Nɛɛmii 10:34 - Bòó Bibeli Luayãtaala

³⁴ Iↄ dɛ pɛ̃ɛ pↄ́ wì kpa Luawa pↄ́ ũ ń pↄ́wɛnti pↄ́ wìↄ kpawà lá gu lɛ́ dↄo ń sa pↄ́ wìↄ a pↄ́ kátɛu à tɛ́kũ lá gu lɛ́ dↄo ń sa pↄ́ wìↄ o kã́mabogↄↄ ń mↄ dafu dikpɛgↄↄo ń dikpɛ pãle zĩ́o ń sa pↄ́ wì o sáaukpaa yã́io ń Isailiↄ duun awakpabↄↄ ń wá Lua ua yã́ kĩniↄ píi.

Nɛɛmii 10:34 Iomraidhean Croise

1Lad 24:5

Aa ń kpaalɛ̀ ń gbɛlaaoɛ an wɛgwasai, asa Ɛleazaa buieↄ ń Itamaa buieↄ dɛ Lua kpɛ́ gbɛ̃zↄ̃ↄↄ ń sa'onkiaↄ ũ ḿpiiɛ.

1Lad 24:7

Yoialibu mɛ́ sɛ̃́ia, a plaade Yedaia,

2Lad 2:3

Málɛ kpɛdↄ Dii ma Luaɛ. Aà pↄ́ɛ, we waↄ tulaletikauɛ̀ tɛ́a, wiↄ pɛ̃ɛ kálɛɛ̀, wiↄ sa pↄ́ wì a pↄ́ kátɛu à tɛ́kũ owà kↄↄ ń oosio ń kã́mabogↄↄzĩo ń mↄ dafu gↄↄↄ ń Dii wá Lua dikpɛↄ. Ɔ̃ Luapi dìlɛ Isailiↄnɛ aaↄ kɛ màa gↄↄpii.

Ɛzala 3:5

Bee gbɛa aa sa pↄ́ wìↄ o gↄↄpii ò ń mↄ dafu pↄ́o ń dikpɛ pↄ́ Dii dìlɛↄ pↄ́o ń gba pↄ́ wì mↄoɛ̀ↄ.

Nɛɛmii 11:1

Isaili dↄaanaↄ zↄ̃̀lɛ Yelusalɛũ, ↄ̃ gbɛ̃́ kĩniↄ gbɛlà an gbɛ̃́ↄ kwide mↄ zↄ̃lɛa Lua wɛ̃́lɛpi guu yã́ musu, an gbɛ̃́ kĩniↄ i gↄ̃ zↄ̃ɛwiaↄ guu.

Nɛɛmii 13:31

Ma ɛa yàa labakɛa gↄↄ dìlɛ gbɛ̃́ↄnɛ ń bua pↄ́ káauↄ kpaao. Ma Lua, to ma yã́ àↄ dↄngu a maa ũ.

Yáasiↄ 18:18

Yãkɛkɛa gbɛaa Diiwa ń gbɛo ì sòle midɛ, ì gↄ̃gbãaↄ yoaa.

Isaia 40:16

Libã likpɛ i ka Dii gbagbayaa ũo, a nↄ̀bↄↄ i ka wà sa'oowào.

Levii buiↄ 24:5

Níli pɛ̃ɛti sɛ́ ǹ pɛ̃ɛkɛò mɛ̀n kuɛpla, pɛ̃ɛ mɛ̀ndo tí kiloo síiↄ̃siiↄ̃.

Levii buiↄ 24:6

Níli pɛ̃ɛpiↄ kálɛ ma aɛ vua táabũnuwa mɛ̀n soolosoolo dↄ̀ↄ pla.

Naokɛa 28:2

Yã́ dilɛ Isailiↄnɛ aali ma gba blɛ pↄ́ a tɛ́kũa gĩ ì kɛmɛɛ na a gↄↄwa.

Zĩn 1:26

Ɔ̃ aa tɛ́lɛpà gbɛ̃ↄn plapiↄ yã́ musu. Matiasi tɛ́lɛblè, ↄ̃ aa aà dà zĩna gbɛ̃ↄn kuɛdoↄ guu.

Yozuee 9:27

Zĩbeezĩ à ń dílɛ Isailiↄ yàawɛnaↄ ń ń itↄnaↄ ũ, aaiↄ yàawɛ, aaiↄ ítↄ Dii gbagbakĩiɛ gu pↄ́ Dii su dilɛu. Ɔ̃ aa dɛ a ũ e ń a gbão.