Matiee 7:11 - Bòó Bibeli Luayãtaala

¹¹ Baa ń á vãikɛo, á pↄmaa kpaa á nɛ́ↄwa dↄ̃. Wa á Mae pↄ́ kú musu pↄmaa kpaa gbɛ̃́ pↄ́ aa wabikɛ̀waↄwa pↄ́ o lↄe?

Matiee 7:11 Iomraidhean Croise

Daalɛa 6:5

Kɛ́ Dii è gbɛ̃nazĩnaↄ yãvãikɛ̀ zↄ̃ↄ dṹniau, gↄↄpii yãbɛ̃ɛ làasoo ↄ̃ aaìↄ kɛ ado,

Daalɛa 8:21

Kɛ́ Dii a gĩmà, à kɛ̀ɛ̀ na, ↄ̃ à làasookɛ̀ à mɛ̀: Má ɛa láaizĩ tↄↄlɛwa gbɛ̃nazĩna yã́i lↄo, asa gbɛ̃nazĩna làasoo ìↄ vãi za aà ɛ̀waasogↄↄɛ. Má ɛa pↄ́ wɛ̃nideↄ kaalɛ lá má kɛ̀wa lↄo.

2Sam 7:19

Dii Lua, bee kɛ̀nɛ fɛ̃́nɛũ e tia, ↄ̃ n mapi n zↄ̀blena bui pↄ́ aaↄ ku ziaↄ yã'ò lↄa? Màa ńlɛ kɛmɛɛa, Dii Lua?

Yobu 15:16

wa gbɛ̃nazĩna pↄ́ o lↄe? A bɛ̃̀ɛ, a ↄ̃̀ↄkpaa, ì yãvãi mi lán íwa.

Soũ 84:11

Kua n kpɛ́ kpɛɛlɛ gↄↄ do maa dɛ kua gupãlei gↄↄ ↄ̀aa sↄola. Ma Lua ua bĩ́ibↄlɛdↄ̃anakɛ sì dɛ kua ua doũ ń vãikɛnaↄla.

Soũ 85:12

Náai ì ↄ poo musu, yã́zɛde ì ↄnↄnↄ zĩ́lɛi.

Soũ 86:15

Mpi Dii, Lua sósobiden n ũ, ń sùuu vĩ mɛ́ n pↄ lí pa kpaao, ń gbɛ̃kɛ ń náaio vĩ zↄ̃ↄ.

Soũ 86:5

Ń maa mɛ́ ń sùuu vĩ, Dii, n gbɛ̃kɛ zↄ̃ↄ n sìsinaↄnɛ.

Isaia 49:15

Nɛ́ pↄ́ nↄɛ yↄ̃́ kpàwà yã́ a fↄ̃ sã́aàgue? A a nɛ'ia wɛ̃nagwao lé? Baa tó aà yã́ sã̀aàgu, n yã́ a sãmaguo.

Isaia 63:7

Má Dii gbɛ̃kɛ galikɛ ń aà táasilɛao, asa à yã́pii kɛ̀wɛ̃ɛ wá gwaa guu, à yãmaa dasi kɛ̀ wá Isailiↄnɛ gbɛ̃kɛ guu.

Zelemii 17:9

Sↄ̃ mↄafili vĩ dɛ pↄ́piia, a kɛkɛa vĩo, dé mɛ́ a fↄ̃ à a yã́ↄ dↄ̃i?

Zelemii 33:14

Ma Dii ma mɛ̀ gↄↄe a mↄ́ kɛ́ má lɛ́ maa pↄ́ má gbɛ̃̀ Isailiↄ ń Yudaↄnɛ papa.

Ozee 14:2

Á Isailiↄ, à su Dii á Luawa, á yãvãiↄ mɛ́ tò a kpagua.

Mise 7:18

Lua, dé mɛ́ muaannↄi? Ni n gbɛ̃́ kↄ̃naↄ duuna kɛ̃́má, ni sùuukɛńnↄ ń ń tàaeↄ. N pↄ líↄ paa gↄↄpiio, gbɛ̃kɛkɛanɛ́ mɛ́ ì kangu.

Malaki 1:6

Nɛ́ ì a mae kpɛla, mɛ́ zↄ̀blena ì a dii kpɛla. Kɛ́ má dɛ á mae ũ, álɛ ma kpɛlae? Kɛ́ má dɛ á dii ũ, á ma vĩa vĩe? Ma Dii Zĩgↄ̃de mámɛ málɛ á la. Á sa'onaↄ, ámɛ álɛ sakamagu. I mɛ: Kpelewa wa sakàngui?

Matiee 23:9

Ásuli o gbɛ̃eɛ á mae dṹnia guu lao, asa á Mae mɛ̀ndoɛ, ↄ̃mɛ kú musu.

Matiee 7:10

Ge tó à kpↄ wabikɛ̀wà, a píligona kpawà yã̀?

Zãa 3:16

Asa Lua ye dṹniazi à kɛ̀ zài, ↄ̃ à a Nɛ́ mɛ̀ndona kpà, kɛ́ gbɛ̃́ pↄ́ lɛ́ aà náaikɛ a gao, wɛ̃ni láasai ↄ̃ aↄ vĩ.

Lomadeↄ 3:19

Wá dↄ̃ kɛ́ Lua ikoyã píi dɛ gbɛ̃́ pↄ́ kú a ↄzĩↄ yã́ ũɛ, kɛ́ gbɛ̃́pii lɛ́ gↄ̃ kpaaũa, dṹnia gbɛ̃́pii i gↄ̃ tàaede ũ Luaɛ.

Lomadeↄ 3:9

Too! Wá Yudaↄ wá sã̀ↄ yã̀? Aawo bá! Asa ma bↄbↄ ń Yudaↄ ń buipãleↄ píi kↄ̀, ampiiá duuna zↄↄnɛ.

Lomadeↄ 8:32

Lá i gí ń azĩa Nɛ́oo, à aà kpà wápii yã́i, a wá gba pↄ́pii lↄo lé?

Galatiↄ 3:22

A kɛ̃a Luayãtaalau wà mɛ̀, duuna gbɛ̃́pii kákpɛukɛ̀, kɛ́ báaa pↄ́ Lua a lɛgbɛ̃̀pi e gↄ̃ Yesu Kilisi náaikɛnaↄ pↄ́ ũ aà náai pↄ́ aalɛ kɛpi yã́i.

Zaaki 1:17

Gba maa sãasai píi ì bↄ musu Mae Lua gupuakũnaↄ Kɛna kĩ́iɛ. Ìli lilɛo, aà gupua iwesa vĩo.

1Zãa 3:1

À gwa lá Mae Lua yewázi zↄ̃ↄ, kɛ́ ì wá sísi a nɛ́ↄ, mɛ́ wá a ũ sↄ̃! Dṹnia wá dↄ̃o, kɛ́ i aà dↄ̃o yã́i.

1Zãa 4:10

Aà yeawázipin kɛ: I kɛ wámɛ wá ye Luazio, Lua mɛ́ yewázi, ↄ̃ à a Nɛ́ zĩ̀ wá duuna awakpabↄ ũ.