1Kln 3:19 - Bòó Bibeli Luayãtaala

¹⁹ Asa dṹniaɛ bee ↄ̃nↄ dɛ Luaɛ mìsaiyã ũɛ. A kɛ̃a Lua taalau wà mɛ̀: Ì ↄ̃nↄnaↄ kṹ ń kↄ̃nikɛa guu.

1Kln 3:19 Iomraidhean Croise

2Sam 15:31

Kɛ́ wa ò Davidiɛ Aitofɛli ku gbɛ̃́ pↄ́ zɛ̀ ń Abisaloũoↄ guuɛ, ↄ̃ Davidi wabikɛ̀ Diiwa à mɛ̀: To aà lɛdama àↄ dɛ yãfaasai ũ.

2Sam 16:23

Gↄↄ beeↄ lɛ́ pↄ́ Aitofɛli ì damá dɛ lán gbɛ̃́ pↄ́ yãgbɛ̀a Luawawaɛ. Màa Aitofɛli lɛdama dɛ Davidiɛ ń Abisaloũo píi.

2Sam 17:14

Ɔ̃ Abisaloũ ń Isailiↄ píi mɛ̀: Usai lɛdama maa dɛ Aitofɛli pↄ́a. Dii mɛ́ zɛ̀ò à Aitofɛli lɛdama maapi bãdɛ, kɛ́ à e Abisaloũ ásookɛ yã́i.

2Sam 17:23

Kɛ́ Aitofɛli è wi zĩkɛ a lɛdamawao, à fɛ̀lɛ káoyè a zàa'ĩnaɛ, à tà a bɛ wɛ̃́lɛu. À a bɛ yãgↄ̃̀gↄ̃, ↄ̃ à azĩa lòo à gà, ↄ̃ wà aà vĩ̀ a mae mia'ɛu.

Ɛsitɛɛ 7:10

Kɛ́ aa Amani lòo lí pↄ́ a pɛ̀lɛ Maadoseɛpiwa, kí pↄ wèe.

Yobu 5:13

Ì ↄ̃nↄnaↄ kṹ ń kↄ̃nikɛa guu, ì to yãfuangbanaↄ lɛdama kɛ pã.

Soũ 141:10

To gbɛ̃vãipiↄ si ńzĩa bai guu, mapi sↄ̃ mí dↄi aafia.

Bↄa 1:10

Wà gɛ́ ↄ̃nↄkɛinɛ́ kɛ́ aasu kã́fĩo yã́i. Tó zĩ sù fɛ̀lɛ, aa na wá ibɛɛↄwa, aa zĩkawanↄɛ, aai bↄlɛ wá bùsuu.

Bↄa 18:11

Má dↄ̃̀ sa kɛ́ Dii zↄ̃ↄ dɛ dii kĩniↄla píi. Kɛ́ Egipiↄ bã̀nkũ̀wá, a ↄ̀lↄnɛ́.

Yáasiↄ 14:8

Ɔ̃nↄ ì to laaide làasookɛ a zɛ́wa, sↄũ faasaikɛ ì aà sã́sã.

Yáasiↄ 21:30

Ɔ̃nↄ ge wɛzɛ̃ ge lɛdama, an kee a fↄ̃ pã Dii pↄeãlao.

Isaia 44:25

Mi ãnabi ɛgɛnaↄ seela pã́lɛ, mi to màsokɛnaↄ gↄ̃ láanipↄ ũ, mi to ↄ̃nↄnaↄ kpɛkpa, mi ń dↄ̃a liaanɛ́.

1Kln 2:6

Ń beeo wi ↄ̃nↄyã o gbɛ̃́ kàsaaↄnɛ. I kɛ dṹnia tiaɛ bee ↄ̃nↄ ge a gbãade pↄ́ an gbãa lɛ́ midɛↄ pↄ́ no.

1Kln 4:6

Yã́ pↄ́ má òɛ́ɛ bee, má ò mapi ń Apolooo yã́ musuɛ, kɛ́ àↄ yã́ɛ bee dↄ̃: Wasu Lua yã́ baa vĩo. Á gbɛ̃e su ĩ́anadã à zɛ ń gbɛ̃doo à bↄ gbɛ̃do kpɛo.

Ɛfɛsɛdeↄ 4:14

Màa wáↄ dɛ nɛ́fɛ̃nɛna pↄ́ wì ↄ̃nↄ ń kↄ̃nio kɛnɛ́ wà ń sã́sãↄ ũ lↄo. Yã́ dafu daanɛ́ ì ń sɛ́ lán ĩ́ana ge ísↄ̃wa.

Zaaki 3:15

Ɔ̃nↄ bee taa lí bↄ musuo, dṹnia pↄ́ɛ, á dàa pↄ́ɛ, tã́a pↄ́ɛ.