2Sam 18:24 - Bòó Bibeli Luayãtaala

²⁴ Davidi zↄ̃lɛa wɛ̃́lɛ bĩ́ibↄlɛ gbà mɛ̀n plaↄ zãnguo. Gudↄ̃ana dɛ̀dɛ bĩ́iwa e bↄlɛpi musu. Kɛ́ à wɛzù, à gbɛ̃e è bɛ ado ń bao.

2Sam 18:24 Iomraidhean Croise

2Sam 13:34

Abisaloũ sↄ̃ à bàalɛ̀. Kɛ́ ɛ̀waaso gudↄ̃ana wɛzù, a è wa bɛ Olonaiũ zɛ́u sĩ̀sĩpↄlɛu dasidasi. À gɛ̀ a ò kíɛ: Ma gbɛ̃́ↄ è bɛ sĩ̀sĩpↄlɛu Olonaiũ oi.

2Sam 18:23

Ɔ̃ Aimaaza mɛ̀: Baa tó à kɛ̀ kpelewa, má ye mà bàalɛɛ. Ɔ̃ Yoabu òɛ̀: Bàalɛ! Ɔ̃ à bàalɛ̀, à bↄ̀ ń swa saɛ zɛ́o, à Etiopi buipi kɛ̃̀.

2Sam 18:25

À lɛzù kízi, a òɛ̀. Ɔ̃ kí mɛ̀: Lá a bɛ adoɛ, àlɛ mↄ́ ń baonaoɛ. Ɔ̃ àlɛ mↄ́, à kãikũ̀.

2Sam 18:4

Ɔ̃ kí ònɛ́: Lá à kɛ̀ɛ́ maa ↄ̃ má kɛ. Kí gɛ̀ zɛ̀ bĩ́ibↄlɛ saɛ, ↄ̃ zĩgↄ̃ↄ bↄ̀lɛ gã ń gão gbɛ̃ↄn basↄobasↄoↄ ń gbɛ̃ↄn ↄ̀aasↄsↄoↄ.

2Sam 19:8

Fɛlɛ bↄ sa. Gɛ ǹ n gbɛ̃́ↄ gba sↄ̃. Má sìnɛ ń Diio, tó ni gɛ́o, an gbɛ̃e a innↄ la gwã́ao. Bee a kɛnɛ vãi, aↄ dɛ vãi pↄ́ n le za n ɛ̀waasogↄↄ e gbãa.

1Sam 4:13

Kɛ́ à kà, à Ɛli lè zↄ̃lɛa kìlau zɛ́ saɛ, àlɛ gudã, asa aà sↄ̃ daa doũo Lua kpagolo yã́i. Kɛ́ gbɛ̃́pi gɛ̃̀ wɛ̃́lɛu, à baokpà wɛ̃́lɛdeↄnɛ, ↄ̃ aalɛ ↄ́ↄlↄ ḿpii.