3 Wà Levii bui gↄ̃ɛ pↄ́ kà wɛ̃̀ baakwi ge aa dɛaↄ nào, aa gbɛ̃ↄn ↄ̀aasↄsↄo lɛɛ bla plasaiɛ (38.000).
Davidi Isaili kíaↄ kã̀aa ń sa'onaↄ ń Levii buiↄ píi.
Levii buiↄn we sɛa an dezi pↄ́ dɛ uabele káau ũↄwa. Lua ua zĩkɛna pↄ́ kà wɛ̃̀ bao ge aa dɛaↄ, wà ń baade tↄ́ dàlau an buipiↄwaɛ.
Bee gbɛa aa kpaalɛ̀ gↄ̃ɛ pↄ́ kà wɛ̃̀ àaↄ̃ ge aa dɛa an tↄ́ kú taalauↄnɛ, gbɛ̃́ pↄ́ aa gɛ̃ Dii ua lá gu lɛ́ dↄ yãkɛkɛi gã ń gãoↄ baade ń a zĩo.
Levii buiↄ yã́n kɛ lↄ. Gbɛ̃́ pↄ́ kà wɛ̃̀ baasↄo ge a dɛa lí mↄ́ kpaaũkpɛ zĩ kɛi.