Isaia 22:2 - Bòó Bibeli Luayãtaala

² Wɛ̃́lɛ súu gbãade gbɛ̃́ↄ! Wɛ̃́lɛ pↄna kↄ̃fĩde gbɛ̃́ↄ! I kɛ fɛ̃nda mɛ́ á gbɛ̃́ↄ dɛ̀dɛo, aai gaga zĩ guuo.

Isaia 22:2 Iomraidhean Croise

Isaia 10:4

A kee kpɛ́o, sema à vlãnau ń zĩ̀zↄↄ, ge àↄ ku gbɛ̃́ pↄ́ wà ń dɛdɛↄ guu. Ń beeo aà pↄkũma a kpálɛo, aà ↄ aↄ looańlaɛ.

Isaia 23:7

Á wɛ̃́lɛ pↄnade pↄ́ kálɛa za zin weo lò? Wɛ̃́lɛpi gbɛ̃eↄ mɛ́ fã̀aa aa gɛ̀ zↄ̃̀lɛ bùsu zã̀zãↄuo lò?

Isaia 32:13

À ↄ́ↄlↄ ma gbɛ̃́ↄ bùsu yã́i, asa lɛaa ń lɛsikaoo bↄ̀lɛu. À ↄ́ↄlↄ á ua pↄnadeↄ ń á wɛ̃́lɛ naɛ beeo yã́i.

Isaia 32:14

Kibɛ a gↄ̃ da pã, wɛ̃́lɛ súude a gↄ̃ bɛzia ũ. A sĩ̀sĩ gudↄ̃akĩi aↄ da wáiwai gↄↄpii zàa'ĩnaↄ pↄnakɛkĩi ũɛ, pↄ́ↄ dã́dãkɛkĩi ũ,

Isaia 37:33

A yã́ mɛ́ tò ma yã́ɛ bee ò Asiliↄ kía musu: A gɛ̃ wɛ̃́lɛɛ beeuo, a kazuuo, a a sɛ̀ngbao dↄɛ̀o, a koezↄ̃i à gbà lɛsĩ daio.

Isaia 37:36

Ɔ̃ Dii Malaika bↄ̀ gɛ̀ Asiliↄ bòou, à gbɛ̃́ↄ dɛ̀dɛ ↄ̀aasↄsↄo lɛɛ ↄ̀aa do gɛ̃osai (185.000). Kɛ́ aa fɛ̀lɛ kↄↄ, aa gɛↄ e kálɛa gupiiu.

Zelemii 14:18

Tó ma gɛ sɛ̃saou, mi gbɛ̃́ pↄ́ wà ń dɛdɛↄ gɛ e kálɛa. Tó ma gɛ̃ wɛ̃́lɛ guu, mi gbɛ̃́ pↄ́ lɛ́ gyãkɛkɛ nↄana yã́iↄ e. Ãnabiↄ ń sa'onaↄ ìↄ liaaliaa ḿpii, an gbɛ̃e a bùsu dↄ̃ lↄo.

Zelemii 38:2

Dii mɛ̀ gbɛ̃́ pↄ́ gↄ̃̀ wɛ̃́lɛɛ bee guuↄ ↄ̃ wa ń dɛdɛ ń fɛ̃ndao ge ń nↄanao ge ń gagyão, ãma gbɛ̃́ pↄ́ aa gɛ̀ nà Babiloniↄwaↄ aaↄ ku. Aa bↄ aafia, aaiↄ ku.

Zelemii 52:6

A mↄ síiↄ̃de gↄↄ kɛ̃okwide zĩ́ ↄ̃ nↄana gbãakũ̀ wɛ̃́lɛu, gbɛ̃e pↄblea vĩ lↄo.

Wɛ̃n 1:1

Wɛ̃́lɛ pↄ́ wa diu yãa gↄ̃̀ da gii sa bɛ! À tↄbↄ̀ buiↄ guu yãa, ↄ̃ à gↄ̃̀ lán gyaa gbɛ̃andowa. À iko vĩ bùsuↄwa yãa, ↄ̃ à gↄ̃̀ zĩ̀zↄ ũ.

Wɛ̃n 2:20

Dii, gwa ǹ gwa! Dé n yã́ bee taa kɛ̀ɛ̀ yãai? Nↄɛↄ ń nɛ́ pↄ́ aa ń í aa ń kuɛↄ soa maan wea? Sa'onaↄ ń ãnabiↄ dɛdɛa n kpɛ́u maan wea?

Ezekiɛli 22:5

Gbɛ̃́ pↄ́ kunnↄ kãiↄ ń gbɛ̃́ pↄ́ kunnↄ zã̀ↄ n yáalↄ kɛ́ n tↄ́ ↄ̃̀ↄkpà, yã́ yà n guu yã́i.

Sofoni 2:15

Wɛ̃́lɛ pↄnade pↄ́ a gbɛ̃́ↄ kálɛa dↄdↄan we. Aa ò ń sↄ̃u aa mɛ̀, ń wɛ̃́lɛ sáa vĩ guei lↄo. Gwa! A gↄ̃ sↄ̃kɛ̃ngu pↄ́ ũɛ, wàiↄ tòo ũ. Gbɛ̃́ pↄ́ lɛ́ dↄiↄ swe dↄwà ń ↄkɛa yàayaao.