2Sam 23:18 - Bòó Bibeli Luayãtaala

¹⁸ Zeluia nɛ́ Abisai, Yoabu dãuna mɛ́ nɛgↄ̃n gbɛ̃ↄn baakwiↄ dↄaana ũ. Ɔ̃mɛ sↄ̃na sɛ̀ gbɛ̃ↄn ↄ̀aa do ń basↄooↄzi à ń dɛdɛ, ↄ̃ à tↄbↄ̀ gbɛ̃ↄn baakwipiↄ guu.

2Sam 23:18 Iomraidhean Croise

2Sam 10:10

Ɔ̃ à zĩgↄ̃ kĩniↄ nà a dãuna Abisaiɛ a ↄzĩ, ↄ̃ à ń gbáɛ aa gɛ́ lɛ́lɛi Amↄniↄwa.

2Sam 10:14

Kɛ́ Amↄniↄ è Siliↄ bàalɛ̀, ↄ̃ aa bàalɛ̀ Abisaiɛ sↄ̃, aa sì wɛ̃́lɛ guu, ↄ̃ Yoabu ń tó we, à tà Yelusalɛũ.

2Sam 18:2

Ɔ̃ à a zĩgↄ̃piↄ kpaalɛ̀ gãli àaↄ̃. À gãli do nà Zeluia nɛ́ Yoabuɛ a ↄzĩ, ado sↄ̃ Yoabupi dãuna Abisaiɛ a ↄzĩ, ado sↄ̃ Gata gbɛ̃́ Itaiɛ a ↄzĩ. Ɔ̃ kí ò a zĩgↄ̃ↄnɛ à mɛ̀: Mámɛ má dↄaaɛ́.

2Sam 2:18

Zeluia nɛgↄ̃ɛ gbɛ̃ↄn àaↄ̃ↄ ku we, Yoabu ń Abisaio ń Asaɛlio. Asaɛli sↄ̃, aà ba na lán tuewaɛ.

2Sam 20:10

Amasa fɛ̃na pↄ́ kú Yoabu ↄu fãn vĩo, ↄ̃ Yoabu aà zↄ̃̀ò a gbɛɛu, aà nↄnaↄ bↄ̀lɛ kàlɛ zĩ́lɛ. Yoabu i a gɛ̃n plaade kɛ lↄo, asa à gà kↄ̀ɛ. Ɔ̃ Yoabu ń a dãuna Abisaio pɛ̀lɛ Bikili nɛ́ Sɛbazi.

2Sam 23:19

À tↄbↄ̀ dɛ nɛgↄ̃n gbɛ̃ↄn àaↄ̃piↄla, ↄ̃ à gↄ̃̀ ń dↄaana ũ, kási a ku nɛgↄ̃n tↄde gbɛ̃ↄn àaↄ̃piↄ guuo.

2Sam 3:30

Yoabu ń Abisaio mɛ́ Abinɛɛ dɛ̀, kɛ́ aàpi mɛ́ ń dãuna Asaɛli dɛ̀ zĩlau Gabaↄ̃ↄ yã́i.

1Lad 2:16

An dãeↄn Zeluia ń Abigailio ũ. Zeluia nɛgↄ̃ɛ àaↄ̃ɛ: Abisai, Yoabu ń Asaɛlio.

Làasoode 4:12

Wì gbãamↄ gbɛ̃doũnaɛɛ, gbɛ̃ↄn plaↄ sↄ̃ aaì zɛ wà giɛ. Bà nian àaↄ̃ lí kɛ̃́ kpaao.