33 Luabɛ ń tↄↄlɛo a gɛ̃lɛ, ãma ma yã́ↄ gɛ̃lɛa vĩo.
N tↄↄlɛ kàlɛ za asĩnizĩ, musuá n ↄzĩkɛaɛ.
Má dↄ̃̀ n yã'onɛↄwa à gɛ̃̀gɛ̃, kɛ́ ń dìlɛ àↄ ku gↄↄpii yã́i.
Sɛ̃ ì gaga, a vú ì kwɛ́, wá Lua sↄ̃, aà yã́ ìↄ ku gↄↄpiiɛ.
À wɛ́sɛ luabɛ gwa, í zĩ́lɛ gwa lↄ, asa luabɛ a gɛ̃zɛa lán súɛlɛwa, dṹnia a kɛ yáiyai lán pↄkasawa. A gbɛ̃́ↄ gaga lán kↄ̀ↄtɛ̃ↄwa, ãma gbɛ̃́ pↄ́ ma ń suabàↄ aaↄ ku gↄↄpiiɛ, ma toa yã́ bↄańnↄ na gbooa vĩ bauo.
Luabɛ ń dṹniao a gɛ̃lɛ, kási ma yã́ↄ gɛ̃lɛa vĩo.
Sĩana málɛ oɛ́, luabɛ ń dṹniao a gɛ̃, ãma Luayãtaala wɛ̃̀sã nɛ́na ge a pↄ kelenae a bãdɛo, yã́pii a kɛ.
Luabɛ ń tↄↄlɛo a gɛ̃lɛ, ãma ma yã́ↄ gɛ̃lɛa vĩo.
Luabɛ ń tↄↄlɛo sãalɛa àa dɛ Lua ikoyãpi wɛ̃̀sã nɛ́na bãdɛala.
Sĩana málɛ oɛ́, gↄↄbeedeↄ gɛ̃lɛ yã́piↄ píi kɛsaio.
ãma Dii yã́ ìↄ ku gↄↄpiiɛ. Yã́pi mɛ́ dɛ baona pↄ́ wa kpàɛ́ ũ.
Ɔ̃ ma kpalabaa pua zↄ̃ↄ è ń gbɛ̃́ pↄ́ zↄ̃lɛuo. Tↄↄlɛ ń musuo gusikɛ̀ aà aɛ, wi ń gbɛ e lↄo.