1Kln 13:13 - Bòó Bibeli Luayãtaala

¹³ Tiasa yã́ mɛ̀n àaↄ̃ɛ beeↄ mɛ́ gↄ̃̀: Luanaaikɛa ń wɛdↄaaàzio ń yeakↄ̃io, ãma yeakↄ̃i mɛ́ dɛńla.

1Kln 13:13 Iomraidhean Croise

Soũ 146:5

Báaaden gbɛ̃́ pↄ́ Yakↄbu Lua mɛ́ aà dↄnlɛde ũ ũ, aà wɛ́ ìↄ dↄ Dii a Luazi.

Soũ 42:11

Ma ĩadamadeↄ ì ma sↄ̃́sↄ̃, ma wá ìↄ wí, aaìↄ omɛɛ gↄↄpii: N Lua ku máɛ la?

Soũ 43:5

Bↄ́yãi ma sↄ̃ ↄ̃̀ↄkpài? Bↄ́yãi ma nↄ̀sɛ yài? Máↄ wɛdↄ Luazi, asa má ɛa màↄ aà táasilɛ, ma Suabana, ma Lua.

Luku 10:27

Gbɛ̃́pi wèwà à mɛ̀: Ǹyↄ̃ ye Dii n Luazi ń nↄ̀sɛmɛndoo teasisai n gbãa pua lɛ́u, n sↄ̃ iↄ kuwà, níↄ ye n gbɛ̃́deezi lán nzĩa wɛ̃niwa.

Luku 22:32

Ɔ̃ ma wabikɛ̀nɛ, kɛ́ ma náai pↄ́ ń vĩ su kɛ̃́sãmao. Tó n ɛa n sua, ǹ n gbɛ̃́ↄ gba gbãa.

Lomadeↄ 15:13

Lua pↄ́ gbɛ̃́pii wɛ́ dↄi to pↄna ń aafiao pɛɛwá a náai pↄ́ álɛ kɛ yã́i, kɛ́ á wɛdↄaaàzi kã́fĩ ń a Nisĩna gbãao.

1Kln 14:1

À to yeakↄ̃i yã́ dↄaaɛ́, í wɛbii Lua Nisĩna gbaↄwa, atɛ̃sa ãnabikɛkɛa.

1Kln 16:14

À yã́pii kɛ ń yekↄ̃io.

1Kln 3:14

Tó gbɛ̃́ zĩ pↄ́ a kɛ̀ bↄ̀ tɛ́kũsai, ade a ài'e.

1Kln 8:1

Sa'oblɛ yã́ musu, wá dↄ̃ kɛ́ á yã́ↄ dↄ̃ ápii. Dↄ̃a sↄ̃ ìↄ yↄ̃̀ↄ vĩ, yeakↄ̃i mɛ́ kã́fĩa vĩ.

1Kln 8:3

Tó gbɛ̃́ ye Luazi, Lua aà dↄ̃.

2Kln 5:10

Asa Kilisi aↄ zↄ̃lɛa a gĩ́naa, wápii wí bↄ zɛ aà aɛ, i fĩabo wá baadeɛ aà kua mɛ guu yãkɛawa, a maa ge a vãi.

2Kln 5:15

À gà gbɛ̃́pii gɛ̃ɛ ũ, kɛ́ gbɛ̃́ pↄ́ gↄ̃̀ↄ su wàↄ kú ńzĩa pↄ́ ũ lↄo, sema gbɛ̃́ pↄ́ gà ń gɛ̃ɛ ũ à vù pↄ́.

Galatiↄ 5:6

Naa Kilisi Yesuwa tↄ̃zↄ̃a ge tↄ̃zↄ̃sai yãe vĩo, sema Yesu náaikɛa pↄ́ ì to wàↄ yekↄ̃i.

Filipideↄ 1:9

Mi wabikɛɛ́ á yeakↄ̃i àↄ kã́fĩ àↄ gɛ́ dↄ̃a ń wɛ́kɛ̃a wásawasao guu,

Kↄlↄsideↄ 1:27

Lua ye aa dↄ̃ lá asiiyãpi gbia zↄ̃ↄ á buipãleↄnɛ. Asiipin kɛ: Kilisi kú á guu, ↄ̃ á wɛ́ dↄ gawii.

Kↄlↄsideↄ 1:5

kɛ́ á wɛ́ dↄ pↄ́ pↄ́ dilɛaɛ́ luabɛi yã́i. A yã́ sĩande mà yãa baona pↄ́ wa kpàɛ́ guu.

Kↄlↄsideↄ 3:14

Azaiasa àↄ yekↄ̃i, asa bee ì mↄ́ ń lɛdoũ yãkelesaio.

1Tɛs 1:3

Kɛ́ i zĩkɛ á luanaaikɛawa, mɛ́ á yea gbɛ̃́iá yã'oa ń lɛ́o yã́ no, mɛ́ á wɛdↄ wá Dii Yesu Kilisizi seasai yã́i, a yã́ ìↄ dↄwágu Lua wá Mae kùɛ.

1Tɛs 5:8

wápiↄ sↄ̃, lá fãanɛ gbɛ̃́ↄn wá ũ, wàↄ kú ń laaio, wí luanaaikɛa ń yeakↄ̃io da mↄ̀ ula ũ, wí wɛdↄa zia'ea yã́i kpá mↄ̀ fùa ũ.

1Tim 1:5

Ma yã́pi dìlɛ kɛ́ aaↄ yekↄ̃i yã́iɛ, yeakↄ̃i pↄ́ ì bↄ nↄ̀sɛpua ń làasoodaadoũo ń luanaaikɛa mↄafilisaio guu.

2Tim 1:7

asa Nisĩna pↄ́ ì wá gba gbãa, ì to wàↄ yekↄ̃i, ì to wàↄ laai vĩ ↄ̃ Lua kpàwá, i kɛ nisĩn fooo no.

Ɛbɛluↄ 10:35

A yã́i tò ásu to sea gɛ̃ wↄ́ↄ pↄ́ ài vĩɛ́ zↄ̃ↄ guuo.

Ɛbɛluↄ 10:39

Gbɛ̃́ pↄ́ aaì pↄ̀ↄbↄzã kɛ aa ńzĩa kaalɛↄn wá ũo. Gbɛ̃́ pↄ́ aalɛ Lua náaikɛ aa àizãna eↄn wá ũ.

Ɛbɛluↄ 6:11

Wá ye á baade àↄ ãia vĩ màa e a lɛ́wa, kɛ́ ásu seakɛ pↄ́ pↄ́ á wɛ́ dↄi yã́ musuo.

Ɛbɛluↄ 6:19

Bee ↄ̃ wá wɛ́ dↄi wá wɛ̃nidↄbↄ ũ. A náai vĩ mɛ́ a gbãa, ì zwãa pↄ́ daa Lua kpɛ́u baa vĩwanↄ,

1Piɛ 1:21

Aà yã́ musu ↄ̃ álɛ Lua náaikɛ. Lua aà bↄ̀ gau à gawi kpàwà, kɛ́ à e a náaikɛ, á wɛ́ iↄ dↄazi.

1Zãa 2:10

Gbɛ̃́ pↄ́ ye a gbɛ̃́deezi ku gupuau, aà yãe lí tó gbɛ̃e fuo.

1Zãa 2:14

Ma nɛ́ↄ, ma láɛ bee kɛ̃̀ɛ́ kɛ́ á Mae Lua dↄ̃. Maeↄ, ma láɛ bee kɛ̃̀ɛ́ kɛ́ á gbɛ̃́ pↄ́ kú za asĩnizĩ dↄ̃. Ɛ̀waasoↄ, ma láɛ bee kɛ̃̀ɛ́ kɛ́ á gbãa mɛ́ á Lua yã́ kũa, ↄ̃ a zĩblè Setãuwa.

1Zãa 2:24

Àↄ yã́ pↄ́ á mà za káau kũa. Tó á yã́ pↄ́ á mà za káaupi kũa, áↄ naa Lua Nɛ́wa ń aà Maeo.

1Zãa 3:3

Gbɛ̃́ pↄ́ a wɛ́ dↄaàzi màa, aàↄ ku gbãsĩsai lá Kilisi ku gbãsĩsaiwa.

1Zãa 3:9

Gbɛ̃́ pↄ́ Lua aà ì líↄ tɛ duunawao, asa Lua kɛkɛá kú aà guuɛ. A fↄ̃ líↄ tɛ duunawao, kɛ́ Lua aà ì yã́i.