Ɛfɛsɛdeↄ 4:24 - Bòó Bibeli Luayãtaala

²⁴ í dàa dafu pↄ́ Lua kɛ̀wɛ̃ɛ kɛ́ wà e wàↄ dɛ láawa sɛ́, á kua iↄ adoa kua sĩande ũ yã́zɛde kɛa guu.

Ɛfɛsɛdeↄ 4:24 Iomraidhean Croise

Daalɛa 5:1

Adamu buiↄ yã́n kɛ: Gↄↄ pↄ́ Lua gbɛ̃nazĩnaↄ kɛ̀, à ń kɛ́ láawaɛ.

Yobu 29:14

Ma yãkɛa a zɛ́wa dà pↄkasa ũ, maakɛa dɛmɛɛ ulada ũ fùa ũ.

Isaia 52:1

Vu iu, vu iu Siↄna! Gbãa da ula ũ! Lua wɛ̃́lɛ Yelusalɛũ, ǹ n pↄkasa í gbiaↄ da, gyafↄↄdeↄ ń gbãlɛnaↄ gɛ̃ ń guu lↄo.

Isaia 59:17

À maakɛa dà mↄ̀ ula ũ, à suabaa kpà mↄ̀ fùa ũ, à tↄsima dà pↄkasaↄ ũ, à ãia pãsĩ kàkaala ulada ũ.

Luku 1:75

wá kua iↄ adoaɛ̀ gbɛ̃maaↄ ũ e wá wɛ̃ni lɛ́u.

Zãa 17:17

To an kua àↄ adoa ń sĩana gbãao, n yã́ mɛ́ sĩanapi ũ.

Lomadeↄ 12:2

Ásu tɛ dṹnia tiaɛ bee tufaio. À to Lua á lilɛ, á làasoo i dafukũ, kɛ́ à e à aà pↄeã dↄ̃, yã́ pↄ́ maa mɛ́ ì kɛɛ̀ mɛ́ à àsaa.

Lomadeↄ 13:12

Gwãasĩna kà zã̀, gudↄa mɛ́ kãi. Wà gusia yã́ kↄ́lɛ, wí gupua gↄ̃kɛbↄↄ sɛ́lɛ.

Lomadeↄ 13:14

À Dii Yesu Kilisi ↄlɛsɛ́. Ásuli tó á dàa zi dↄaaɛ́ à dↄ́ɛ'ĩi kɛo.

Lomadeↄ 6:4

Wa gaaànↄ, wà wá vĩ́aànↄ da'ilɛkɛa guu, lá Kilisi bↄ̀ gau ń a Mae gbãa gawideo, kɛ́ wápiↄ sↄ̃ wàↄ kú ń wɛ̃ni dafuo màa.

Lomadeↄ 7:6

Tia sↄ̃ wa ga pↄ́ pↄ́ wá kṹ zↄ ũpi yã́ musu, wa bↄ ikoyãu, ↄ̃ wálɛ zↄble Luaɛ zɛ́ dafu guu ń aà Nisĩna gbãao, i kɛ ikoyã lá zɛ́ zi no.

Lomadeↄ 8:29

Asa Lua dìlɛ za káau gbɛ̃́ pↄ́ a dↄaa ń dↄ̃ↄ bↄ a Nɛ́wa, kɛ́ aàↄ dɛ vĩ̀i ũ dãuna dasiↄnɛ.

1Kln 15:53

Sema wá mɛ pↄ́ ì yaikɛɛ bee gɛ̃ a yaikɛsai guu. Sema wá mɛ̀ gɛɛ bee gɛ̃ a gasai guu.

2Kln 3:18

Wá gbɛ̃́ pↄ́ pↄ́ gò wá oawaↄ, wálɛ Dii gawi ↄlↄnɛ́ lán díiwa, wiↄ li láaàwa, wá gawi iↄ kã́fĩ. Dii pↄ́ dɛ Lua Nisĩna ũpi zĩn we.

2Kln 4:16

A yã́ mɛ́ tò wá kúsu lí kwɛ́o. Baa tó wá mɛkaa lɛ́ yaikɛ, wá guu ìↄ dafukũ lá gu lɛ́ dↄɛ.

2Kln 5:17

Tó gbɛ̃́ naa Kilisiwa, gbɛ̃́ dafuɛ. Aà kua zi gɛ̃̀, a dafu mɛ́ mↄ̀.

Galatiↄ 3:27

asa á gbɛ̃́ pↄ́ a da'ilɛkɛ̀ Kilisi pↄ́ ũↄ, a Kilisi dàɛ.

Galatiↄ 6:15

Tↄ̃zↄ̃a ge tↄ̃zↄ̃sai yãe vĩo, sema gↄ̃a gbɛ̃́ dafu ũ.

Ɛfɛsɛdeↄ 2:10

Lua ↄgbɛn wá ũ. Wá naa Kilisi Yesuwa guu à wá kɛ́, kɛ́ wàↄ kú ń yãmaa pↄ́ à dↄ̀aa dìlɛwɛ̃ɛ kɛao.

Ɛfɛsɛdeↄ 2:15

à Mↄizi ikoyã kpàgui ń a yãdilɛaↄ, kɛ́ à to an pla ḿpii gↄ̃anↄ mɛdoũ gbɛ̃́ dafuↄ ũ. Màa à ń kɛ́ ń kↄ̃o na.

Ɛfɛsɛdeↄ 6:11

À gↄ̃kɛbↄ pↄ́ Lua kpàwáↄ da píi, kɛ́ à e zɛ gíũgiũ, í Ibiisi dↄfↄ̃.

Titu 2:14

À azĩa kpà wá gɛ̃ɛ ũ, kɛ́ à wá bↄ vãi píi guu, i wá gbãsĩ wolo a gbɛ̃́ yenzideↄ ũ, gbɛ̃́ pↄ́ maakɛa ãia vĩↄ ũ.

Ɛbɛluↄ 1:8

Aà Nɛ́ yã́ musu sↄ̃, à mɛ̀: Lua, ńyↄ̃ↄ zↄ̃lɛa báawa gↄↄpiiɛ, niↄ n kíakɛ lípana kũa yã́zɛde ũ.

Ɛbɛluↄ 12:14

À wɛɛlɛ àↄ na ń gbɛ̃́piio, á kua iↄ adoa, asa tó gbɛ̃́ kua adoao, a Dii eo.

1Piɛ 2:2

Lá nɛ́tɛ̃naↄ ìↄ yↄ̃́'i nidɛ, àↄ Lua yã́ pↄ́ dɛ lán vĩ'ipu wásawasawa nidɛ màa sↄ̃, kɛ́ à e gbã á suabaa guu,

2Piɛ 1:4

Beewa à yãzↄ̃ↄ bɛɛɛde pↄ́ à a lɛgbɛ̃̀ kɛ̀wɛ̃ɛ, kɛ́ a yã́i wà bↄ dṹnia dↄ́ɛ'ĩi pↄ́ ì ń ↄ̃̀ↄkpa guu, wíↄ Lua dàa vĩ.