Amↄsi 4:4 - Bòó Bibeli Luayãtaala

⁴ À gi àↄ gɛ́ Bɛtɛli, í tàaekɛ we. À gi àↄ gɛ́ Giligali, í ɛa tàaekɛ lↄ. Àliↄ sa'o á diiↄwa we lá gu lɛ́ dↄ, íↄ á pↄ́ kwide kpa we wɛ̃̀ àaↄ̃ ń wɛ̃̀ àaↄ̃o.

Amↄsi 4:4 Iomraidhean Croise

Làasoode 11:9

Ɛ̀waaso, pↄnakɛ n ɛ̀waasogↄↄ, to n pↄ kɛ n ɛ̀waasogↄↄwa na. Yã́ pↄ́ n pↄ gbà kɛ, tɛ yã́ pↄ́ kàngui, ãma apii guu ǹyↄ̃ dↄ̃ kɛ́ Lua a yã́kpalɛkɛnnↄ.

Ezekiɛli 20:39

Á Isailiↄ, ma Dii Lua ma mɛ̀, lá á baade ye zↄble a tã́aↄnɛ, à gɛ́! Gbɛzã á ma yãma! Á ma tↄ́ pↄ́ a kua adoa ↄ̃̀ↄkpamɛɛ ń á tã́aↄ ń á sa'oamáo lↄo.

Ozee 12:11

Ma yãdà ãnabiↄnɛ, mámɛ má tò aa wɛ́punguↄ è dasi, ↄ̃ aa yã'ò gbɛ̃́ↄnɛ ń yáasio.

Ozee 4:15

Isailiↄ, baa kɛ́ a gbãsĩkɛ̀, Yudaↄ su tàaekɛ màao. Ásu gɛ́ Giligalio, ásu Bɛtavɛ̃ sĩ̀sĩ kũo, ásu lɛgbɛ̃ we à mɛ ń Dii kuaoo.

Ozee 9:15

An vãikɛa ku Giligali píi, we ma zauńgu. Má ń yá ma kpɛ́uɛ, kɛ́ an yãkɛaↄ vãi yã́i. Máↄ yeńzi lↄo an kía swã́gbãadeↄ yã́i.

Amↄsi 3:14

Tó málɛ Isailiↄ tàae wínɛ́ ń musu, má sa'okĩi pↄ́ kú Bɛtɛliↄ kↄ́ba zↄ̃zↄ̃ mà kwɛ tↄↄlɛ, mí sa'okĩipiↄ dúuzↄ̃.

Amↄsi 5:5

Ásu gɛ́ lousisii Bɛtɛlio, ásu gɛ́ Giligali sↄ̃o, ásu tↄ̃u Bɛɛsɛbao, asa wa tá ń Giligalideↄ zĩ̀zↄↄ ũɛ, mɛ́ Bɛtɛli a gↄ̃ bɛzia ũɛ.

Matiee 23:32

À ãiakɛ à á deziↄ tàaaba, í a midɛ sa!

Matiee 26:45

Ɔ̃ à ɛ̀a sù a ìwaↄwa a ònɛ́: Àlɛ i'o álɛ kã́mabo e tiaa? À gwa! Gbɛ̃nazĩn Nɛ́ kpaa duunkɛnaↄwa gↄↄ kà.

Maaku 14:41

Aà ɛa sua gɛ̃n àaↄ̃de a ònɛ́: Álɛ i'o álɛ kã́mabo e tiaa? Bee mↄ̀. Gↄↄ kà sa. À gwa, wàlɛ Gbɛ̃nazĩn Nɛ́ kpá duunkɛnaↄwa.

Maaku 5:5

Gwãasĩna ń fãanɛo píi ìↄ bɛbɛ gɛvĩkĩi ń sĩ̀sĩpↄlɛↄɛ, ìↄ wiilɛ, ìↄ azĩa lili ń gbɛo.

Ikoyã 26:12

Tó a á bua pↄ́ↄ kwide bↄ̀ a wɛ̃̀ àaↄ̃de guu, á làa píi, àli kpá Levii buiↄwa ń bↄ̀mↄↄ ń nɛtonɛↄ ń gyaaↄ, aai ble á wɛ̃́lɛↄ guu aa kã́.