1Zãa 3:4 - Bòó Bibeli Luayãtaala

⁴ Gbɛ̃́ pↄ́ duunakɛ̀ bↄ̀ Lua yã́ kpɛɛ, asa duunaá bↄa Lua ikoyã kpɛɛ.

1Zãa 3:4 Iomraidhean Croise

1Kia 8:47

tó aa nↄ̀sɛlìlɛ bùsu pↄ́ aalɛ zↄbleupi guu, mɛ́ aa ɛ̀a sùuugbɛ̀ama we aa mɛ̀, wa duunakɛ̀, wa tàaekɛ̀, wa yãvãikɛ̀,

1Lad 10:13

Saulu gà kɛ́ à bↄ̀ Dii kpɛ yã́iɛ. I Dii yãdao, à gɛ̀ yãgbɛ̀a gɛ̀sisinawa se.

2Lad 24:20

Lua Nisĩna dɛ̀dɛ sa'onkia Yoiada nɛ́ Zakaliwa, ↄ̃ à zɛ̀ gbɛ̃́ↄ aɛ, a ònɛ́: Lua mɛ̀, àkɛa a pã a yã́ai? A bↄánↄ nao. Lá a pãkpà Diizi, à pãkpàázi sↄ̃ɛ.

Isaia 53:8

Wà aà kũ̀ ń gbãao, wà yã́kpalɛkɛ̀aànↄ. Wà aà bↄ̀ dṹniau ma gbɛ̃́ↄ tàae yã́i, wà aà dɛ̀ an gbɛ̃go pↄ́ lɛ́ ń dã́ ũ. Gbɛ̃́ pↄ́ kú aà gↄↄↄ, an dé mɛ́ yã́pi làasookɛ̀i?

Daniɛli 9:11

Isailiↄ píi pã̀ n ikoyãa, aa gì n yãmai. Ɔ̃ n láaikɛ̀wá kɛ́ wa duunakɛ̀nɛ yã́i, lá ń ò n zↄ̀blena Mↄizi ikoyã láuwa.

Naokɛa 15:31

Asa a sakà ma yã́u, à bↄ̀ ma yãdilɛa kpɛɛ. Wà ade dɛ, aàpi ń a tàaeo.

Matiee 5:19

A yã́ mɛ́ tò tó gbɛ̃́ yã́ pↄ́ wa dìlɛpiↄ mɛ̀ndo gbàɛ, baa a pↄ́ pↄ́ kɛ̃́sãańzi, mɛ́ ì da gbɛ̃́ↄnɛ aa kɛ màa, ade aↄ kɛ̃́sãańzi kpala pↄ́ bↄ̀ Lua kĩ́i gbɛ̃́ↄ guuɛ. Tó gbɛ̃́ kũa mɛ́ ì danɛ́ màa sↄ̃, ade aↄ zↄ̃ↄ kpala pↄ́ bↄ̀ Lua kĩ́i gbɛ̃́ↄ guuɛ.

Zĩn 23:3

Ɔ̃ Pↄlu òɛ̀: Lua n lɛ sↄ̃, gbɛ̃nazĩn kaadↄɛmbɛ. Ń zↄ̃lɛ ńlɛ yã́kpalɛkɛmanↄ ikoyã musu, mɛ́ mpi sↄ̃, n bↄ a kpɛ, ń ò wà ma lɛ́.

Lomadeↄ 3:20

Asa gbɛ̃e a bↄ maa Luaɛ ikoyãpi kũa yã́io. Lua ikoyã mɛ́ ì to wà duuna dↄ̃.

Lomadeↄ 4:15

asa ikoyã ì mↄ́ ń Lua pↄkũmaoɛ. Gu pↄ́ ikoyã kúuo, tàae líↄ ku we sↄ̃o.

2Kln 12:21

Vĩa lɛ́ ma kṹ kɛ́ tó ma ɛa mↄ, ma Lua a to wí ma kṹ á yã́ musu. Gbɛ̃́ pↄ́ aa duunakɛ̀ yãa aa gbãsĩkɛ̀, aa wùlɛ ń gbɛ̃pãle nↄo aa wisaiyã kɛ̀, tó aai mikɛ̃ ń yã́piↄ kɛawao, má ↄ́ↄlↄnɛ́ɛ.

Zaaki 5:15

Wabi pↄ́ wa kɛ̀ luanaaikɛa guu bee a gyãepi gbã́gbã. Dii a aà gba aafia. Tó à duunakɛ̀ yãaɛ sↄ̃, a kɛ̃wà.

1Zãa 5:17

Yãvãikɛa píiá duunaɛ, ãma duuna pↄ́ lí ń kaalɛo ku.

1Sam 15:24

Ɔ̃ Saulu òɛ̀: Ma duunakɛ̀. Ma pã Dii yã́ pↄ́ ń òmɛɛa, asa ma vĩakɛ̀ gbɛ̃́ↄnɛɛ, ↄ̃ ma ń yãmà.