Luku 8:15 - Bòó Bibeli Luayãtaala

¹⁵ Tↄↄlɛ maa pↄ́ↄ dɛ gbɛ̃́ pↄ́ aa Lua yãmà ń nↄ̀sɛpuao ↄ̃ aa kũa ń nↄ̀sɛmaaoↄ ũ. Aaì mɛnafↄ̃ e aa gɛ kã́fĩakɛò.

Luku 8:15 Iomraidhean Croise

Soũ 119:11

Ma n yã́ dà ma sↄ̃ guu, kɛ́ másu duunakɛnɛo yã́i.

Soũ 51:10

To mà pↄnakɛ ń yaalↄo, to ma wá pↄ́ ń bùsa wee.

Yáasiↄ 3:1

Ma nɛ́, ńsu to ma yãdanɛ sã́nguo, ǹyↄ̃ yã́ pↄ́ má dìlɛnɛↄ kũa n sↄ̃u.

Zelemii 15:16

Kɛ́ n yã́ sòso ń kàmɛɛ ma lɛ́u, má mↄ̀mↄ, ↄ̃mɛ ma pↄna ń ma yáalↄao ũ, asa n tↄ́ mɛ́ kua Dii Lua Zĩgↄ̃de.

Zelemii 31:33

Lá ma bàa aↄ kú ń Isailiↄ gↄↄ bee gbɛan kɛ. Má a ikoyã danɛ́ ń nↄ̀sɛ guu, má kɛ̃́ ń sↄ̃wa. Máↄ dɛ ń Lua ũ, aaiↄ dɛ ma gbɛ̃́ↄ ũ.

Zelemii 32:29

Babiloni pↄ́ lɛ́ zĩkaòpiↄ tɛsↄ̃wà ń a kpɛ́ↄ, kɛ́ wà tulaletikàtɛa Baaliɛ, wà itↄ̃̀lɛ dii pãleↄwa kpɛ́piↄ musu, wà ma pↄ fɛ̃̀mɛɛ yã́i.

Matiee 24:13

Gbɛ̃́ pↄ́ zɛa gbãa e a gↄↄ lɛ́wa, ade mɛ́ a bↄ.

Luku 11:28

Ɔ̃ Yesu mɛ̀: Báaadeↄn gbɛ̃́ pↄ́ aa Lua yãmà aa kũaↄ ũ dɛ beea.

Luku 6:45

Gbɛ̃maa ì maa bↄ a sↄ̃̀ làasoo maaↄ guuɛ. Gbɛ̃vãi sↄ̃ ì vãi bↄ a sↄ̃̀ làasoo vãiↄ guuɛ. Asa yã́ pↄ́ kↄ̃̀ sↄ̃ guu ↄ̃ lɛ́ ì o.

Luku 8:14

Lɛ guu pↄ́ↄ dɛ gbɛ̃́ pↄ́ aa Lua yãmàↄ ũ, ↄ̃ yãkãakɛa ń àizɛɛ yã́o ń dṹnia pↄnakɛao ì kũaamá, aali fↄ̃ nɛ'ì à mào.

Luku 8:16

Wìli filia na wà ta kúlɛwào ge wà dilɛ lii zíɛo. Wì di bábanawaɛ, kɛ́ gbɛ̃́ pↄ́ lɛ́ gɛ̃ↄ gupua e yã́i.

Zãa 14:15

Tó á yemazi, áↄ yã́ pↄ́ má dìlɛↄ kũa.

Zãa 15:10

Tó á yã́ pↄ́ má dìlɛↄ kũa, á zɛa ń ma yeaázion we, lá má yã́ pↄ́ ma Mae dìlɛↄ kũa mɛ́ má zɛa ń aà yeamaziowa.

Lomadeↄ 2:7

Gbɛ̃́ pↄ́ aalɛ gawi ń bɛɛɛo ń wɛ̃ni láasaio wɛɛlɛ aalɛ maakɛ ń mɛnaoↄ àizãna e.

Lomadeↄ 6:22

Tiasa lá a bↄ duuna yã́u, álɛ zↄble Luaɛ, ài pↄ́ á e mɛ́ kua adoa pↄ́ a midɛ ń wɛ̃ni láasaio ũ.

Lomadeↄ 7:18

Má dↄ̃ yãmaa ku ma guuo, ma dàa maao. Miↄ ye mà yãmaakɛ, ãma mili fↄ̃ má kɛ̀o.

Lomadeↄ 7:4

Màa ápiↄ sↄ̃ ma gbɛ̃́ↄ, a ga ikoyã musu Kilisi mɛ guu, ↄ̃ a gↄ̃ gbɛ̃́ pↄ́ bↄ̀ gaupi pↄ́ ũ, kɛ́ wà e kã́fĩakɛ Luaɛ.

Lomadeↄ 8:25

Tó wá wɛ́ dↄ pↄ́ pↄ́ wi eozi sↄ̃, wiↄ dã́ ń mɛnaoɛ.

1Kln 7:19

Tↄ̃zↄ̃a yãe vĩo mɛ́ gyafↄↄ yãe vĩo, sema yã́ pↄ́ Lua dìlɛↄ kũa.

Ɛfɛsɛdeↄ 2:8

Lua á suabà a gbɛ̃kɛ guu Yesu náai pↄ́ á kɛ̀ yã́iɛ. Bee i bↄ á kĩ́i no, Lua mɛ́ á gbá.

Ikoyã 30:6

Dii á Lua a á sↄ̃̀ gbãsĩ woloɛ́ ń á buiↄ, á nisĩna iↄ yeaàzi ń nↄ̀sɛmɛndoo, íↄ ku aafia.

Filipideↄ 1:11

Beewa maakɛa pↄ́ Yesu Kilisi ì mↄònɛ́ a liála, wi Lua tↄbↄ, wi aà sáaukpa.

Kↄlↄsideↄ 1:10

kɛ́ àↄ ku lá Dii yeiwa, á yã́ píi i kaaàgu. Beewa á yãmaa píi kɛa àↄ ↄta, á Lua dↄ̃a iↄ kã́fĩ,

Kↄlↄsideↄ 1:6

Baonapi lɛ́ nɛ'i, àlɛ ↄta dṹnia guu píi, lá a kɛ̀ á guu za gↄↄ pↄ́ á mà mɛ́ á Lua gbɛ̃kɛ sã́asã dↄ̃wa.

Ɛbɛluↄ 10:36

Sema àↄ mɛna vĩ, í pↄ́ pↄ́ Lua a lɛgbɛ̃̀ e aà pↄeã kɛa gbɛa.

Ɛbɛluↄ 2:1

A yã́ mɛ́ tò wà yã́ pↄ́ wá mà kũ ↄplapla, kɛ́ wásu zã zɛ́wao yã́i.

Zaaki 1:4

Ásuli fu mɛnawao, íↄ dɛ gbɛ̃́ kàsaaↄ ũ wásawasa yãe kɛ̃́sãawá sai.

1Zãa 2:3

Tó wá yã́ pↄ́ a dìlɛↄ kũa, beewa wá dↄ̃ sĩana kɛ́ wá aà dↄ̃.