1 Asĩnizĩ Lua musu ń zĩ́lɛo kɛ̀.
à wabikɛ̀wà à mɛ̀: Dii Isailiↄ Lua, ń kú malaika gã̀sĩadeↄ zãnguo, ḿmɛ ń Lua ũ bùsu pↄ́ kú dṹnia guu píiɛ. Ḿmɛ ń musu kɛ̀ ń tↄↄlɛo.
Buipãleↄ diiↄá pↄ́ gianaↄnɛ, Dii mɛ́ musu kɛ̀.
À ɛ̀a ò lↄ: Wà Dii Isailiↄ Lua pↄ́ musu ń zĩ́lɛo kɛ̀ sáaukpa! Asa à kí Davidi gbà nɛ́ ↄ̃nↄna pↄ́ dↄ̃a ń wɛzɛ̃o vĩ, ↄ̃ àlɛ kpɛdↄɛ̀ ń azĩa bɛo.
Ḿmɛ ń Dii ũ ndo. N bàluma kɛ̀ ń n bɛ pↄ́ kú musuo ń pↄ́ pↄ́ kú weↄ píi. N dṹnia kɛ̀ ń pↄ́ pↄ́ kuwàↄ, n ísia kɛ̀ ń pↄ́ pↄ́ kú a guuↄ. Ni wɛ̃ni kpa ḿpiiwa, n bɛ malaika dasiↄ ì kúlɛnɛ.
A tò gu wèe ń a lɛ́'ĩanao, à mlɛ̃̀ kↄ̃̀nikↄ̃ni bàwãade zↄ̃̀ɛ ń ↄo.
Kɛ́ ma dṹnia kàlɛ, ń kú má ni? Tó ń a dↄ̃a vĩ, omɛɛ.
Ɔ̃mɛ musu kpàlɛ ado, ì táa'o ísia ikooaↄwa.
Ɔ̃ ma mɛ̀: Ma Lua, ńsu ma sɛ kpóoo, n gbɛ̃́ bee, n wɛ̃ni láaa vĩo.
Dii, n yãkɛaↄ dasi fá! Apii bↄ̀ n ↄ̃nↄ guuɛ. Dṹnia pà ń pↄ́ pↄ́ ń kɛ̀ↄ.
Tó n n Nisĩna gbàɛ, pↄ́ bɛ̃́ɛↄ ì bↄ, ni to tↄↄlɛ ɛa dafukũ.
Dii mɛ́ a báaadaágu, musu ń tↄↄlɛo Kɛnapi.
Ma dↄnlɛ ì bↄ Dii kĩ́iɛ, aàpi mɛ́ musu ń zĩ́lɛo kɛ̀.
Wá dↄnlɛ ì bↄ Dii kĩ́iɛ, aàpi mɛ́ musu ń zĩ́lɛo kɛ̀.
Kua Siↄna Dii báaadaágu, aàpi mɛ́ musu ń zĩ́lɛo kɛ̀.
Ɔ̃mɛ musu kɛ̀ ń a ↄ̃nↄo, aà gbɛ̃kɛ láaa vĩo.
Ɔ̃mɛ musu ń zĩ́lɛo kɛ̀, ísia ń pↄ́ pↄ́ kú a guuↄ píi.
Dii yã'oa mɛ́ musu kɛ̀, aà lɛ́'ĩana mɛ́ musupↄↄ pɛ̀pɛ.
Asa à yã'ò ↄ̃ dṹnia kɛ̀, à yãdìlɛ ↄ̃ à gↄ̃̀ kálɛa.
Ń dà nɛ́fɛ̃nɛnaↄnɛ ń nɛ́ yↄ̃minaↄ aa n táasilɛ, kɛ́ n ibɛɛↄ ń n wɛ̀lɛↄ nílɛ yã́i, n mↄakanaↄ lɛ́ i gↄ̃ kpaaũa.
Kɛ́ ma n zĩ gwà musu, mↄvua ń saana pↄ́ ń pɛ̀pɛ weↄ,
E ǹyↄ̃ gɛ́ gbɛ̀sĩsĩↄ kɛi, e ǹyↄ̃ gɛ́ tↄↄlɛ ń dṹniao kálɛi, Luan n ũ za asĩnizĩ e gↄↄpii.
Asa gↄↄ soolo ↄ̃ ma musu ń dṹniao kɛ̀ ń ísiao ń pↄ́ pↄ́ kú ń guuↄ píi, ↄ̃ ma kã́mabò a gↄↄ sopladepi zĩ́. A yã́ mɛ́ tò ma báaadà kã́mabogↄↄpiu, má dìlɛ ma pↄ́ ũ.
Kɛ́ Dii yã'ò Mↄiziɛ Sinai gbɛ musu a làa, ↄ̃ à ikoyã kɛ̃̀ gbɛ̀ pɛ̀pɛɛↄwa mɛ̀n pla ń azĩa ↄtonao, a kpàwà.
Dii pↄ́pii kɛ̀ a pↄeã yã́iɛ, baa vãikɛnaↄ dɛ ĩadamagↄↄ pↄ́ ũɛ.
Dii gↄ̃ikɛ guu à tↄↄlɛ kàlɛ, aà ↄ̃nↄ guu à musu kɛ̀.
To n Kɛna yã́ dↄngu n ɛ̀waasogↄↄ e gu àↄ gɛ́ dↄinɛ vãi, e wɛ̃ pↄ́ ńyↄ̃ mɛ n pↄ nawào aↄ gɛ́ kái.
Dii Zĩgↄ̃de Isailiↄ Lua pↄ́ kú malaika gã̀sĩadeↄ zãnguo, ḿmɛ ń Lua ũ bùsu pↄ́ kú dṹnia guu píiɛ. Ḿmɛ n musu kɛ̀ ń tↄↄlɛo.
Á dↄ̃o lé? I mao lé? Wi oɛ́ za asĩnizĩo lé? I dṹniakalɛgↄↄ yãmao lé?
À wɛ́sɛ musu gwa. Dé mɛ́ pↄ beeↄ kɛ̀i? Dé mɛ́ ì to aa bilɛ ń dasilɛu à ń baade sísi a tↄ́wai? Aà iko zↄ̃ↄ ń aà gbãa pãsĩo mɛ́ tò a keeli kɛ̃́são.
Á dↄ̃o lé? I mao lé? Dii mɛ́ Lua bɛ̃́ɛ ũ, dṹnialɛdana ũ. Ìli kpasao, ìli fuo, mɛ́ wa fↄ̃ aà ↄ̃nↄ lɛ́ dↄ̃o.
Ma Dii Lua, ma musu kɛ̀ ma ↄlìu, ma tↄↄlɛ kàlɛ ń pↄ́ pↄ́ bↄ̀lɛwàↄ, ma lɛ́'ĩana kpà gbɛ̃́ pↄ́ kuwàↄwa, ma gbɛ̃́ pↄ́ bɛwàↄ gbà wɛ̃ni ma mɛ̀:
Ma Dii á Bona pↄ́ ma á ikàsa nɛasakpɛu, ma mɛ̀ mámɛmaa Dii, ma pↄ́pii kɛ̀, ma musu kpàlɛ mado, ma dṹnia kàlɛ ń mazĩa ↄo.
Ma Dii ma mɛ̀ mámɛ ma musu kɛ̀, mámɛ má Lua ũ. Ma dṹnia ikàsa má kɛ̀, mámɛmaa Kalɛna ũ. Mi dṹnia kɛ àↄ da pão, má kɛ̀kɛ kɛ́ wàↄ ku a guuɛ. Mámɛmaa Dii, a pãle kuo.
Mapi á Kɛna ma musu kpàlɛ, ma dṹnia zĩ́napɛ̀lɛ, ↄ̃ ma yã́ sã̀água? Bↄ́yãi iↄ ku gili guu lá gu lɛ́ dↄ gbɛ̃́ wɛtãna pↄ́ zɛ̀ ń á midɛao pↄfɛ̃ yã́ii? Gbɛ̃́ wɛtãnapi pↄkũma tↄ́n lai?
Ma a yã́ↄ sòso má kàɛ́ á lɛ́u, ma ↄkùála ma á dↄ̃́a. Ma musu kpàlɛ, ma dṹnia zĩ́napɛ̀lɛ, ↄ̃ má ò Siↄnadeↄnɛ aa dɛ ma gbɛ̃́ↄ ũ.
Málɛ musu dafu ń zĩ́lɛ dafuo kɛ. Yã́ ziↄ dↄ gbɛ̃́ↄgu lↄo, a gɛ̃ ń làasoo guuo.
Dii mɛ́ dṹnia kɛ̀ ń a gbãao, à tↄↄlɛ kàlɛ ń a ↄ̃nↄo, à musu kpàlɛ ń a wɛzɛ̃o.
Á'a Dii Lua, ḿmɛ n n ↄ pòo n musu ń zĩ́lɛo kɛ̀ ń n gbãa zↄ̃ↄo, yãe líↄ zĩ'ũ nɛo.
Dii mɛ́ tↄↄlɛ kɛ̀ ń azĩa gbãao, à dṹnia kàlɛ ń azĩa ↄ̃nↄo, à musu kpàlɛ ń azĩa wɛzɛ̃o.
Yã́ pↄ́ Dii ò Isailiↄ yã́ musun kɛ. Dii pↄ́ musu kpàlɛ à tↄↄlɛ kàlɛ mɛ́ ì nisĩna íkasa gbɛ̃nazĩna guu mɛ̀:
Zĩbeezĩ Yesu mɛ̀: Baa, musu ń zĩ́lɛo Dii, ma n sáaukɛ̀, kɛ́ n yã́ɛ beeↄ ùlɛ yãdↄ̃naↄnɛ ń ↄ̃nↄdeↄ, mɛ́ ń ↄ̀lↄ ladↄ̃nsaiↄnɛ.
asa wɛ́tɛ̃a pↄ́ aↄ ku gↄↄpi aↄ zↄ̃ↄɛ. Za gↄↄ pↄ́ Lua dṹnia kɛ̀ e gbã a taa i kɛo, mɛ́ a kɛ bau lↄo.
aa mɛ̀: Gbɛ̃́ↄ, bↄ́yãi álɛ kɛ beewai? Gbɛ̃nazĩnaↄn wá ũ sↄ̃ lááwa. Baona wálɛ kpáɛ́, kɛ́ à kpɛ lí pↄ́ gianaɛ beeↄnɛ, í zɛ ń Lua bɛ̃́ɛo. Ɔ̃mɛ musu kɛ̀ ń tↄↄlɛo ń ísiao ń pↄ́ pↄ́ kúuↄ píi.
Lua dṹnia kɛ̀ ń pↄ́ pↄ́ kú a guuↄ píi. A dɛ musu ń tↄↄlɛo Dii ũ, ìliↄ ku kpɛ́ pↄ́ gbɛ̃nazĩnaↄ dↄ̀ɛↄ guuo.
Kɛ́ aa mà, aa wiilɛ̀ Luawa ń làasoo doũo aa mɛ̀: Dii, ḿmɛ n musu kɛ̀ ń tↄↄlɛo ń ísiao ń pↄ́ pↄ́ kú ń guuↄ píi.
Pↄ́pii bↄ̀ aà kĩ́iɛ, aa kú ń aà gbãao, mɛ́ aa ku aà pↄ́ ũ. Wàↄ aà tↄbↄ gↄↄpii. Ãmi.
wá kĩ́i Lua mɛ̀ndoɛ, ↄ̃n wá Mae pↄ́ pↄ́pii bↄ̀ aà kĩ́i mɛ́ wá kú aà yã́i ũ. Dii mɛ̀ndoɛ lↄ, ↄ̃n Yesu Kilisi pↄ́ pↄ́pii kɛ̀ mɛ́ wá kú aà sabai ũ.
málɛ asiiyã pↄ́ Lua lɛ́ yá ń gbɛ̃́piio bↄnɛ́ gupuau. Asiiyãpi ulɛa Lua pↄ́ pↄ́pii kɛ̀ kĩ́i za asĩnizĩ,
Wa ò lↄ: Dii, n tↄↄlɛ kàlɛ asĩnizĩ, musuá n ↄzĩkɛaɛ.
ãma aà Nɛ́ mɛ́ yã'òwɛ̃ɛ gↄↄ gbɛzãɛ beeↄ zĩ́ sa. Nɛ́pi sabai ↄ̃ Lua dṹnia kɛ̀, a dìlɛ ↄ̃mɛ a gↄ̃ pↄ́pii vĩ.
Wá luanaaikɛa mɛ́ tò wá dↄ̃ kɛ́ aà yã'oa mɛ́ dṹnia kàlɛ. Pↄ́ pↄ́ wìli wɛsiɛo ↄ̃ à pↄ́ pↄ́ wì wɛsiɛ kɛ̀ò.
Ua píi a kpana vĩɛ, mɛ́ pↄ́pii Kalɛnan Lua ũ.
Kɛ́ Lua yã'ò yãa, à musu ń dṹniao kɛ̀, aa yã́pi kpà swã́aɛ. À tↄↄlɛ bↄ̀ íu, a ku ípi sabai,
Gbɛ̃́ pↄ́ kú za asĩnizĩ wa aà yãmà, wa aà è ń wɛ́o, wa aà gwà, wa ↄkã̀wà, Yã́ wɛ̃nidepi bao wálɛ kpáɛ́.
ↄ̃ a ò ń Lua pↄ́ kú gↄↄpii à musu ń tↄↄlɛo ń ísiao kɛ̀ ń pↄ́ pↄ́ kú ń guuↄ píi tↄ́o à mɛ̀: A gɛ̃gɛ̃ lↄo.
A ò gbã́ugbãu: À vĩakɛ Luaɛ à aà tↄbↄ, asa aà yã́kpalɛkɛa ń gbɛ̃́ↄ gↄↄ kàɛ. À kúlɛ Lua pↄ́ musu ń tↄↄlɛo ń ísiao ń nibↄnaↄ kɛ̀piɛ.
Ɔ̃ a òmɛɛ: Yã́ làa. Mámɛ má Alafa ń Omɛgao ũ, Dàalɛna ń Mìdɛnao ũ. Gbɛ̃́ pↄ́ imi lɛ́ dɛ, má aà gba nibↄna í wɛ̃nide.
Alafa ń Omɛgaon ma ũ, Dↄaana ń Gↄ̃zãnao, Dàalɛna ń Mìdɛnao.
Kɛ̃ Laodisi Yesudeↄ dↄaanaɛ: Ma gbɛ̃́ pↄ́ wì omɛɛ Ãmi, ma seelade náaide sĩande, ma gbɛ̃́ pↄ́ má dɛ pↄ́ pↄ́ Lua kɛ̀ↄ zĩ́na ũ, mámɛ ma yã́ɛ bee ò.
Dii wá Lua, n ka wà n tↄbↄ, wí bɛɛɛ ń gbãao dↄ̃nɛ, asa n pↄ́pii kɛ̀, an kɛa ń ń kuao dɛ n pↄeã ũɛ.
