩa vĩ. À yã́ pↄ́ má òɛ́ kɛ, í bↄ aafia.

2Sam 12:14

Ãma lá n dↄɛ Diiwa maamaa yã́pi kɛa musu, nɛgↄ̃ɛ pↄ́ nↄɛpi ìnnↄ a gaɛ.

Nɛɛmii 4:4

Ɔ̃ wá Yudaeↄ mɛ̀: Asosɛnaↄ yɛ̃̀ɛɛ lɛ́ láa. Gbɛ pↄ́ wa gbòo wa dàaĩ zↄ̃ↄ, wá fↄ̃ bĩ́ipi bo wà a midɛo.

Nɛɛmii 5:10

Mapi ń ma daɛↄ ń ma ìwaↄ, wa ↄ̃a ń pↄ́wɛnao sɛ̃̀anɛ́ sↄ̃. À ↄ'idianɛ́ tó sa,

Nɛɛmii 5:15

Dↄaana káau pↄ́ dↄ̀aamɛɛↄ aso gbia tↄ̃̀ gbɛ̃́ↄwa, aa pↄblea ń vɛ̃ɛo sì baadewa ń ã́nusu ↄwatɛ̃ blablao. An ìwaↄ gbãablèmá lↄ. Mapi sↄ̃ mi kɛ màao, asa má Lua vĩa vĩ.

Soũ 90:11

Dé mɛ́ n pↄkũma gbãa lɛ́ dↄ̃i? Dé mɛ́ n kpɛ̃nɛ lɛ́ dↄ̃ à vĩakɛɛ̀i?

Yáasiↄ 16:29

Gbɛ̃́ pãsĩ ì kↄ̃nikɛ a gbɛ̃́deeɛ, ì aà da zɛ́ vãiwa.

Yáasiↄ 17:26

A maa wà yãesaide yíao, bɛɛɛde gbɛ̃a a nↄ̀sɛmaa yã́i zɛ́ vĩo.

Yáasiↄ 18:5

Kɛa vãikɛnaɛ kɛ̀kɛ ge yãkɛkɛa yãesaideɛ ↄkpɛai maao.

Yáasiↄ 19:2

Ãia vĩa yã́zɛdↄ̃sai maao, wãa zↄ̃ↄ ì ń zã zɛ́waɛ.

Yáasiↄ 24:23

Ɔ̃nↄnaↄ yã́n kɛ lↄ: Gbɛ̃bↄbↄa'ↄsi yã́kpalɛ guu maao.

Ezekiɛli 36:20

Gu pↄ́ aa tàu buiↄ guu píi, aa tò ma tↄ́ pↄ́ a kua adoa ↄ̃̀ↄkpà we, asa wa ò ń yã́ musu wà mɛ̀: Dii gbɛ̃ↄn kɛ, kási aa lɛ̀kↄ̃wa aà bùsuuɛ.

Levii buiↄ 25:36

Ásuli ↄ'i diaɛ̀o, ásuli a í gbaɛ̀o. Àliↄ ma vĩa vĩ, kɛ́ á gbɛ̃́pi e àↄ kú á guu yã́i.

Zĩn 9:31

Bee gbɛa Yesudeↄ gↄ̃̀ dↄdↄa Yude ń Galileo ń Samali bùsuo píi, aalɛ zɛdↄ, aalɛ gɛ́ aɛ vĩakɛa Diiɛ guu, aalɛ kã́fĩ ń Lua Nisĩna dↄnlɛo.

Lomadeↄ 2:24

Asa á yã́i buipãleↄ ìↄ Lua tↄbɛ̃ɛsi lá a kɛ̃a láuwa.

1Tim 5:14

A yã́ mɛ́ tò má ye gyaa nↄgbãaↄ zãkɛ, aai nɛ'i, aai laaidↄ bɛwa, kɛ́ aasu wá ibɛɛↄ gba zɛ́ aa wá tↄbɛ̃ɛsio yã́i.

Titu 2:5

aaↄ dɛ laaideↄ ũ gbãsĩsai, aa laaidↄ ń nↄzãekɛzĩwa, an baade misiilɛ a zã́ɛ, kɛ́ wasu Lua yã́ bɛ̃̀ɛboo yã́i.

1Piɛ 2:12

Àↄ ku gbɛ̃́ bɛɛɛdeↄ ũ luanaaikɛnsaiↄ guu. Beewa baa tó aalɛ á dilɛ vãikɛnaↄ ũ, tó aa yãmaa pↄ́ álɛ kɛↄ è, aa Lua sáaukpa yã́kpalɛkɛgↄↄzĩ.

1Sam 2:24

Ásu kɛ màao ma nɛ́ↄ! Bao pↄ́ má mà, àlɛ fãaa Dii gbɛ̃́ↄ guupi maao.