Matiee 5:5 - Bòó Bibeli Luayãtaala

⁵ Zĩabusanaↄ mɛ́ báaadeↄ ũ, asa aamɛ aaↄ dṹnia vĩ.

Matiee 5:5 Iomraidhean Croise

Soũ 147:6

Dii ì zĩabusanaↄ gba gbãa, ↄ̃ ì ↄtↄ̃ vãikɛnaↄwa e zĩ́lɛ.

Soũ 149:4

Asa Dii gbɛ̃́ↄ yã́ ì kaaàguɛ, ì zĩabusanaↄ kpɛla à ń suaba.

Soũ 22:26

Má n táasilɛ balu guu, má lɛ́ pↄ́ má kɛ̀ma fĩabo n vĩakɛnaↄ wáa.

Soũ 25:13

Ade aↄ ku nama guu, aà buiↄ mɛ́ aa gↄ̃ ń bùsu vĩ.

Soũ 25:9

Ì zĩabusanaↄ da a zɛ́wa, ì yãmaa dadanɛ́.

Soũ 37:11

Zĩabusanaↄ mɛ́ aaↄ bùsu vĩ, aaiↄ pↄnakɛò ń aafia zↄ̃ↄo.

Soũ 37:22

Gbɛ̃́ pↄ́ Dii báaadàńguↄ mɛ́ aa gↄ̃ bùsu vĩ, gbɛ̃́ pↄ́ à lɛkɛ̀nɛ́ↄ sↄ̃ aa midɛ.

Soũ 37:29

Gbɛ̃maaↄ mɛ́ aa gↄ̃ bùsu vĩ, aaiↄ ku we gↄↄpii.

Soũ 37:34

Sↄ̃́a Diizi, níↄ aà yã́ kũa, i n kã́fĩ, ní gↄ̃ bùsu vĩ, ní gbɛ̃vãiↄ midɛa e.

Soũ 37:9

Asa gbɛ̃vãiↄ midɛ, gbɛ̃́ pↄ́ an wɛ́ dↄ Diiziↄ mɛ́ aa gↄ̃ bùsu vĩ.

Soũ 69:32

Bee a ka Diigu dɛ sa'oa ń zuoa, a kɛɛ̀ na dɛ zugaaena kↄ́badea.

Isaia 11:4

A yã́kpalɛkɛ taasideↄnɛ a zɛ́wa, a dṹnia wɛ̃nadeↄ yãnakpámá. Aà yã́ a dṹnia gbɛ̃́ↄ gbɛ̃ lán gowa, a vãikɛnaↄ dɛdɛ ń a lɛ́'ĩanao.

Isaia 29:19

Taasideↄ pↄ a ɛa kɛ na Diiwa, wɛ̃nadeↄ pↄnakɛ ń Isailiↄ Lua pↄ́ a kua adoao.

Isaia 60:21

N gbɛ̃́ↄ aaↄ maa píiɛ, mɛ́ aaↄ bùsu vĩ gↄↄpii. Aaↄ dɛli pↄ́ má bà vlãpaa ũ, ma ↄgbɛ ũ ma zãblea yã́i.

Isaia 61:1

Dii Lua Nisĩna kua, à ma sɛ mà baonakpa taasideↄnɛ, à ma zĩ mà pↄsiadeↄ gba sↄ̃ mà zĩ̀zↄↄ gↄ̃a wɛ̃́ɛↄ ũ ń dakpɛunaↄ gbaɛao kpàwakɛ,

Sofoni 2:3

Á nↄ̀sɛdoũde pↄ́ i Dii yãmaↄ, à aà kĩ́i wɛɛlɛ, à wɛɛlɛ àↄ maa, á nↄ̀sɛ iↄ doũ. Bee a gí á bↄi Dii pↄkũmagↄↄa?

Naokɛa 12:3

Mↄizi sↄ̃ nↄ̀sɛdoũdeɛ, aà sáa kú dṹnia guuo.

Matiee 11:29

À ma zuu sɛ́, í yãdada ma kĩ́i, á sↄ̃ i níni, asa má busɛ mɛ́ ma nↄ̀sɛ niɛ.

Matiee 21:5

O Siↄnadeↄnɛ an kía mɛ́ lɛ́ mↄ́ ń kĩ́i. Aà nↄ̀sɛ niɛ, a di zàa'ĩn bↄlↄ kpɛ.

Lomadeↄ 4:13

Lua lɛgbɛ̃̀ Ablahaũɛ ń aà buiↄ à mɛ̀ dṹnia a gↄ̃ ń pↄ́ ũ. I kɛ aà ikoyã kũa yã́i no, kɛ́ Lua tò yã́ bↄ̀aànↄ na a náai pↄ́ a kɛ̀ yã́iɛ.

Galatiↄ 5:23

ń zĩabusaao ń zĩakũadↄ̃o. Ikoyãe lí gí yã́ beeↄ tàaeio.

Ɛfɛsɛdeↄ 4:2

À kↄ̃ fↄ̃ àↄ yekↄ̃i zĩabusaa ń nↄ̀sɛniɛo guu ń mɛnao.

Kↄlↄsideↄ 3:12

A yã́ mɛ́ tò, lá Lua á sɛ́ a gbɛ̃́ yenzideↄ ũ, yã́ pↄ́ dɛ à dan kɛ: Wɛ̃nadↄ̃anɛ, gbɛ̃kɛ, zĩabusaa, nↄ̀sɛniɛ ń mɛnao.

1Tim 6:11

Lá Lua gbɛ̃́n n ũ, bàalɛ yã́piↄnɛ, ní tó yãmaa líↄ dↄaanɛ ń yã́ pↄ́ zɛ́ vĩ Luaɛo ń aà náaikɛao ń yea gbɛ̃́ↄzio ń mɛnao ń nↄ̀sɛniɛo.

2Tim 2:25

i gbɛ̃́ pↄ́ lɛ́ a yã́ síoↄ gba laai busɛbusɛ. Wìliↄ dↄ̃o Lua a ń gba nↄ̀sɛlilɛa zɛ́, aai sĩana dↄ̃,

Titu 3:2

Aasu gbɛ̃e tↄbɛ̃ɛsio. Aaↄ dɛ nↄ̀sɛdoũde yãkelesaide pↄ́ busaa gbɛ̃́piiɛↄ ũ.

Zaaki 1:21

A yã́i tò à ↄkpa dↄ́ɛ'ĩi ń yãvãi pↄ́ lìguaↄzi píi, í yã́ pↄ́ wa tↄ̃̀ á sↄ̃u a fↄ̃ á suaba sí ń zĩabusaao.

Zaaki 3:13

Á guu, dé mɛ́ yãdↄ̃n ↄ̃nↄna ũi? Aà ↄlↄnɛ́ a kua maa ń a yãkɛaↄ guu ń zĩabusaa pↄ́ ì bↄ ↄ̃nↄ guuo.

1Piɛ 3:15

À Kilisi dↄ̃ Dii ũ á sↄ̃ guu. Àↄ ku sↄu guu gↄↄpii, kɛ́ à e yãwe gbɛ̃́ pↄ́ lɛ́ á la yã́ pↄ́ á wɛ́ dↄi miiwa.

1Piɛ 3:4

Aàↄ dɛ á nↄ̀sɛ guu yã́ pↄ́ lí láao ũ, nↄ̀sɛniɛ ń zĩabusaao. Bee mɛ́ gbia Luaɛ.