Isaia 48:1 - Bòó Bibeli Luayãtaala

¹ Yakↄbu buiↄ, à yã́ɛ bee ma. Isaili tↄ́ kúwá, a bↄ Yuda au guu. I lɛgbɛ̃ ń Dii tↄ́o, i Isailiↄ Lua sísi, ↄ̃ ili kɛ a zɛ́wa ń náaioo.

Isaia 48:1 Iomraidhean Croise

Daalɛa 32:28

Gↄ̃ɛpi aà là à mɛ̀: N tↄ́n kpelewai? A wèwà à mɛ̀ a tↄ́n Yakↄbu.

Daalɛa 35:10

à mɛ̀: N tↄ́n Yakↄbu, ãma wàli onɛ Yakↄbu lↄo, wàli onɛ sa Isailiɛ. Màa à tↄkpàɛ̀ Isaili.

2Kia 17:34

Màa aa ń fɛlɛkaayã kũa e ń a gbão. Aalɛ Dii sisio, asa aali aà ↄtondↄkĩi gwao, aaliↄ aà yãdanɛ kũao ge aà ikoyã ge yã́ pↄ́ a dìlɛ Yakↄbu pↄ́ à ɛ̀a tↄkpàɛ̀ Isaili buiↄnɛↄ.

2Kia 5:20

ↄ̃ Lua gbɛ̃́ Ɛlizipi zĩkɛna Geazi làasookɛ̀ à mɛ̀: Ma dii tò Sili gbɛ̃́ Naamapi lɛ́ tá pã, i pↄ́ pↄ́ à mↄ̀oɛ sio. Ń Dii kuao má pɛ́lɛaàzi mà pↄe siwàɛ.

Soũ 63:11

Lua a to wà ń dɛdɛ ń fɛ̃ndaoɛ, aai gↄ̃ gbɛ̃gbonaↄ blɛ ũ.

Soũ 66:3

À o Luaɛ: N yãkɛaↄ ì dimá, n gbãa zↄ̃ↄ ì to n ibɛɛↄ vlãnau.

Soũ 68:26

Lɛ̀sinaↄ dↄaaa, pↄlɛnaↄ tɛ zã́, wɛ̃́ndia sɛ̃́sɛ̃mpanaↄ ku guo.

Soũ 68:27

À Lua tↄbↄ balu guu, à Dii kpɛla Isailiↄ kↄ̃kãaau.

Bↄa 23:13

Àↄ yã́ pↄ́ má òɛ́ↄ kũa píi. Ásuli dii pãleↄ sísio. Wasuli ń tↄ́ ma á lɛ́u seo.

Yáasiↄ 5:16

N nibↄna ibↄlɛa bàasi maae? N í gufↄ̃ bↄa gãaɛ zɛ́ vĩo.

Isaia 26:13

Dii wá Lua, dii pãleↄ gbãablèwá, ń beeo ḿmɛ wi n tↄbↄ ado.

Isaia 44:5

Gbɛ̃́ bee a mɛ Dii pↄ́n a ũ, gbɛ̃do a Yakↄbu tↄ́ ble, ado a kɛ̃ a ↄwa, Dii pↄ́, ado a Isaili tↄ́ sɛ́.

Isaia 45:23

Ma lɛgbɛ̃̀ ń mazĩa tↄ́o, yã́zɛde bↄ̀ ma lɛ́u, a gbooa vĩo, ma mɛ̀: Gbɛ̃́pii a kúlɛmɛɛ, aa ma luakɛ dↄ̃.

Isaia 46:12

Á swã́gbãade pↄ́ álɛ e á zĩblea zã̀ↄ, à ma yãma.

Isaia 51:1

Ma Dii ma mɛ̀ à ma yãma yã́zɛdeyanaↄ, á gbɛ̃́ pↄ́ álɛ ma kĩ́i wɛɛlɛↄ! À wɛ́pɛ gbɛsi pↄ́ wà á bↄ́ a guuwa, à gu gbɛde pↄ́ wà á yↄ̃́u yãda.

Isaia 51:2

À làasookɛ á dezi Ablahaũ yã́wa ń aà na Sala pↄ́ á bui kɛ̀o, asa gↄↄ pↄ́ ma aà sìsi, a nɛ́ vĩo, ↄ̃ ma báaadàaàgu, má tò à kpàsa kàlɛ.

Isaia 58:2

Aaìↄ ma kĩ́i wɛɛlɛ lá gu lɛ́ dↄ, an mɛ̀sa ì wã ma yãkɛaↄ dↄ̃ai lán bui pↄ́ ì yãkɛ a zɛ́wa ìli pãkpa a Lua yãdilɛaↄziowa. Aaì yã́gↄ̃gↄ̃a a zɛ́wa gbɛaa, aaìↄ ye mà sↄ̃ńzi.

Isaia 62:8

Dii ladà ń ↄlɛlɛao, a ò ń a gã̀sa gbãa dↄao à mɛ̀ á á blɛwɛ kpá á ibɛɛↄwa bau lↄo, buipãleↄ vɛ̃ɛ pↄ́ a a zĩkɛ̀ mi lↄo.

Isaia 64:6

Gbɛ̃e lɛ́ n sisi lↄo, gbɛ̃e i fɛlɛ lɛ́ zɛzɛnzi lↄo, asa n n wɛ́ gàwɛ̃ɛ, n wá kpá wá yãvãiↄla.

Isaia 65:16

Gbɛ̃́ pↄ́ lɛ́ sa'olɛkɛnɛ́ bùsupiu a kɛ ń Lua sĩande tↄ́o. Gbɛ̃́ pↄ́ lɛ́ lada bùsupiu, a da ń Lua sĩande tↄ́o. Asa taasi pↄ́ aa kɛ̀ yãa a sã́ńgu, i sãalɛ ma wɛ́u.

Zelemii 4:2

tó a lɛgbɛ̃̀ ń ma kuao kã́ukãu ń sĩanao, buipãleↄ báaadakↄ̃u ń ma tↄ́o, aai ĩ́anadã ma yã́ musu.

Zelemii 44:26

Ń beeo à ma yãma, á Yuda pↄ́ á kú Egipiↄ! Ma Dii ma mɛ̀, má sì ń ma zↄ̃ↄkɛo, á Yuda pↄ́ á kú Egipiↄ, á gbɛ̃e a ma tↄ́ si à gbasa mɛ á sì ń Dii Lua kuao lↄo.

Zelemii 5:2

Baa kɛ́ aaì mɛ Dii ku, ń beeo aaì lɛgbɛ̃ ń mↄafilioɛ.

Levii buiↄ 19:12

Mámɛmaa Dii á Lua. Ásuli ɛɛto à mɛ á símanↄ à ma tↄ́ ↄ̃̀ↄkpao.

Mise 2:7

Yakↄbu buiↄ, màa álɛ oa? Dii pↄ ì pa kpaa yã̀? Aà yãkɛan wea? Dii mɛ̀: Ma yã́ líↄ maa gbɛ̃́ pↄ́ ì yãkɛ a zɛ́waɛo lé?

Sofoni 1:5

gbɛ̃́ pↄ́ aaì kúlɛ musupↄↄnɛ kpɛ́ musuↄ ń gbɛ̃́ pↄ́ aaì kúlɛmɛɛ aaì lɛgbɛ̃ ń ma tↄ́o, aaì ɛa gbɛ̃ ń tã́a Mↄlↄkuoↄ,

Zakali 5:3

Ɔ̃ a òmɛɛ: Láaipↄ Lua lɛ́ zĩ n bùsuwan we píi. Yã́ pↄ́ kɛ̃a a kpɛ dowa mɛ̀, Lua a kpã́iↄ ya ń bↄlɛu píi. A kpɛ do sↄ̃, Lua a gbɛ̃́ pↄ́ ì ɛɛto ń a tↄ́oↄ ya píi.

Malaki 3:5

Ma Dii Zĩgↄ̃de ma mɛ̀: Má mↄ́wá yã́kpalɛu, ma mɛ a wã ń bↄbↄa ń gbɛ̃́ pↄ́ ma vĩa vĩoↄ: Gbɛ̃́ kↄ̀ↄlɛkɛnaↄ ń gbãsĩkɛnaↄ ń ɛɛ lɛgbɛ̃naↄ ń gbɛ̃́ pↄ́ aaì gbãamↄ ń zĩkɛnaↄnɛ ń gyaa taasideↄ ń tonɛ pↄ́ gwana vĩoↄ ń bↄ̀mↄↄ.

Naokɛa 24:7

Í ali ń olaↄ pa yɛlɛlɛɛ, aali pↄ́tↄ̃ tↄↄlɛ mↄ̀sɛdewaɛ. An kía gbãa aↄ dɛ Agagala, an kpala a tↄbↄ.

Matiee 23:13

Waiyoo á yãdanɛdeↄ ń Falisiↄ! Mↄafilideↄ! I kpala pↄ bↄ̀ Lua kĩ́i zɛta gbɛ̃́ↄnɛ. Ili gɛ̃uo, mɛ́ ili we gbɛ̃́ pↄ́ aa ye gɛ̃uↄ gɛ̃̀u sↄ̃o.

Zãa 1:47

Kɛ́ Yesu Natanaɛli è àlɛ mↄ́ a kĩ́i, à aà yã́ ò à mɛ̀: Isaili zálalan kɛ, aà nↄ̀sɛ mↄafili vĩo.

Zãa 4:24

Luaá nisĩnaɛ, sema gbɛ̃́ pↄ́ aaì kúlɛɛ̀ↄ kúlɛɛ̀ ń sĩanao ń aà Nisĩna gbãao.

Lomadeↄ 2:17

N Yuda ia, n zɛ ń n Yudakɛo, ń Mↄizi ikoyã náai vĩ, ńlɛ Lua yↄ̃̀ↄkɛ.

Lomadeↄ 9:6

I kɛ yã́ pↄ́ Lua ò lɛ̀lɛ pã no, asa Isaili píi mɛ́ Isaili zálala ũo.

Lomadeↄ 9:8

Beewa i kɛ nɛ́ pↄ́ à ń í ń pↄeãoↄ mɛ́ Lua nɛ́ↄ ũo, nɛ́ pↄ́ à ń í Lua lɛgbɛ̃a musuↄ mɛ́ dɛ buipiↄ ũ.

Ikoyã 10:20

Àliↄ Dii á Lua vĩa vĩ, íli zↄbleɛ̀. Àli naaàzi, íli lɛgbɛ̃ ń aà tↄ́o,

Ikoyã 33:28

Isailiↄ iↄ ku dↄdↄa ńtɛ̃ɛ, Yakↄbu buipiↄ iↄ ku bùsu pↄ́ pↄ́wɛna ń vɛ̃ɛo diu, gu pↄ́ a mↄ̀sɛ ìↄ bↄ musu.

Ikoyã 5:28

Dii yã́ pↄ́ á òmɛɛ mà, ↄ̃ a òmɛɛ a yã́ pↄ́ á òmɛɛpi mà, a maa.

Ikoyã 6:13

Àliↄ Dii á Lua vĩa vĩ, íli zↄbleɛ̀ ado, íli lɛgbɛ̃ ń aà tↄ́o.

1Tim 4:2

Ɛɛde mↄafilide pↄ́ vãi lí kã̀adańlaoↄ mɛ́ aa ń sãsã.

Zia yã́ 2:9

Má wɛ́tɛ̃a pↄ́ wàlɛ mↄnɛ dↄ̃ ń n taasidekɛo. Ń beeo ↄden n ũ. Gbɛ̃́ pↄ́ aaì mɛ Yudaↄn ń ũ mɛ́ aa dɛ a ũo, an lousisikpɛ dɛ Setãu pↄ́ ũↄ, má dↄ̃ lá aaì yãdↄma.

Zia yã́ 3:9

Setãu lousisikpɛ gbɛ̃́ pↄ́ aaì ńzĩa dilɛ Yudaↄ ũ mɛ́ aa dɛ a ũoↄ, má tó ɛɛdepiↄ mↄ kúlɛnɛ, aai dↄ̃ kɛ́ má yenzi.