Luku 11:2 - Bòó Bibeli Luayãtaala

² Ɔ̃ a ònɛ́: Tó álɛ wabikɛ, àli mɛ: Baa, to wà dↄ̃ kɛ́ n kua adoa. To kpala pↄ́ bↄ̀ n kĩ́i bↄ gupuau.

Luku 11:2 Iomraidhean Croise

1Kia 8:43

kua za musu níli síaànↄ, ní yã́ pↄ́ a gbɛ̀ama kɛɛ̀, kɛ́ dṹnia bui píi e n tↄ́ dↄ̃, aai vĩakɛnɛ, lá n gbɛ̃́ Isailiↄ ì kɛnɛwa, aaiↄ dↄ̃ kɛ́ n tↄ́ kú kpɛ́ pↄ́ má dↄ̀ɛ beewa.

2Kia 19:19

Dii wá Lua, wá bↄ aà ↄzĩ, bùsu pↄ́ kú dṹnia guu píi iↄ dↄ̃ kɛ́ n Dii, ḿmɛ ń Lua ũ ndo.

2Lad 20:6

à mɛ̀: Dii wá deziↄ Lua, Lua Musuden n ũo lò? Niↄ kible bui píi bùsuwa. Gbãa ń ikoo ku n ↄzĩɛ, gbɛ̃e lí fↄ̃ kpànɛo.

Soũ 103:20

À Dii sáaukpa aà malaikaↄ, ikode pↄ́ i aà yã'onɛ ma à zĩkɛwàↄ.

Soũ 108:5

Asa n gbɛ̃kɛ zↄ̃ↄ zↄ̃̀maɛ, mɛ́ n náai zↄ̃̀ luabɛpuanawa.

Soũ 11:4

Dii ku a kpɛ́u, a zↄ̃lɛa báawa musu we. Ì wɛpã gbɛ̃nazĩnaↄla, ì wɛ́kpalɛńzi.

Soũ 57:11

Asa n gbɛ̃kɛ zↄ̃ↄ zↄ̃̀ma, mɛ́ n náai zↄ̃̀ luabɛpuanawa.

Làasoode 5:2

Lá bↄↄlɛ dasi ì mↄ́ ń nana'oao, màa yã́ dasi bↄlɛa ì mↄ́ ń sↄũyã'oo.

Isaia 63:16

Baa tó Ablahaũ wá dↄ̃o, ḿmɛ ń wá Mae ũ. Baa kɛ́ wá yã́ i dↄ Isailiguo, Dii, ḿmɛ ń wá Mae ũ, n tↄ́n wá Bona za zi.

Ezekiɛli 36:23

Má a tↄ́ gbia pↄ́ á tò a ↄ̃̀ↄkpà buiↄ guu kuaadoakɛ ↄlↄnɛ́. Ma Dii Lua ma mɛ̀, tó ma tↄbↄ̀ á musu an waa, aaiↄ dↄ̃ kɛ́ mámɛmaa Dii.

Daniɛli 2:28

Ãma Lua ku musu, ↄ̃mɛ ì asiiyã onɛ́. Kí Nɛbukanɛza, Lua yã́ pↄ́ a mↄ zia ↄ̀lↄnɛɛ. Nana pↄ́ ń ò n liiwa ń wɛ́pungu pↄ́ ń èon kɛ:

Daniɛli 2:44

Kíapiↄ gↄↄ Lua Musude a kpala láasai kpá. A midɛo mɛ́ a gↄ̃ buipãleↄ pↄ́ ũ bauo. A kpala káaupiↄ kɛ dɛ̃́ↄdɛ̃ↄɛ, i ń bãdɛ, aàpi iↄ ku gↄↄpii.

Daniɛli 7:18

Ãma Musude gbɛ̃́ↄ mɛ́ aa kpala si aa ble, aaiↄ vĩ gↄↄpii, aↄ láaa vĩo.

Daniɛli 7:27

Wa dṹnia kpalaↄ píi kíakɛ ń ikoo ń zↄ̃ↄkɛo kpa Musude gbɛ̃́ↄwa. Aà kpalapiá kpala láasaiɛ, mɛ́ kpalablenaↄ kúlɛɛ̀ aa misiilɛɛ̀ ḿpii.

Ozee 14:2

Á Isailiↄ, à su Dii á Luawa, á yãvãiↄ mɛ́ tò a kpagua.

Levii buiↄ 10:3

Ɔ̃ Mↄizi ò Aalonaɛ: Yã́ pↄ́ Dii òn we à mɛ̀, á tó gbɛ̃́ pↄ́ sↄ̃̀aziↄ dↄ̃ kɛ́ a kua adoa, i tↄbↄ gbɛ̃́pii wáa. Ɔ̃ Aalona nílɛ.

Levii buiↄ 22:23

Á zɛ́ vĩ à ma gba zu ge sã kↄ̃̀ↄ ge a giana. Tó álɛ lɛ́gbã dↄoaɛ sↄ̃, má sío.

Abaku 2:14

Asa Dii gawi dↄ̃a a li dṹniaaɛ, lá í ì dagua ísiaiwa.

Matiee 10:32

Gbɛ̃́ pↄ́ zɛ̀manↄ gbɛ̃́ↄ aɛ, má zɛaànↄ ma Mae pↄ́ kú musu aɛ.

Matiee 3:2

à mɛ̀: À nↄ̀sɛlilɛ, kpala pↄ́ bↄ̀ Lua kĩ́i kà kãi.

Matiee 5:16

À gupu gbɛ̃́ↄnɛ beewa, aai á maakɛaↄ e, aai á Mae pↄ́ kú musu sáaukpa.

Luku 11:1

Zĩewa Yesu lɛ́ wabikɛ guei. Kɛ́ a làa, aà ìwae òɛ̀: Dii, wabikɛa dawɛ̃ɛ lá Zãa dà a ìwaↄnɛwa.

Lomadeↄ 1:7

Mámɛ ma láɛ bee kɛ̃̀ á Lomade pↄ́ Lua yeázi à á sisi, a gↄ̃ a gbɛ̃́ↄ ũ píiɛ. Lua wá Mae ń Dii Yesu Kilisio gbɛ̃kɛkɛɛ́, aai á gba aafia.

Lomadeↄ 8:15

Asa tã́a pↄ́ ì to wà zↄble ń vĩao mɛ́ diɛ́o, Lua Nisĩna pↄ́ tò a gↄ̃ Lua nɛ́ↄ ũ ↄ̃ á vĩ, ↄ̃ wi wiilɛ Luawa ń aà gbãao wi mɛ: Baa, wá Mae.

1Kln 1:3

Lua wá Mae ń Dii Yesu Kilisio gbɛ̃kɛkɛɛ́, aai á gba aafia.

2Kln 1:2

Lua wá Mae ń Dii Yesu Kilisio gbɛ̃kɛkɛɛ́, i á gba aafia.

Galatiↄ 1:4

Kilisipi gì a wɛ̃nii Lua wá Mae pↄeãwa, à wá duuna kɛ̃̀wá, kɛ́ à e wá bↄ dṹnia tia vãiɛ beeu.

Ɛfɛsɛdeↄ 1:2

Lua wá Mae ń Dii Yesu Kilisio gbɛ̃kɛkɛɛ́, aai á gba aafia.

Filipideↄ 1:2

Lua wá Mae ń Dii Yesu Kilisio gbɛ̃kɛkɛɛ́, aai á gba aafia.

Filipideↄ 4:20

Wàↄ wá Lua wá Mae tↄbↄ gↄↄpii! Ãmi.

Kↄlↄsideↄ 1:2

wá gbɛ̃́ náaide pↄ́ an kua adoa naa Kilisiwa Kↄlↄsiↄnɛ. Lua wá Mae gbɛ̃kɛkɛɛ́, i á gba aafia.

1Tɛs 1:1

Má Pↄlu ń Silivɛ̃ɛo ń Timↄteeo wámɛ wa láɛ bee kɛ̃̀ Tɛsaloni Yesude pↄ́ aa na Mae Lua ń Dii Yesu Kilisiowaↄnɛ. Lua gbɛ̃kɛkɛɛ́, i á gba aafia.

1Tɛs 1:3

Kɛ́ i zĩkɛ á luanaaikɛawa, mɛ́ á yea gbɛ̃́iá yã'oa ń lɛ́o yã́ no, mɛ́ á wɛdↄ wá Dii Yesu Kilisizi seasai yã́i, a yã́ ìↄ dↄwágu Lua wá Mae kùɛ.

2Tɛs 2:16

Lua wá Mae yewázi, aà gbɛ̃kɛ guu a tò wá nↄ̀sɛ àↄ daa doũ e gↄↄpii, à wá ká zia maawa. Aàpi ń wá Dii Yesu Kilisio

Zia yã́ 11:15

Malaika soplade a kã̀ae pɛ̀. Lↄↄ gbãaↄ bↄ̀ luabɛ wà mɛ̀: Dṹnia kpala gↄ̃̀ wá Dii ń kía pↄ́ a kpào pↄ́ ũ, aↄ kible gↄↄpii.

Zia yã́ 15:4

Dii, dé mɛ́ n vĩa vĩo ni? Dé mɛ́ a gí n tↄbↄii? Asa ndo n kua mɛ́ adoa. Bui píi a mↄ kúlɛnɛ, asa n maakɛaↄ bↄ̀ gupuau.

Zia yã́ 19:6

Ɔ̃ ma lↄↄ mà lán dasi yã'owa, lán í zↄ̃ↄ sukaawa, lán louvĩa gbãawa à mɛ̀: Àleluya! Dii wá Lua Gbãapiide nà kibleawa.

Zia yã́ 20:4

Ɔ̃ ma kpalabaaↄ è ń gbɛ̃́ pↄ́ zↄ̃lɛzↄ̃lɛwaↄ. Wà ń gbá zɛ́ aa yã́kpalɛkɛ ń gbɛ̃́ↄ. Ma gbɛ̃́ pↄ́ wà ń mi zↄ̃̀ luayã'oa ń Yesu seeladekɛo yã́iↄ è. Aai kúlɛ wài ge aà taaɛo. Aai aà seela kɛ ń mi'aɛ ge ń ↄwao. Aa vù wà kpalablè ń Kilisio wɛ̃̀ ↄ̀aa sↄo.