Matiee 10:28 - Bòó Bibeli Luayãtaala

²⁸ Ásuli vĩakɛ gbɛ̃́ pↄ́ aaì gbɛ̃dɛ, aali fↄ̃ aà nisĩna dɛ̀oↄnɛo. Àli vĩakɛ Luaɛ, asa a fↄ̃ gbɛ̃́ ń a nisĩnao kaalɛ tɛ́ guu píi.

Matiee 10:28 Iomraidhean Croise

2Kia 17:39

Aali a Dii ń Lua sísi ado. Ámɛ á ń bↄ ń wɛ̀lɛↄ ↄzĩ ḿpii.

Yobu 37:24

A yã́ mɛ́ tò gbɛ̃nazĩna ì vĩakɛɛ̀, asa ìli ↄ̃nↄnaↄ yãdao.

Soũ 119:120

Má n vĩa vĩ, ma mɛ ì seenata, n ikoyãↄ ì to vĩa ma kũ.

Làasoode 5:7

Tó ń è wàlɛ gbãamↄ taasideↄnɛ guei, wàlɛ gínɛ́ ń yã́zɛdeo, wàlɛ yã́gↄ̃gↄ̃nɛ́ a zɛ́wao, ńsu to yã́pi dimao, asa bùsupi gbãadeↄ lɛ́ wɛ́tɛkↄ̃iɛ, mɛ́ an gbɛ̃zↄ̃ↄↄ lɛ́ wɛ́tɛńzi lↄ.

Isaia 51:12

Ma Dii, mámɛ má á nↄ̀sɛninina ũ. Àkɛa álɛ vĩakɛ gbɛ̃nazĩmmikãdↄɛ pↄ́ a wɛ̃ni dɛ koaoɛi?

Isaia 51:7

À ma yãma yã́zɛdedↄ̃naↄ, á gbɛ̃́ pↄ́ á ma yãdanɛ kũa á sↄ̃uↄ! Ásu vĩakɛ sↄ̃́sↄ̃aɛo, ásu to gbɛ̃́ↄ á tↄbɛ̃ɛsia diwáo.

Isaia 66:2

Ma ↄ mɛ́ pↄ beeↄ kɛ̀ píi, ↄ̃ aa kuo lò? Ma Dii mámɛ má ò. Gbɛ̃́ pↄ́ má aà wɛgwan kɛ: Gbɛ̃́ pↄ́ azĩa bùsa mɛ́ a nↄ̀sɛ doũ, mɛ́ a ma yã́ↄ vĩa vĩ.

Zelemii 5:22

I kũ à vĩakɛmɛɛo lé? I kũ à lualua ma aɛo lé? Ma Dii mámɛ málɛ á la. Ma bùsu'ũfãa kàlɛ ísia zↄ̃lɛ ũ, kↄↄ pↄ́ ma dàɛ̀n we, a í a fↄ̃ à a baa vĩ bauo. Baa kɛ́ a í ì zãampapa, ìli fↄ̃ à a baa vĩ̀o. Baa kɛ́ a ikooaↄ ì kↄ̃fĩkɛ, ìli fↄ̃ à a baa vĩ̀o.

Matiee 10:26

Ásu vĩakɛnɛ́o. Yã́ pↄ́ ulɛa píi a bↄ gupuau, mɛ́ asiiyãe ku kɛ́ wa gí dↄ̃io.

Matiee 25:46

Gbɛ̃́ beeↄ ta ĩadama láasai guuɛ, gbɛ̃maaↄ sↄ̃ àizãna guu.

Matiee 5:22

Mapi sↄ̃ málɛ oɛ́, gbɛ̃́ pↄ́ a pↄ pà a gbɛ̃́deezi, à kà wà yã́kpalɛkɛaànↄ. Gbɛ̃́ pↄ́ a gbɛ̃́dee sↄ̃̀sↄ̃ kà wà gɛaànↄ gbãadeↄ kĩ́i. Gbɛ̃́ pↄ́ ò a gbɛ̃́deeɛ mìsaide sↄ̃ à kà aà gɛ́ tɛ́u.

Zãa 5:29

aai bↄlɛ píi. Maakɛnaↄ i vu gɛ̃ wɛ̃ni guu, vãikɛnaↄ sↄ̃ yãzↄ̃lɛama guu.

Zĩn 21:13

Ɔ̃ à mɛ̀: Bↄ́yãi álɛ ↄ́ↄlↄ álɛ ma nↄ̀sɛ ↄ̃̀ↄkpamɛɛi? Asu àↄ yea ũ seo. Baa tó ma ga Yelusalɛũ Dii Yesu tↄ́ yã́i, ma sↄu mà.

Ɛbɛluↄ 10:31

Lɛ́lɛ daa Lua bɛ̃́ɛ ↄuá yãpãsĩɛ.

Ɛbɛluↄ 11:35

aa nↄɛↄ nɛ́ gɛↄ vù aa kpàmá. Wà ĩakpà ń gbɛ̃eↄzi, ↄ̃ aa gì bↄkĩi wɛɛlɛi, kɛ́ aa vu, aai bↄ maa yã́i.

Zaaki 4:12

Lua mɛ́ ikoyãdilɛna ń yã́kpalɛkɛnao ũ. Ɔ̃mɛ gbɛ̃́ suabaa ń aà tↄ̀lↄzↄ̃ao gbãa vĩ. Mpi sↄ̃, dén n ũ, kɛ́ ni n gbɛ̃́dee bɛ̃̀ɛboi?

1Piɛ 3:14

Baa tó a su taasikɛ̀ maakɛa yã́i, báaadeↄn á ũ. Ásuli vĩakɛ an wɛ́tɛ̃aɛo, ásu sↄ̃̀deedeekɛo.

Zia yã́ 2:10

Ńsu vĩakɛ taasi pↄ́ ńyↄ̃ kɛɛo. Ma, Ibiisi a á gbɛ̃eↄ ká kpɛ́u à á yↄ̃, i wɛ́tɛ̃amↄɛ́ gↄↄ kwi. Ǹyↄ̃ náai vĩ e n gɛ ǹ gaò, mí àizãna kɛnɛ yàae ũ.