Ɛzala 3:9 - Bòó Bibeli Luayãtaala

⁹ Yesua ń a buiↄ nàkↄ̃wa ń Kamiɛlio ń aà nɛ́ Odavia buiↄ, ↄ̃ aa gↄ̃̀ zĩpi gbɛ̃zↄ̃ↄↄ ũ ń Enadao ń aà buiↄ. Levii buiↄnɛ ḿpii.

Ɛzala 3:9 Iomraidhean Croise

1Lad 23:4

Ɔ̃ Davidi gbɛ̃ↄn ↄ̀aasↄsↄo lɛɛ baasↄo mɛ̀ndosaiↄ (24.000) dìlɛ aaↄ wɛ́tɛ Dii ua yã́ↄi, à gbɛ̃ↄn ↄ̀aasↄsↄo lɛɛ sooloↄ (6.000) dìlɛ lakɛ̃naↄ ń yãgↄ̃gↄ̃naↄ ũ.

2Lad 34:12

Gbɛ̃́piↄ zĩkɛ̀ ń náaio. Gbɛ̃́ pↄ́ wà ń dílɛ aa wɛtɛ̀ zĩpiziↄn kɛ: Levii nɛ́ Mɛlali buiↄ Yaata ń Obadiao ń Levii nɛ́ Kɛata buiↄ Zakali ń Mɛsulaũo. Levii buiↄ pↄ́'ↄbↄnaↄ lɛa dↄ̃ ḿpiiɛ.

Ɛzala 2:40

Levii bui pↄ́ sùↄn kɛ: Odavia bui Yesua ń Kamiɛlio buiↄ gbɛ̃ↄn bàaↄ̃kwi ń síiↄ̃o (74).

Ɛzala 3:8

An kaa Lua kpɛ́ dↄkĩi Yelusalɛũ wɛ̃̀ plaade mↄ plaade guu, Salatiɛli nɛ́ Zolobabɛli ń Yozada nɛ́ Yesuao nà zĩwa ń ń gbɛ̃́ kĩniↄ, sa'onaↄ ń Levii buiↄ ń gbɛ̃́ pↄ́ bↄ̀ zĩ̀zↄkɛu aa sù Yelusalɛũↄ píi. Aa Levii bui pↄ́ kà wɛ̃̀ bao ge aa dɛaↄ dìlɛ Dii kpɛ́ zĩpi gbɛ̃zↄ̃ↄↄ ũ.

Nɛɛmii 3:24

A gbɛa Enada nɛ́ Binui gupãle kɛ̀kɛ bò za Azalia bɛ e à gɛ̀ pɛ̀ bĩ́i golawa.

Nɛɛmii 7:43

Levii bui pↄ́ sùↄn kɛ: Odeva bui Yesua ń Kamiɛlio buiↄ gbɛ̃ↄn bàaↄ̃kwi ń síiↄ̃o (74).