Amↄsi 9:8 - Bòó Bibeli Luayãtaala

⁸ À ma! Ma Dii Lua, ma wɛmà á bùsu duundewa mà á kpalapi midɛ dṹniau, ãma má Yakↄbu buiↄ kaalɛ míↄmiↄo. Ma Dii mámɛ má ò.

Amↄsi 9:8 Iomraidhean Croise

Zelemii 30:11

Ma Dii ma mɛ̀, má kúánↄ á suabaa yã́iɛ. Bui pↄ́ málɛ á fãaa ń guuↄ, baa tó ma ń mìdɛ píi, má á midɛ míↄmiↄo. Má á toto a zɛ́waɛ, má we à bↄ swã́gagasaio.

Amↄsi 9:4

Tó an wɛ̀lɛↄ ń kũkũ aa tàńnↄ zĩ̀zↄↄ ũ, we má tó wà ń dɛdɛu ń fɛ̃ndao. Má wɛ́tɛńzi ĩadaama yã́iɛ, i kɛ maakɛanɛ́ yã́i no.

Zelemii 44:27

Málɛ wɛ́tɛázi kɛ mà vãikɛɛ́ yã́iɛ, i kɛ maakɛaɛ́ yã́i no. Wa á Yuda pↄ́ á kú Egipiↄ dɛdɛ ń fɛ̃ndaoɛ ń nↄanao e à gɛ midɛ ápii.

Zelemii 5:10

À gɛ ma vɛ̃ɛbu dúuzↄ̃, ãma ásu dɛɛlɛ píio. À a gↄ̃naↄ zↄ̃zↄ̃, asa gↄ̃napiↄá ma pↄ́ no.

Ozee 1:6

Gomɛɛ nↄsì lↄ, à nɛ'ì nↄɛ ũ, ↄ̃ Dii ò Ozeeɛ: Tↄ́ kpáɛ̀ Wɛ́gwaakuo, asa má Isailiↄ wɛgwa lↄo, má sùuukɛńnↄ lↄo.

Yáasiↄ 15:3

Dii wɛ́ kú gupiiu, ìↄ gbɛ̃vãiↄ ń gbɛ̃maaↄ tàasika.

Yáasiↄ 5:21

Gbɛ̃nazĩnaↄ yãkɛae ulɛa Diiɛo, ìↄ zɛ́ pↄ́ aa sɛ̀ dↄ̃ píi.

1Kia 13:34

Duuna pↄ́ tò wà Yeloboaũ buiↄ tↄ̀lↄzↄ̃̀ aa mìdɛ dṹniaun we.

Ikoyã 6:15

asa Dii á Lua pↄ́ kú á guu lí sí sàao. Tó á tɛ́ńzi, Dii á Lua pↄ a paáziɛ, i á midɛ bùsupiu.

Ikoyã 4:31

Asa Dii á LuaáLua sósobideɛ, a pãkpaázio, a á kaalɛo. Aà bàa kua ń á deziↄ yã́ pↄ́ a ò ń lɛgbɛ̃ao a sãaàguo.

Daalɛa 7:4

Asa gↄↄ sopla gbɛa má tó lou ma tↄↄlɛ e gↄↄ bla fãanɛ ń gwãasĩnao, kɛ́ mà pↄ́ wɛ̃nide pↄ́ má kɛ̀ↄ waa tↄↄlɛwa píi.

Daalɛa 6:7

ↄ̃ à mɛ̀: Má gbɛ̃nazĩna pↄ́ má kɛ̀ waa tↄↄlɛwaɛ, gbɛ̃nazĩnaↄ ń nↄ̀bↄↄ ń pↄ́taa'onkuawaↄ ń bãↄ, asa ma pↄ yà an kɛa yã́ musuɛ.

Zelemii 46:28

Ma zↄ̀blena Yakↄbu buiↄ, ásu vĩakɛo, asa má kúánↄɛ. Bui pↄ́ ma ↄzↄ̃̀ázi ń guuↄ baa tó ma buipiↄ míↄnzↄ̃, má á míↄnzↄ̃o. Ãma á bↄ pão fá! Má á swã́gaga a zɛ́waɛ.

Amↄsi 3:12

Ma Dii ma mɛ̀, lá sãdãna ì a sã gbá miↄna ge a swã́ miↄna bↄ nↄ̀ↄmusu lɛ́zĩ, màa Isaili pↄ́ kú Samaliↄ bↄ kaso, gbɛ̃́ pↄ́ zↄ̃lɛ ń lii bɛ́lɛbɛlɛwapiↄ.

Amↄsi 7:17

A yã́ mɛ́ tò Dii mɛ̀, n na a káaluaka wɛ̃́lɛu, wa n nɛ́ↄ dɛdɛ ń fɛ̃ndao gↄ̃ɛↄ ń nↄɛↄ. Wa ba yↄ̃ n bùsuwa, wi kpaalɛkↄ̃ɛ. Wa Isailiↄ kṹkũ ń bùsuu wà táńnↄ zĩ̀zↄↄ ũ, ní ga luayãdↄ̃nsaiↄ bùsuu we.

Amↄsi 9:10

Duunkɛna pↄ́ kú ma gbɛ̃́ↄ guu, aaì mɛ vãi a sↄ̃ńzi à gbasa ń leoↄ, wa ń dɛdɛ ń fɛ̃ndao ḿpiiɛ.

Ozee 1:4

Dii ò Ozeeɛ: Tↄ́ kpáɛ̀ Yezɛlɛɛ, asa má tó gbɛ̃́ pↄ́ wà ń dɛdɛ Yezɛlɛɛↄ yã́ wí Yehu bɛdeↄ musuɛ tia, mí Isailiↄ kpala midɛ.