Isaia 10:12 - Bòó Bibeli Luayãtaala

¹² Tó Dii a yãkɛa Yelusalɛũ Siↄna gbɛ musu lɛzɛ̀, a Asiliↄ kía swã́gagaɛ̀ wala pↄ́ a vĩ ń aà wɛkũaamao yã́i.

Isaia 10:12 Iomraidhean Croise

2Kia 19:31

Asa gbɛ̃́ kↄ̃naↄ bↄ Yelusalɛũ, Siↄna gbɛ̀sĩsĩdepiↄ gↄ̃. Ma Dii Zĩgↄ̃de ma ãia mɛ́ a bee kɛ.

Soũ 18:27

Ń wásawasa gbɛ̃́ wásawasaↄnɛ, ãma ni kↄ̃nikɛ gbɛ̃́ dↄ̀ↄsaiↄnɛ.

Soũ 21:10

Ńyↄ̃ ń kɛ mua yàa ũ n mↄgↄↄ, Dii a ń míↄnzↄ̃ a pↄfɛ̃gↄↄ, i to tɛ́kũmá.

Soũ 76:10

Lua, n fɛlɛ n yãgↄ̃̀gↄ̃ dṹniaɛ, n yɛ̃̀ɛɛsaideↄ suabà.

Soũ 76:5

Ni gupu, niↄ tɛkɛ, n zↄ̃ↄ dɛ gbɛ̀sĩsĩ pↄ́ kú gↄↄpiia.

Yáasiↄ 21:4

Zĩasɛa lɛsĩ ń ĩ́andão ì vãikɛnaↄ duuna bↄ gupuau.

Yáasiↄ 30:13

Gbɛ̃eↄ ku an wɛ́pɛkĩi zã̀, aaì ń mi ga da ía.

Isaia 2:11

Waladeↄ mi a gↄ̃ pɛ́lɛa, gbɛ̃́ↄ ĩ́andãa a midɛ. Dii mɛ́ a tↄbↄ ado gↄↄ beezĩ.

Isaia 2:12

Dii Zĩgↄ̃de gↄↄ dìlɛ yↄ̃̀ↄdeↄnɛ ń waladeↄ píi ń ĩ́andãna pↄ́ aaì ńzĩa sɛ lɛsĩↄ,

Isaia 24:21

Gↄↄ bee Dii a ĩada malaika gbãadeↄwa musu ń dṹnia kíaↄ zĩ́lɛ.

Isaia 27:7

Dii ń gbɛ̃́ lá à bui pↄ́ ń gbɛ̃́ↄ gbɛ̃̀wae? Dii ń dɛdɛ lá à gbɛ̃́ pↄ́ ń dɛdɛↄ dɛ̀dɛwae?

Isaia 27:9

Bee a láka Yakↄbu buiↄ tàaeↄla. An duunakɛ̃ama gbɛn kɛ: Aa ń sa'okĩi gbɛↄ wíwi kɛ́lɛkɛlɛ, mɛ́ aali pↄ́ wa pɛ̀ tã́a ũↄ ń ń tulaletikatɛakĩiↄ zↄ̃zↄ̃ píi.

Isaia 29:14

A yã́i má ɛa yãbↄnsaɛↄ kɛnɛ́, má ↄ̃nↄdeↄ ↄ̃nↄ midɛ, má wɛzɛ̃naↄ wɛzɛ̃ suumpa.

Isaia 33:1

Waiyoo gbɛ̃'ↄ̃ↄkpana, n gbɛ̃́ pↄ́ wi n ↄ̃̀ↄkpa yãao! Waiyoo zĩbↄnkpɛde, n gbɛ̃́ pↄ́ wi bↄ n kpɛ yãao! Tó n gbɛ̃́ ↄ̃̀ↄkpà ń làa, wa n ↄ̃̀ↄkpa sↄ̃ɛ. Tó n bↄ gbɛ̃́ↄ kpɛ ń làa, wa bↄ n kpɛ sↄ̃ɛ.

Isaia 37:23

Dé n dↄɛwà ń sↄ̃̀sↄ̃i? Dé n kãaɛ̀ n n mi dàɛ̀ íai? Isailiↄ Lua pↄ́ a kua adoa ń kɛ̀ɛ.

Isaia 37:29

N pↄ pàmazi, n kàamai pↄ́ ń vĩ yã́ gɛ̃̀ ma swã́u. Má bakanɛ n níu, má ã̀asĩna kanɛ n lɛ́uɛ, má tó ǹ ɛa tá ń zɛ́ pↄ́ n mↄòo.

Isaia 5:15

Gbɛ̃nazĩnaↄ gↄ̃ suuunnↄ, aa gↄ̃ yɛ̀ɛɛ, waladeↄ gɛɛ a gↄ̃ kpá ń wɛ́i.

Isaia 50:11

À ma, á gbɛ̃́ pↄ́ i tɛ́ka ázĩaɛ i sɛ̃̀ tɛ́ dↄↄ, à gɛ àↄ bɛ á tɛ́pi vuai ge sɛ̃ pↄ́ a tɛsↄ̃̀wà gupuai. Yã́ pↄ́ a bↄ ma ↄzĩ à á len kɛ: Áↄ wúlɛa gu wãwãdeu!

Isaia 65:7

má fĩabonɛ́ ń duuna ń ń deziↄ duunao yã́ musu píi, asa aa tulaletikàtɛa gbɛ̀sĩsĩↄwa, aa lɛ'ɛ̀a sĩ̀sĩↄ musu. Má yã́ pↄ́ aa kɛ̀ yãaↄ fĩabonɛ́ a lɛ́u à gɛ̃ ń kṹ.

Isaia 9:9

Kpɛ́ pↄ́ wa dↄ̀ ń bilikiↄ kwɛ̀, wá bo ń gbɛoɛ sa. Wà wá kaadↄɛnliↄ zↄ̃̀zↄ̃, sɛdɛ líↄ wá pɛ́ ń gɛ̃ɛ ũ sa.

Zelemii 25:29

Ma yã́yiaama guu, lá málɛ daalɛ wɛ̃́lɛ pↄ́ ma tↄ́ kuwàwa, ampiↄ sↄ̃ aa bↄ pãe? Aa bↄ pão, asa málɛ fɛ̃ndadeↄ sisi dṹnia gbɛ̃́piiwaɛ. Ma Dii Zĩgↄ̃de mámɛ má ò.

Zelemii 50:18

A yã́ mɛ́ tò ma Dii Zĩgↄ̃de Isailiↄ Lua ma mɛ̀, má Babɛli kía ń a bùsudeↄ wɛtã lá ma Asiliↄ kía wɛtã̀waɛ,

Zelemii 50:32

Kàamaide a gɛ̃mbↄlɛ à lɛ́lɛ. Gbɛ̃e ku à ↄkaaàzio. Má tɛsↄ̃ aà zↄ̃ɛwiaↄwaɛ, pↄ́ pↄ́ liaiↄ i tɛ́kũ píi.

Ezekiɛli 31:10

A yã́i tò ma Dii Lua ma mɛ̀, lá à gbã̀akũ̀ lɛsĩlɛsĩ, mɛ́ a misona zↄ̃̀ luawa, ↄ̃ à azĩa sɛ̀ lɛsĩ a gbã̀a yã́i.

Ezekiɛli 31:14

A yã́ mɛ́ tò lí pↄ́ kú í saɛe a gbã̀akũ lɛsĩlɛsĩ màa lↄo, a misona a zↄ̃ luawa lↄo. Lí i'enae gbã̀a a ka màa lↄo, asa ampii a ga lán gbɛ̃nazĩnawaɛ, aai ta ɛ̀ zòolou tↄↄlɛ nↄnau.

Daniɛli 11:45

A a kíakɛ zwã̀akpɛ dↄ ísia ń Lua kpɛ́ gbɛ̀sĩsĩ kɛfɛnao zãnguoɛ. We ↄ̃ a midɛu, gbɛ̃e a dↄaàlɛo.

Naokɛa 24:24

gó'ilɛnaↄ lɛ́ bↄ Sipi bùsuu, aa zĩble Asiliↄ ń Ɛbɛluↄwa, kási ampiↄ kaalɛ sↄ̃ɛ.

Matiee 12:33

Tó n lí maa bà, a nɛ́ ìↄ maaɛ. Tó n lí vãi bà sↄ̃, a nɛ́ ìↄ vãiɛ. Asa libɛ wì lí dↄ̃wà.

Matiee 15:19

Asa za sↄ̃ guu ↄ̃ làasoo vãi ì bↄu: Gbɛ̃dɛa, wúlɛa ń gbɛ̃pãle nↄo, gbãsĩkɛa, kpã́i'oa, yãdↄama ń gbɛ̃́sↄ̃sↄ̃ao.

Ikoyã 32:27

ãma ma vĩakɛ̀ an ibɛɛↄ ĩ́andãaɛ. Aaↄ e wa mɛ́ wà bee kɛ̀, aa mɛ wa mɛ́ wà zĩblèmá, i kɛ Dii mɛ́ bee kɛ̀ píio.

1Piɛ 4:17

Asa ĩadaama pìla, Lua gbɛ̃́ↄ ↄ̃ à dàalɛmá. Lá wámɛ à dàalɛwá sɛ̃́ia, a midɛ ń gbɛ̃́ pↄ́ gì baona pↄ́ bↄ̀ Lua kĩ́i síiↄ kpelewa ni?