1Kln 10:13 - Bòó Bibeli Luayãtaala

¹³ Yↄ̃ae i á leo, sema a pↄ́ pↄ́ ì gbɛ̃́pii le bàasio. Lua náai vĩ, a to wà á yↄ̃ dɛ á gbãa lɛ́ao. A á gba zɛ́ à yↄ̃a fↄ̃, í bↄu.

1Kln 10:13 Iomraidhean Croise

Soũ 124:7

Wa bↄ fíiu lán bãwa. Fíi zↄ̃̀wá, wa pilimá.

Soũ 125:3

Gbɛ̃vãiↄ e wàↄ kible gbɛ̃maaↄ bùsuwa aaↄ gɛ́o, kɛ́ gbɛ̃maaↄ su ↄda vãikɛauo yã́i.

Soũ 36:5

Ì yãvãi wàaipa a wúlɛkĩi, ìli gí yãpãsĩio, ì azĩa pɛ́lɛ zɛ́ faasai guu.

Soũ 89:33

má gotↄ̃má an tàaeↄ yã́iɛ, mí ń kɛ búubuu an vãi yã́ musu,

Bↄa 3:17

Má ń bↄlɛ Egipi, gu pↄ́ aalɛ taasikɛupi, mí gɛ́ńnↄ bùsu pↄ́ Kanaaↄ kuu ń Itiↄ ń Amↄleↄ ń Pɛliziↄ ń Iviↄ ń Yebusiↄ, gu pↄ́ vĩ ń zↄ́'io diu.

Isaia 11:5

A yã́zɛde kuluka báa ũ, a náai dↄ a pi asana ũ.

Isaia 25:1

Dii, ma Luan n ũ, má n kpɛla, má n tↄbↄ, asa ń náai vĩ maamaaɛ, n yãbↄnsaɛ pↄ́ n zɛò za zi kɛ̀.

Isaia 49:7

Dii, Isailiↄ Bona, an Lua pↄ́ a kua adoapi mɛ́ ò kpalablenaↄ zↄ̀blena pↄ́ wà sakàu wa ye aà gĩyãioɛ à mɛ̀: Tó kíaↄ wɛsìnlɛ, aa fɛlɛ zɛ, dↄaanaↄ i kúlɛnɛ, asa Dii pↄ́ n sɛ náai vĩ, Isailiↄ Lua pↄ́ a kua adoapi.

Zelemii 12:5

Tó n bàalɛ̀ ń kɛ̀sɛdeↄ mɛ́ aa n kɛ̃, kpelewa ńyↄ̃ bakpaaĩ kɛ ń sↄ̃deↄi? Tó n sↄ̃ daa doũ bùsu aafiadeuo, kpelewa ńyↄ̃ kɛ tó Yuudɛ̃ pài?

Zelemii 29:11

Asa má yã́ pↄ́ ma zɛò mà kɛɛ́ dↄ̃. Ma Dii mámɛ má ò. Aafia yã́ɛ, i kɛ yãpãsĩ no. Má á ká zia pↄ́ á wɛ́ dↄiwa.

Wɛ̃n 3:23

Aà yeańzi ìↄ dafu lá gu lɛ́ dↄɛ, a náai vĩ zↄ̃ↄ.

Daniɛli 3:17

Kí, tó wà wá zú mua tɛ́u, wá Lua pↄ́ wi zↄbleɛ̀ a fↄ̃ wá bↄu, i wá bↄ n ↄzĩ.

Ozee 2:20

Gↄↄ bee má yãdilɛ pↄ́ↄnɛ píi an yã́ musu, sɛ̃̀anↄbↄↄ ń bãↄ ń pↄ́taa'onkuawaↄ. Má sá ń fɛ̃ndao ń zĩo midɛ an bùsuu, mí tó aaↄ ku we dↄdↄa.

Matiee 6:13

Ńsu to wà fu yↄ̃awao, wá kɛ̃́ vãiwa.

Luku 11:4

Wá duuna kɛ̃́wá, asa wi gbɛ̃́ pↄ́ tàaekɛ̀wɛ̃ɛↄ kɛ̃ píiɛ. Ńsu to wà fu yↄ̃awao.

Luku 16:26

Bee gbɛa tↄ̃ↄ'ɛ zòolo da wá zãnguo. Tó gbɛ̃́ ye bↄ la à gɛ́ á kĩ́i, a fↄ̃o, mɛ́ gbɛ̃e a fↄ̃ bↄ we à mↄ wá kĩ́io.

Luku 22:46

Ɔ̃ a ònɛ́: Àkɛa álɛ i'oi? À fɛlɛ wabikɛ, kɛ́ ásu fu yↄ̃awao yã́i.

Zĩn 27:44

gbɛ̃́ kĩniↄ iↄ tɛ́ ń kpɛ lipɛpɛɛↄ ge gó kasoↄ musu. Beewa ↄ̃ gbɛ̃́pii baa lè aafia.

1Kln 1:9

Lua náai vĩ. Ɔ̃mɛ á sisi à gbɛ̃́kpa ń a Nɛ́ Yesu Kilisi wá Diio.

2Kln 1:10

À wá bↄ́ kai zↄ̃ↄ guu, mɛ́ a wá bↄu. Aàpi wá wɛ́ dↄi aà wá bↄu lↄ

Ikoyã 7:9

Àↄ dↄ̃ kɛ́ Dii á Lua mɛ́ Lua ũ. Ɔ̃mɛ Lua náaide pↄ́ ìↄ zɛa ń a bàakuaánↄo ũ. Ìↄ gbɛ̃kɛ vĩ ń gbɛ̃́ pↄ́ yeazi aa a yãdilɛaↄ kũaↄ e ń buiwaɛ.

1Tɛs 5:24

Lua pↄ́ á sisi à á sɛ́ náai vĩ, a yã́pi kɛɛ́.

2Tɛs 3:3

Dii náai vĩ, a á gba gbãa, i á sí Setãuwa.

2Tim 4:18

Dii a ma bↄ yãvãi guu píi, a ma suaba e ma gɛ kaò aà kpalau musu. Ɔ̃mɛ gawi vĩ gↄↄpii, ãmi.

Ɛbɛluↄ 10:23

Wàↄ zia'ea yã́ pↄ́ wa zɛò kũa sↄ̃̀deedeesai, asa Lua a lɛgbɛ̃̀, mɛ́ náaideɛ.

Ɛbɛluↄ 11:11

Sala luanaaikɛa mɛ́ tò a è nↄsì, baa kɛ́ fĩiɛ mɛ́ à zikũ̀, asa a dↄ̃̀ Lua pↄ́ lɛgbɛ̃̀ɛpi náai vĩ.

Ɛbɛluↄ 12:4

Asa á dɛ̃ɛkaa ń duunao guu, i zɛ gi e a gɛ gaò yãao.

Ɛbɛluↄ 6:18

Beewa yã́ mɛ̀n pla ku a lilɛa vĩo, Lua a fↄ̃ ɛɛto a musuo. Yã́piↄ lɛ́ wá gbɛ̃́ pↄ́ wa naaàziↄ gba sↄ̃ maamaaɛ wàↄ yã́ pↄ́ wá wɛ́ dↄi kũa seasai.

1Piɛ 4:19

A yã́ mɛ́ tò gbɛ̃́ pↄ́ aalɛ taasikɛ Lua pↄeãkɛa yã́iↄ aa ńzĩa na ń Kɛna náaideɛ a ↄzĩ, aai wɛtã wàↄ maakɛ.

2Piɛ 2:9

Màa Dii gbɛ̃́ pↄ́ naawa bↄa yↄ̃a guu dↄ̃, mɛ́ a gbɛ̃vãi kũa dↄ̃ e àↄ gɛ́ ĩadaiwà yã́kpalɛkɛgↄↄzĩ.

1Zãa 1:9

Tó wa wá duunaↄ ò Luaɛ, Lua dee náai vĩ, ì yãkɛ a zɛ́wa, a wá duunapiↄ kɛ̃́wá, a yãvãi wolowá píi.

Zia yã́ 19:11

Ɔ̃ ma luabɛ è a wɛ̃a, ↄ̃ sↄ̃kaapua bↄ̀, gbɛ̃́ pↄ́ di a kpɛ tↄ́n Náaide Sĩande. Ì yã́kpalɛkɛńnↄ, ì zĩkańnↄ a zɛ́wa.

Zia yã́ 2:10

Ńsu vĩakɛ taasi pↄ́ ńyↄ̃ kɛɛo. Ma, Ibiisi a á gbɛ̃eↄ ká kpɛ́u à á yↄ̃, i wɛ́tɛ̃amↄɛ́ gↄↄ kwi. Ǹyↄ̃ náai vĩ e n gɛ ǹ gaò, mí àizãna kɛnɛ yàae ũ.

Zia yã́ 3:10

Lá ń mɛna yã́ pↄ́ má dìlɛnɛ kũa, má n si taasi pↄ́ lɛ́ mↄ́ dṹnia bṹuwa à gbɛ̃́ pↄ́ aa ku tↄↄlɛↄ yↄ̃wa.

1Sam 29:10

Tó gu dↄ̀, fɛlɛ kↄↄkↄↄ ń n dii Saulu zↄ̀blena pↄ́ mↄ̀nnↄↄ, í tá.