Isaia 7:2 - Bòó Bibeli Luayãtaala

² Ɔ̃ wà gɛ̀ wa ò Davidi bui Aazapiɛ wà mɛ̀: Siliↄ lɛdoũkɛ̀ ń Ɛflaiũ buiↄ. Ɔ̃ sↄ̃ kɛ̃̀aàgu ń a gbɛ̃́ↄ, aa lùalua lá ĩ́ana ì likpɛ lá deedeewa.

Isaia 7:2 Iomraidhean Croise

2Sam 7:16

Aà buiↄ aaↄ kpalable gↄↄpii. Aà kpalapi aↄ láaa vĩo.

1Kia 11:32

Mí bui lɛɛ do toɛ̀ ma zↄ̀blena Davidi ń Yelusalɛũo yã́i, asa wɛ̃́lɛpi má sɛ̀ Isaili buiↄ wɛ̃́lɛↄ guu.

1Kia 12:16

Kɛ́ Isailiↄ è kí gì ń yãmai, aa òɛ̀: Wá bàa kú ń Davidioo, wá lɛ́ kú Yɛse nɛ́ yã́uo. Isailiↄ, á baade tá a bɛ! Davidi bui, laaidↄ nzĩa bɛwa! Ɔ̃ Isailipiↄ tà ń bɛ.

1Kia 13:2

Ɔ̃ à àsi'ò sa'okĩipi musu à mɛ̀: Sa'okĩi, sa'okĩi, Dii mɛ̀ wa nɛ'i Davidi bɛ, wi tↄ́kpaɛ̀ Yosia. Aàpi mɛ́ a sa'oma ń gulɛsĩ sa'ona pↄ́ lɛ́ zĩkɛ laↄ, i sa'onapiↄ wáↄ kpasama.

2Lad 25:10

Ɔ̃ Amazia Ɛflaiũ zĩgↄ̃ pↄ́ mↄ̀ a kĩ́ipiↄ gbàɛ ń bɛ. An pↄ pà Yudaↄzi maamaa, ↄ̃ aa tà ń bɛ ń pↄfɛ̃ zↄ̃ↄo.

2Lad 28:12

Ɔ̃ Ɛflaiũ bui dↄaanaɛ beeↄ fɛ̀lɛ gì gbɛ̃́ pↄ́ lɛ́ su ń zĩlaoↄnɛ: Yohanani nɛ́ Azalia, Mɛsilemↄ nɛ́ Bɛlɛkia, Saluũ nɛ́ Yezekia ń Hadelai nɛ́ Amasao.

Soũ 11:1

Ma na Diizi. Bↄ́yãi álɛ omɛɛ mà vua mà ta gbɛ musu lán bãwai?

Yáasiↄ 28:1

Vãikɛna ì bàalɛɛ, baa tó wàlɛ aà yao, gbɛ̃maa ìↄ wↄ́ↄ vĩ lán nↄ̀ↄmusuwa.

Isaia 11:13

Ɛflaiũ buiↄ zaańgu a midɛ, aaↄ za Yudaↄgu lↄo. Yudaↄ íbɛlɛ a láa, aa íbɛlɛsɛ ń Ɛflaiũ buiↄ lↄo.

Isaia 22:22

Má Davidi bɛ kili daɛ̀ a gã̀u, a zɛwɛ̃, gbɛ̃e a fↄ̃ tao, a zɛta, gbɛ̃e a fↄ̃ wɛ̃o.

Isaia 37:27

Wɛ̃́lɛpideↄ gbãa kɛ̃̀sã, aa gↄ̃̀ suuu, wí ń kṹ. Aa dɛ lán sɛ̃saowa, lán sɛ̃la bↄlↄwa, lán sɛ̃ pↄ́ bↄ̀lɛ kpɛ́wa à gàga gↄ̃̀ↄwa.

Isaia 37:35

Má gí ń wɛ̃́lɛpio, má a suaba mazĩa yã́i ń ma zↄ̀blena Davidi yã́io.

Isaia 6:13

Baa tó an gbɛ̃́ↄ kwide gↄ̃̀ we, wa ɛa ń tↄ̀lↄzↄ̃ lↄɛ. Lá wì kpakpaa ge kpàkɛfↄ̃ↄↄli zↄ̃ a miↄna i vlãpa, màa bui pↄ́ a kua adoa a gↄ̃ a miↄna ũ.

Isaia 7:13

Ɔ̃ Isaia mɛ̀: À yãma Davidi buiↄ! Gbɛ̃nazĩnaↄ kpasaaánↄ i mↄ́wáo, ↄ̃ á ye ma Lua kpasaánↄ lↄa?

Isaia 7:17

Dii a yãmↄnɛ ń n gbɛ̃́ↄ ń n de bɛdeↄ, ↄ̃mɛ Asiliↄ kía ũ. Za gↄↄ pↄ́ Ɛflaiũ buiↄ ń Yudaↄ kɛ̃̀kↄ̃wa, gↄↄ bee taa i kɛo.

Isaia 7:5

Siliↄ ń Ɛflaiũ buiↄ ń Lemalia nɛ́o vãi kpàaĩaàzi aa mɛ̀,

Isaia 8:12

Yã́ pↄ́ aalɛ gwa lɛkpaaĩnzi yã́ ũ, ńsu dilɛ màao. Yã́ pↄ́ aalɛ vĩakɛɛ̀, ńsu kɛɛ̀o. Ńsu to iwãa ka n pↄao.

Isaia 9:9

Kpɛ́ pↄ́ wa dↄ̀ ń bilikiↄ kwɛ̀, wá bo ń gbɛoɛ sa. Wà wá kaadↄɛnliↄ zↄ̃̀zↄ̃, sɛdɛ líↄ wá pɛ́ ń gɛ̃ɛ ũ sa.

Zelemii 21:12

Davidi bɛdeↄ, ma Dii ma mɛ̀, àliↄ yãkɛ a zɛ́wa lá gu lɛ́ dↄ, í gbɛ̃́ pↄ́ wàlɛ gbãamↄnɛ́ↄ bↄ ń wɛtãnaↄ ↄzĩ. Tó i kɛ màa sↄ̃o, má pↄfɛ̃bↄbↄwá lán tɛ́wa á vãikɛaↄ yã́iɛ, iↄ kṹwá, gbɛ̃e a fↄ̃ dɛo.

Ozee 12:1

Ɛflaiũ buiↄ yãlìamazi, Isailiↄ mↄafilikɛ̀kɛmɛɛ, Yudaↄ lɛ́ pãmɛɛ zɛ́a lↄ baa ma Náaide pↄ́ ma kua adoa.

Matiee 2:3

Kɛ́ kí Elodi yã́pi mà, à bílikɛ̀ ń Yelusalɛũdeↄ píi.