Isaia 5:5 - Bòó Bibeli Luayãtaala

⁵ Tiasa má oɛ́ lá má kɛ ma vɛ̃ɛbuɛ: Má a kaa gbooɛ, wi a ↄ̃̀ↄkpa, má a bĩ́iↄ daaĩɛ, wi ↄ̃zↄ̃wà.

Isaia 5:5 Iomraidhean Croise

Daalɛa 11:4

Ɔ̃ aa mɛ̀: Wà mɛɛwia kálɛ wà kpɛdidiakↄ̃a bo, a misona zↄ̃ luabɛwa. Wà wázĩa tↄbↄ, kɛ́ wásu gↄ̃ gbándodo dṹnia guuo yã́i.

Daalɛa 11:7

Wà pila gɛ́ we wà ń yã́ yãalɛnɛ́, kɛ́ aasu kↄ̃ yãma lↄo.

Nɛɛmii 2:3

ↄ̃ má òɛ̀: Lua n dↄ̃ ń aafiao, Záai! Ma oosìsi, asa wɛ̃́lɛ pↄ́ ma deziↄ mia kuu gↄ̃̀ bɛzia ũɛ. A bĩ́ibↄlɛ gbaↄ tɛ́kũa.

Soũ 89:40

N n bàa kua ń n zↄ̀blenao yã́ gbòo, n sakà aà kíafuau, ń zù zĩ́lɛ.

Soũ 89:41

N aà wɛ̃́lɛ bĩ́iↄ gbòo, n aà zɛgikĩiↄ kwɛ̀ ń dàaĩ.

Yáasiↄ 24:31

ↄ̃ má è lɛ bↄ̀lɛ dàgua píi, à sɛ̃kù, gĩ pↄ́ a bò ń gbɛo kwɛ̀.

Làasoode 3:3

Dɛgↄↄ ku, gbã́gbãgↄↄ ku, gboogↄↄ ku, a dↄgↄↄ ku.

Isaia 10:6

Málɛ ń kpakↄ̃a ń bui luayãdansaiↄ, málɛ ń zĩ gbɛ̃́ pↄ́ aa ma pↄ fɛ̃̀ↄwaɛ, kɛ́ aa ń pↄ́ↄ naaa, aa ń àizɛɛ sɛ́lɛ, aai ↄ̃zↄ̃má zɛ́kpaaↄu lán pɛ̀lɛawa.

Isaia 25:10

Dii ↄ aↄ ku gbɛ̀sĩsĩɛ beea, ãma a ↄ̃zↄ̃ Mↄabuↄwa, lá wì ↄ̃zↄ̃ sɛ̃wa zùgbↄ̃uwa.

Isaia 28:18

Á kↄ̃ yãmaa ń gao a midɛ, á lɛdoũkɛa ń bɛdao a gboo. Tó músi lìgua, àlɛ pãála, a ↄ̃zↄ̃wáɛ.

Isaia 28:3

Wa ↄ̃zↄ̃ wɛ̃́lɛ pↄ́ Ɛflaiũ bui idɛkɛnapiↄ ì ĩ́anadãòwa.

Isaia 32:10

Á nↄɛ pↄ́ á kú niɛniɛↄ á gↄ̃ ń bílio zii maa'i, asa vɛ̃ɛkↄzↄ̃zↄ̃a aↄ kuo, ésekɛkɛa a kɛo.

Zelemii 18:11

A yã́i tò, o Yelusalɛũdeↄnɛ ń Yudaↄ píi, ma Dii ma mɛ̀: À ma, málɛ vãi o á musu, ma sↄu mà mà yã́yiawá.

Zelemii 21:4

Dii Isailiↄ Lua mɛ̀: N zĩgↄ̃ pↄ́ aa gↄ̃kɛbↄↄ kũa, aalɛ zĩkaò bĩ́i kpɛ ń Babɛli kíao ń Babiloni bùsude pↄ́ koezↄ̃̀áziↄ, má tó n zĩgↄ̃piↄ kpɛkpaɛ, wi ń gↄ̃kɛbↄpiↄ sɛ́lɛ sioázi wɛ̃́lɛu la.

Zelemii 28:8

Ãnabi pↄ́ kú wá ãa za káaukaauↄ ãnabikɛkɛ̀ zĩ ń músio ń gagyão yã́ pↄ́ a bùsu daside ń ń kía zↄ̃ↄↄ le yã́ musu.

Zelemii 45:4

Dii mɛ̀ mà onɛ á pↄ́ pↄ́ á bò wíwi, í pↄ́ pↄ́ á tↄ̃̀ wolɛ, baa bùsu bṹu guu.

Wɛ̃n 1:15

Dii sakà nɛgↄ̃na pↄ́ kú ma guuↄgu. À gbɛ̃́ↄ kã̀aamazi, aa ma ɛ̀waasoↄ kɛ̀ kɛ́lɛkɛlɛ. Ma Yudaↄ mɛɛwia lɛ́so, Dii ↄ̃zↄ̃̀a a vɛ̃ɛfɛ̃kĩiu.

Wɛ̃n 2:6

À a kpɛ́ gbòo à gↄ̃̀ lán kaawa, à a gbɛ̃́ↄ kãaakĩipi wìwi. Dii tò dikpɛ ń kã́mabogↄↄo yã́ dↄ Siↄnadeↄgu lↄo. Aà zafɛ̃a zↄ̃ↄ guu i kía ń sa'onaↄ gwa pↄe ũo.

Wɛ̃n 4:12

Dṹnia kíaↄ ń gbɛ̃́ pↄ́ kú a guuↄ píi, aalɛ e yãa Yelusalɛũ ibɛɛↄ fↄ̃ gɛ̃ a bↄlɛuo.

Daniɛli 8:13

Ɔ̃ má mà malaika lɛ́ yã'o, ↄ̃ malaika pãle aà là à mɛ̀: Wɛ́pungu'ea yã́pi aↄ gɛ́ e bↄɛ ni? Sa pↄ́ wìↄ o lá gu lɛ́ dↄ yã́pi ń tàae pↄ́ a yã́ a dimáo ń Lua kpɛ́ kpaamáo ń ↄ̃́zↄ̃a zĩgↄ̃piↄwao.

Ozee 2:12

mí aà wisaikɛ kaɛ̀ a ↄzĩ aà gↄ̃pↄsɛↄ wáa. Gbɛ̃e a e à aà bↄ ma ↄzĩo.

Ozee 2:14

Má aà vɛ̃ɛliↄ ń aà kaadↄɛnliↄ dɛɛlɛɛ, lí pↄ́ à mɛ̀ a gↄ̃pↄsɛↄ mɛ́ fĩabòòɛpiↄ, mí tó gupi gↄ̃ tàaa ũ, sɛ̃̀anↄbↄↄ i ble.

Luku 21:24

Wa ń gbɛ̃eↄ dɛdɛ ń fɛ̃ndao, wa ń gbɛ̃eↄ kũ taò bùsu píi guu zĩ̀zↄↄ ũ, buipãleↄ i ↄ̃zↄ̃ Yelusalɛũwa e an gↄↄ pa.

Zia yã́ 11:2

Ǹ a ua tó, ńsu yↄ̃o, asa wa kpà luayãdansaiↄwaɛ. Aa ↄ̃zↄ̃ Lua wɛ̃́lɛwa e mↄ bla ń plao.