Daniɛli 4:27 - Bòó Bibeli Luayãtaala

²⁷ Ɔ̃ à mɛ̀: Babɛli zↄ̃ↄ pↄ́ má kàlɛ ma kiblekĩi ũn kɛo lò? Má kàlɛ ń ma iko gbãao ma kíakɛ gawi yã́iɛ.

Daniɛli 4:27 Iomraidhean Croise

Daalɛa 11:4

Ɔ̃ aa mɛ̀: Wà mɛɛwia kálɛ wà kpɛdidiakↄ̃a bo, a misona zↄ̃ luabɛwa. Wà wázĩa tↄbↄ, kɛ́ wásu gↄ̃ gbándodo dṹnia guuo yã́i.

1Kia 21:29

Ń è lá Ahabu azĩa bùsamɛɛa? Lá à azĩa bùsamɛɛ, má vãipi kɛ aà uaɛ aà gↄↄo. Aà nɛgↄ̃ɛ ↄ̃ má vãipi kɛ aà uaɛ.

Soũ 119:46

Má n yã'onɛↄ o kíaↄnɛ, wí a ma kũo.

Yáasiↄ 11:2

Zĩa sɛa lɛsĩ ì mↄ́ ń wío, zĩabusaa mɛ́ ↄ̃nↄyã ũ.

Yáasiↄ 16:6

Gbɛ̃kɛ ń náaio ì láka tàaea, vĩakɛa Diiɛ ì ń ɛ̃ vãiɛ.

Yáasiↄ 28:13

Tó n n tàaeↄ ùlɛ, ńyↄ̃ gɛ́ aɛo, tó ń ò mɛ́ ń tò, Lua a n wɛ̃nagwa.

Isaia 10:13

Asa à mɛ̀: Má kɛ̀ ń mazĩa gbãaoɛ ń ma ↄ̃nↄo, asa ma wɛ́ zɛ̃aɛ. Ma bùsu zↄ̃lɛↄ dɛ̀, ma ń àizɛɛↄ nàaa, ↄ̃ ma ń gↄ̃sa kpalablenaↄ pã̀lɛ.

Isaia 47:10

Ń n yãvãikɛ náai vĩ, n mɛ̀ gbɛ̃e lɛ́ n eo. N ↄ̃nↄ ń n dↄ̃ao n mi lìaa, ↄ̃ ni o n nↄ̀sɛu n bàasio gbɛ̃e kuo.

Isaia 47:8

Yã́ɛ bee ma sa lalaside. Ń zↄ̃lɛa báawa dↄdↄa, n mɛ̀ n bàasio gbɛ̃e kuo, ńyↄ̃ gyaable bauo, ńyↄ̃ nɛga wɛ̃nakɛo.

Zelemii 29:7

À wɛ̃́lɛ pↄ́ má tò á kú a guu maa wɛɛlɛ. Àli wabikɛa wɛ̃́lɛpi yã́ musu, asa tó wɛ̃́lɛpi maa, ↄ̃ á kua aↄ na.

Zelemii 38:20

Ɔ̃ Zelemii mɛ̀: Wa n kpámáo. Dii yãma, níↄ zĩkɛ yã́ pↄ́ má ònɛpiwa, ńyↄ̃ bↄ, níↄ ku aafia.

Ezekiɛli 18:7

Ìli gbãamↄ gbɛ̃eɛo, ì gbɛ̃́ pↄ́ a fĩa sɛa tↄ̀ↄma sↄaaɛ̀ɛ. Ìli pↄ́ símáo, ì nↄandɛna gba blɛ, ì pↄ́ na gbɛ̃́ pↄ́ kú bṹuzi.

Ezekiɛli 29:3

Oɛ̀ ǹ mɛ ma Dii Lua ma mɛ̀: Egipiↄ kí Falaↄ̃ↄ, má fɛlɛnnↄ, n kwãsa pↄ́ ń wúlɛa Niili ↄnaↄ guu, ni mɛ Niiliá n pↄ́ɛ, ḿmɛ n n pↄ́ kɛ̀ nzĩawa.

Ezekiɛli 29:9

Egipi a gↄ̃ bɛzia gii ũɛ, a gbɛ̃́ↄ iↄ dↄ̃ kɛ́ mámɛmaa Dii. Kɛ́ n mɛ̀ Niiliá n pↄ́ɛ, ḿmɛ ń kɛ̀,

Yoɛli 2:14

Wìliↄ dↄ̃o tó a wɛ̃nadↄ̃wɛ̃ɛ, i wá tó ń báaao, wí gbadaɛ̀ ń pↄ́wɛnao ń vɛ̃ɛo.

Amↄsi 6:13

Á pↄ kɛ̀na zĩblea Lodebaawawa, a mɛ̀ a Kaanaiũ sì ń ázĩa gbãaoɛ.

Yonasi 3:9

Dé mɛ́ ìↄ dↄ̃ tó a wá wɛ̃nagwa à a nↄ̀sɛ suumpa, aà kyã̀wãa láa, wí bↄ kaalɛui?

Abaku 1:11

Aaì gɛ̃ gɛ́ aɛ lán ĩ́anawa. tàaedeↄnɛ, an gbãa mɛ́ ń lua ũ.

Sofoni 2:15

Wɛ̃́lɛ pↄnade pↄ́ a gbɛ̃́ↄ kálɛa dↄdↄan we. Aa ò ń sↄ̃u aa mɛ̀, ń wɛ̃́lɛ sáa vĩ guei lↄo. Gwa! A gↄ̃ sↄ̃kɛ̃ngu pↄ́ ũɛ, wàiↄ tòo ũ. Gbɛ̃́ pↄ́ lɛ́ dↄiↄ swe dↄwà ń ↄkɛa yàayaao.

Matiee 3:8

À nↄ̀sɛlilɛa yã́ kɛ, wiↄ dↄ̃ kɛ́ a lilɛ.

Luku 11:41

À pↄ́ pↄ́ kú á taↄ guu dã wɛ̃nadeↄnɛ, á tapiↄ i gↄ̃ɛ́ gbãlɛsai.

Zĩn 24:25

Pↄlu lɛ́ yã'o maakɛa musu ń zĩakũadↄ̃o ń yã́kpalɛkɛa ń gbɛ̃́ↄ pↄ́ lɛ́ mↄ́o, ↄ̃ vĩa Felisi kũ̀ à mɛ̀: Fɛlɛ tá gĩa. Gↄↄ pↄ́ ma ↄ'è, má ɛa n sísi.

Zĩn 26:20

Ma waasokɛ̀ Damasi gĩa ń Yelusalɛũo, ↄ̃ má kɛ̀ Yude bùsu gupiiu ń buipãleↄ kĩ́io. Má ònɛ́ aa nↄ̀sɛlilɛ aa zɛ ń Luao, aai yã́ pↄ́ a to wà dↄ̃ aa nↄ̀sɛlìlɛ kɛ.

Zĩn 8:22

Kpɛ li n yãvãipiɛ, ní wabikɛ Diiwa. Wìliↄ dↄ̃o à gí sùuukɛinnↄ ń n làasoo bee taaoa?

2Kln 5:11

Lá wálɛ vĩakɛ Diiɛ màa, wi wɛɛlɛ gbɛ̃́ↄ yã́pi zɛ́ e. Lua wá sã́asã dↄ̃, mɛ́ wá ye à wá dↄ̃ á sↄ̃u màa.

Galatiↄ 5:13

Ápiↄ sↄ̃ gbɛ̃́ↄ, Lua á sisi à gↄ̃ wɛ̃́ɛↄ ũɛ, ãma ásu tó á gↄ̃a wɛ̃́ɛↄ ũpi gↄ̃ɛ́ pↄeãkɛa zɛ́ ũo. Àↄ misiilɛkↄ̃ɛ àↄ yekↄ̃i,

Galatiↄ 5:22

Lua Nisĩna sↄ̃ ì yã́ɛ beeↄ inɛ́: Yeakↄ̃i ń pↄnao ń aafiao ń mɛnao ń gbɛ̃kɛo ń maao ń náaio

Galatiↄ 5:6

Naa Kilisi Yesuwa tↄ̃zↄ̃a ge tↄ̃zↄ̃sai yãe vĩo, sema Yesu náaikɛa pↄ́ ì to wàↄ yekↄ̃i.

Ɛfɛsɛdeↄ 4:28

Gbɛ̃́ pↄ́ ì kpã́i'o yãa kpã́i tó. Aà wɛtã zĩ maa kɛ ń a ↄo, i pↄ́ e à dↄò taasidelɛ.

Ikoyã 24:13

Gɛ ǹ kpawà e ĩatɛ̃ àↄ gɛ́ gɛ̃i kpɛ́u, i e i ń a zwãapio. A fↄkpama, yã́ pↄ́ ń kɛ̀pi i kɛ Dii á Luaɛ na.

Ikoyã 32:27

ãma ma vĩakɛ̀ an ibɛɛↄ ĩ́andãaɛ. Aaↄ e wa mɛ́ wà bee kɛ̀, aa mɛ wa mɛ́ wà zĩblèmá, i kɛ Dii mɛ́ bee kɛ̀ píio.

Ikoyã 8:17

Ásu o á sↄ̃ guu à mɛ ázĩa gbãa ń zĩ pↄ́ á kɛ̀o mɛ́ tò a àizɛɛpi èo.

1Piɛ 4:8

Yã́ pↄ́ dɛ a píia, àↄ yekↄ̃i ń nↄ̀sɛmɛndoo, asa yea gbɛ̃́i ì láka tàaea dasi.