2Sam 18:18 - Bòó Bibeli Luayãtaala

¹⁸ Gↄↄ pↄ́ Abisaloũ ku, à gbɛpɛ̀lɛ azĩaɛ Kía guzulɛu, asa à mɛ̀ á nɛgↄ̃ɛ vĩo, mɛ́ á ye a tↄ́ gao. À azĩa tↄ́ kpà gbɛ pↄ́ a pɛ̀lɛpiɛ, ↄ̃ wìↄ sísi Abisaloũ Dↄngubↄ e ń a gbão.

2Sam 18:18 Iomraidhean Croise

Daalɛa 11:4

Ɔ̃ aa mɛ̀: Wà mɛɛwia kálɛ wà kpɛdidiakↄ̃a bo, a misona zↄ̃ luabɛwa. Wà wázĩa tↄbↄ, kɛ́ wásu gↄ̃ gbándodo dṹnia guuo yã́i.

Daalɛa 11:9

A yã́ mɛ́ tò wà tↄkpà wɛ̃́lɛpiɛ Babɛli, asa wekĩi ↄ̃ Dii tò dṹnia bui píi yã́ bↄ̀u. Za wekĩi à ń fãaa dṹnia guu píi.

Daalɛa 14:17

Kɛ́ Ablaũ zĩblè Kɛdↄlaomɛɛwa ń kía pↄ́ kuaànↄↄ, àlɛ su, ↄ̃ Sↄdↄũ kí bↄ̀ dàaàlɛ Save guzulɛ pↄ́ wì mɛ tia Kía Guzulɛu.

2Sam 14:27

À nɛgↄ̃ɛↄ ì gbɛ̃ↄn àaↄ̃ ń nɛnↄɛo do. Nɛnↄɛpi tↄ́n Tamaa. Nↄ kɛfɛnaɛ.

Soũ 109:13

Aà buiↄ midɛ, an tↄ́ ga gbɛ̃́ pↄ́ lɛ́ fɛlɛↄ guu.

Soũ 49:11

Asa wa dↄ̃ baa ↄ̃nↄnaↄ ì ga, mìsaideↄ ń sↄũↄ ì midɛ màa píi, aaì ń àizɛɛ tó gbɛ̃pãleↄnɛ.

Isaia 22:16

Bↄ́ ń vĩ lai? Dé ń vĩ la ↄ̃ ńlɛ mia'ɛ sↄ nzĩaɛ la, ńlɛ gbɛsi yↄ̃́ musumusu n vĩkĩi ũi?

Zelemii 22:30

Dii mɛ̀ gbɛ̃́pi tↄ́ dalau nɛ́sai, gbɛ̃́ pↄ́ a bↄ maa e a wɛ̃ni lɛ́uopi, asa aà nɛ́e a bↄ maao, an gbɛ̃e a e Yudaↄ kía ble à zↄ̃lɛ Davidi kpalauo.

Daniɛli 4:30

Wegↄ̃ↄ yã́ pↄ́ wa ò Nɛbukanɛza musu kɛ̀. Wà aà yà wa bↄ̀ gbɛ̃nazĩnaↄ guu, à sɛ̃ blè lán zuwa, mɛ́ fíi aà gbɛ̃̀. Aà mikã gɛ̀ gbã̀ lán kúu kã́wa, aà ↄkↄↄ gbã̀ lán bã ↄkↄↄwa.

Naokɛa 32:42

Nↄba gɛ̀ lɛ̀lɛ Kenati ń a bualoũↄwa a sì, ↄ̃ à azĩa tↄ́ kpà wɛ̃́lɛpiɛ.

1Sam 15:12

Kɛ́ Samuɛli fɛ̀lɛ kↄↄkↄↄ, à gɛ̀ dai Saululɛ, ↄ̃ wa òɛ̀: Saulu gɛ̀ Kaamɛli. À seelapɛ̀lɛ we a yãdↄangu yã́i, ↄ̃ à ɛ̀a gɛ̀ Giligali.