Mise 1:8 - Bòó Bibeli Luayãtaala

⁸ Ɔ̃ Mise mɛ̀: A yã́i tò má ↄ́ↄlↄ, má búbuapɛ, máↄ bɛ bṹu kyalesai. Má wiilɛ lán gbɛ̃gbonawa, má ↄ́ↄlↄ lán koowa.

Mise 1:8 Iomraidhean Croise

2Kia 18:13

Kí Ezekia kpalablea wɛ̃̀ gɛ̃o mɛ̀ndosaide guu ↄ̃ Asiliↄ kí Sɛnakelibu mↄ̀ lɛ̀lɛ Yuda wɛ̃́lɛ bĩ́ideↄwa, a sì píi.

Ɛsitɛɛ 4:1

Kɛ́ Maadose yã́ pↄ́ wa kɛ̀pi mà, à a pↄkasaↄ ga kɛ̃̀, ↄ̃ à zwã̀nkasaↄ dà à túfu gbɛ̃̀ a miwa, ↄ̃ a bɛ wɛ̃́lɛ guu, àlɛ wɛ̃na'ↄ gbãa dↄ.

Yobu 30:29

Ma gↄ̃ kↄ̃gbɛ̃ ũ ń gbɛ̃gbonaↄ, taataaↄ gbɛ̃nan ma ũ.

Soũ 102:6

Ma aaukɛa mɛ́ tò ma gↄ̃ wákambaau ũ.

Isaia 13:21

Gbáa nↄ̀bↄↄ mɛ́ aaↄ kálɛa we, a kpɛ́ↄ gↄ̃ gbɛ̃gbonaↄ tòo ũɛ. Koohũhũnaↄ zↄ̃zↄ̃ we, tã́aↄ i kìlimpau.

Isaia 13:22

Maiↄ wiilɛ a bĩ́iↄ sↄ̀ↄu, gbɛ̃gbonaↄ gbokɛ a namablekĩiↄu. A gↄↄ kãikũ̀, a gↄↄ ga lↄo.

Isaia 16:9

A yã́i málɛ ↄ́ↄlↄ Sibema vɛ̃ɛbuↄnɛ lá Yazɛɛdeↄ a ↄ́ↄlↄ̀wa. Ɛsɛbↄ̃deↄ! Ɛlealedeↄ! Ma wɛ́'ikàwá, asa gula pↄ́ ìↄ dↄ yãa saɛ pↄkɛkɛgↄↄ làaɛ.

Isaia 21:3

Yã́ pↄ́ má è tò ma lɛ́ gↄ̃̀ kpaaũa, yã́ pↄ́ má mà ma da bíliu. A wãwã ma kũ gbãa, àlɛ ma wó paa, à fɛ̀lɛmanↄ lá nↄwãwã ì fɛlɛ nↄɛwawa.

Isaia 22:4

A yã́ mɛ́ tò ma mɛ̀: À gomala, à to mà ↄ́ↄlↄ wɛ̃nannↄ. Ásu wɛɛlɛ ma nↄ̀sɛ nínimɛɛ ma gbɛ̃́ pↄ́ gàgaↄ yã́ musuo.

Isaia 32:11

Á nↄɛ pↄ́ álɛ namableↄ, à lualua ń sↄ̃̀deedeeo. Á nↄɛ pↄ́ á kú niɛniɛↄ, à kpakpanaga. À á pↄ́ↄ wolowá píi, í zwã̀nkasaↄ dↄ á pi.

Zelemii 4:19

Ma nↄ̀sɛ ↄ̃̀ↄkpà! Ma nↄ̀sɛ ↄ̃̀ↄkpà! Ma nↄ̀sɛ lɛ́ pusu bↄ, sↄ̃ kɛ̃̀magu, má fↄ̃ màↄ nílɛo. Ma kuu'ↄ mà dↄ ń kúkuakɛao.

Zelemii 9:1

Tó má pilakĩi vĩ gbáau yãaɛ lé, má a gbɛ̃́ↄ to we mà gɛ́ weɛ, asa gbãsĩkɛnaↄnɛ ḿpii, náaisaideↄ gãliɛ.

Zelemii 9:10

Má tó Yelusalɛũ gↄ̃ bɛzia ũɛ, gbɛ̃gbonaↄ tòo ũ. Mí Yuda bùsu wɛ̃́lɛↄ dɛ̃ↄnzↄ̃, gbɛ̃e aↄ ku we lↄo.

Zelemii 9:19

Nↄɛↄ, à Dii yãma sa, à swã́kpa yã́ pↄ́ lɛ́ bↄ aà lɛ́ui. À ↄↄlↄ dada á nɛnↄɛↄnɛ, í wɛ̃nalɛ dadakↄ̃ɛ.

Ezekiɛli 32:18

Gbɛ̃nazĩn nɛ́, waiyookɛ Egipi zĩgↄ̃ dasiↄnɛ, ní ń kpá tↄↄlɛ nↄnau ń bui zↄ̃ↄↄ ń gbɛ̃́ pↄ́ aalɛ tá ɛ̀ zòolouↄ.

Mise 2:4

Gↄↄ bee wa yãadańnↄ, an yã́ i gↄ̃ wɛ̃nalɛ ũ wa mɛ: Wà wá ásookɛ̀, wà wá gbɛ̃́ↄ bùsu sìmá, wàlɛ wá bugbɛↄ kpaalɛkↄ̃ɛ ń luayãdↄ̃nsaiↄ.

1Sam 19:24

À a pↄkasaↄ bↄ̀ala, à ãnabikɛkɛ̀ Samuɛli wáa. Gↄↄ bee fãanɛ ń gwãasĩnao píi ìↄ wúlɛa puiziɛ. A yã́i tò wì mɛ: Saulu ku ãnabiↄ guu sↄ̃ nɛe?